Популярні біблійні вірші з Luc 23

Поділитись

Aiamihaw Cecoc, e itetc: “Notawi, kasihamawik ohki ka nekatcihitcik. Nama meka kiskeritamok e totakik.” Minawatc owikasimiriw ki tetawonamatowok aniki cimakanicak, kaie ki metowewok kitci kiskeritakik anahwe ke kanewitc aniheriw wikasiriw.

Aci itiko Cecoca: “Tapwe ohwe ka witamatan: anotc ki ka witci tacikemin neta e ici micta mirwatcitaniwok!”

Minawatc kiapatc itew: “Cecoc, mikawi totacikan tacikeine kokimawinik.”

Aci ki tepwew Cecoc e kiciwetc: “Notawi, ki miritin nitcitcakoc.” Ka ickwa itetc aniheriw, ekoni ka iti nipotc.

Tekocikik neta Octikwanikekan Matinacic ka icinikaterik, aniki cimakanicak ki tcictaskowatewok Cecoca tcipaiatikok kirika anihi iriniwa ka ki matci totamiritci. Peikw anahwe iriniw, Cecoc onihiwinik ki ici tcimirakaniwiriw otcipaiatikoma. Minawatc anahwe kotak, Cecoc onimitciwinik ki ici tcimirakaniwiriw otcipaiatikoma.

Aci wiec apita kicikakopan. Kek pisimw nama awocamec ki otci pe itasikew. Tekaci ki tipiskaw kaskina wiec neta askik, nac nicto tipahikan e ickwa apita kicikak. Akwekahikan, neta kitci aiamihe mikiwamik e itekitinokopanen, ki rarikiparin e tetawekiparik.

Ka tiperimatc Romain cimakanica ka wapatak ani e isparinik, ki mirwatcimew Kice Manitowa, e itetc: “Otcitakotc icikowisk iteritakosipan anahwe iriniw!”