Популярні біблійні вірші з Abakwane̩ 9

Поділитись

Oñ O̩jo̩ kakini, E-kide̩ chʼujiwe alo kʼu nakpe̩ ki dʼagbagba omi kpai ame̩ onugo kpai ame̩wñ iñmi du ki jʼugbo-me̩ le̩, tod abo o̩gba nʼo̩gba gbogbo alo: omi adu o̩ba-mi tef akpa, i ado̩mo̩ todu ujiwe alo ekpe̩ agbagba omi kpai ane̩-ile̩.

O̩ba le̩ adʼef akpa, tak omi onugo agʼo kʼu nadibekado alo-ekpe̩ e-ogbegbele̩ ki dʼagbagba O̩jo̩ kpai onugo ame̩wñ iñmi du ki chʼo̩re̩la, owñ chʼe-du ki dʼane̩-ile̩.

E̩ne̩ du kʼi adʼe̩bie̩ one̩ dafo, lugbo one̩ ma adʼe̩bie̩ e̩ne̩ le̩ dafo; todu O̩jo̩ che one̩ ojibo owñ.

Tak O̩jo̩ de̩nyo̩ ñwu Noa kpai amo̩ma-wñ e̩ne̩ke̩le̩, oñ i ka ñwu ma kakini, Me̩ ki bi o̩ma ku me̩ wewe nyo̩gba, ku me̩ ko̩ ile̩-i.

E̩wñ du ki achiche̩ ki añmiñmi achʼuje̩wñ todu me̩; dabalu kʼe̩wñ oko emimi de̩, abe̩le̩ omi mʼo̩chaka e̩wñ du ko ñwu me̩ me̩.

E̩gahi-me̩ kpai ailo-me̩ amʼame̩wñ iñmi okoke du ile̩-i, kpai e̩we̩ ojale okoke, ama kpai e̩wñ du ki afa ane̩ kpai ame̩ja ef ohimini abadi du; ma mʼuma ko jʼef o̩wo̩-me̩.

Ame̩, me̩ nabi o̩ma ku me̩ wewe nyo̩gba, me̩ ki fo̩ji ile̩-i ku me̩ wewe nyo̩gba efu-wñ.