Популярні біблійні вірші з Jean 17

Поділитись

“Mirik kaskina kitci tiperitamowotc opimatisiwiniwaw, tekaci kitirinimak kitci iteritakositcik, kitapwewin kitci totaman. Enko meka ohwe kitapwewin: kititewin.

Ekoni e icinakok e kakike pimatisinaniwok: e kiskerimikoin kir e Kice Manitowiin e peikociin, acitc e kiskerimakaniwitc Cecoc Krist, anahwe ka ki pe iciticohwotc.

“Namaiew tepirak wirawaw anotc nitirinimak ka aiamihectamowakik, aniki aric kirika ke tapwerimitcik ickwa petamowate Mirwatcimowiniw ke witamawakotcik anahweriw anotc ka tapwerimitcik, kaie wirawaw nit aiamihectamowawok. Ni pakoserimon kaskina peikw kitci iteritakositcik. Notawi, mocak kitci witcewitakok, mitowi kir e witcewiin, kaie nin e witcewitan; enko tca ni peikw kaskina kitci iteritakositcik, kitci ki otci tapweritakik iriniwok e ki pe iciticohwiin ota askik.

Nama ki pakoserimitin kitci orowitiratcik ota askik, aric ma kitci nanakatcihatcik aka kitci matci totakotcik Ka Matcatikosiritci.

Ni ki mirawok icperitakosiwiniw, aniheriw peikon kir ka ki pe miriin, kitci ki tekaci peikw iteritakositcik, mitowi kirano peikw e iteritakosiikw. Nin ni witci tacikemawok otehiwak kirika kir ki witci tacikemin nitehik. Ekoni aci tekaci peikw ke ki iteritakositcik. Ekota ni ke otci kiskeritakik iriniwok tapwe e ki pe iciticohwiin kirika kir e sakihatcik, kotc e asitci sakihiin.”