Популярні біблійні вірші з Luc 21

Поділитись

Akawir notekocikw! Pakoserimokw mocak. Ekoni tca ke otci tipi mackawisiekw kitci miwotaiekw kaskina ke pe iciwepasiekw, kaie nikanik kitci ki icikapowiekw, wapamekwe anahwe Ka ki pe iriniwihitisotc .”

“Aiekwamisikw! Ekwa kitci osami kiwockweparitisoekw mekwa e mirwatatamekw, aka kitci arimeritamekw e mamitoneritamekw ka ici arimipariekw e pimatisiekw. Kecpin meka tepirak anihe mamitoneritamekwe, takociparike anihe ke kicikak kitci tipaskonikaniwok, ki ka kockoparinawaw ke ispariekw

Sokikapowikw tca! Ekoni meka ke otci mirikoiekw kakike pimatisiwin!”

Nin tipirawe ki ka witamatinawaw ke iteiekw. Kirika miro mitoneritcikan ki ka miritinawaw, aka tca otci peikw neta e tacitcik iriniwok kitci kackitatc kitci acitemitakw, aka tca kitci takonik ke ki ititakw.

Waskok kaie aski tekaci kata ickwaparino, aric nititewin nama wiskat kata ickwaparin.”

“Kata micta pe mamiskasinakon neta pisimok, tipiskaw pisimok kaie atcikocik, e pe kicawatcitakaniwok kekocic e kicteritakok. Ota askik kaskina iriniwok kotc e aicinakositcik kata micta nekateritamok kaie kata arimeritamok e petakik kitcikamiriw e micta mitcahanik. Atita kata nipowok ke apitc sekisitcik, e mamitoneritakik ke iti isparinik kaskina wiec ota askik. Kaskina meka icpimik ka ici takok, pisimw kaie tipiskaw pisimw kaie atcikocak, kata ninikipariwok. Kata wapamakaniwiw anahwe Ka ki pe iriniwihitisotc , oskok kitci otci pe nokositc, minawatc pe takocike, e mackawisitc kirika e icperitakositc.

Kaskina awik ki ka cikerimikowaw, osam e nosanehwiekw.

Kata micta kwekon, kata kokataniwon kirika kata mitceno akosiwina e pamipariki, mitcet kata nipahikowok. Icpimik kata micta koctasinakon, kata mamiskasinakon, e pe kicawatcitakaniwok kekocic, wakwek kitci pe otciparik.

Petakeiekwe kitci micta natoparictatonaniwok, akawir sekisikw. Actew kitci icinakok. Nama aric ni moci kata ponaskiwon.” Kiapatc itew Cecoc: “Kata mamowinehitowok iriniwok ite kotc e ici aitaciketcik. Peikw okimaw kata nta natoparictawew kotakihi okimawa.

“Kata micta pe mamiskasinakon neta pisimok, tipiskaw pisimok kaie atcikocik, e pe kicawatcitakaniwok kekocic e kicteritakok. Ota askik kaskina iriniwok kotc e aicinakositcik kata micta nekateritamok kaie kata arimeritamok e petakik kitcikamiriw e micta mitcahanik. Atita kata nipowok ke apitc sekisitcik, e mamitoneritakik ke iti isparinik kaskina wiec ota askik. Kaskina meka icpimik ka ici takok, pisimw kaie tipiskaw pisimw kaie atcikocak, kata ninikipariwok.

Kiapatc itew Cecoc: “Kata mamowinehitowok iriniwok ite kotc e ici aitaciketcik. Peikw okimaw kata nta natoparictawew kotakihi okimawa.

Itew Cecoc: “Aiekwamisikw aka kitci paskewirikoiekw. Mitcet meka iriniwok kata takociniwok niticinikasowiniw kitci apatcitatcik, kitci tca itetcik: ‘Nin ni anihi ka ki itespan Kice Manito kitci pe iciticohwatc ota askik kitci akwacimiweritci!’ Kotakihik kata itewok: ‘Aci kata pe iciwepan!’ Akawir aric tapwetowakw.