Популярні біблійні вірші з Jean 16

Поділитись

Ki ki witamatinawaw anihe kitci pekateritamekw kitehiwak, mocak e witcewiekw. Ota askik ki ka nekatcitanawaw. Aric sokerimokw! Aci kaskina ni ki cakotcitan ka maratak ota askik!”

Pe takocike Miro Manito, anahwe ka miriwetc tapwewiniw, ki ka witcihitinawaw kaskina tapwewin kitci kiskeritamekw. Nama tepirak wir tipirawe otiteritamowin kata otci aiarimwew, aric aniheriw ki ka witamakowaw kaskina ke ici petak, kirika kata tipatcimo ke iti aiciwepanik.

Nama moci ki ki otci nataweritenawaw kekocic niticinikasowin otci. Nataweritamokw, ki ka mirikowinawaw. Kata tca micaw kimireritamowiniwaw.”

Aric tapwe ohwe ka pe witamatakok: kirawe kata miroparin kirawaw otci kitci matcaian. Tapwe wirata, kecpin aka matcaiane, nama ki ka pe natawapamikowaw anahwe ke pe nta witcihitakw. Aric matcaiane, ki ka pe iciticahamatinawaw anahwe kitci nta witcihitakw. Takocike kata wapatahew ota askik iriniwa e ki onipariritci pactatowinik itekera, nte kaie icikowisk totakewinik, kaie tca nte Kice Manito otipaskonikewinik itekera.

Peikon kaie kirawaw anotc mekwata ki nekateritenawaw, aric kiapatc minawatc ki ka wapamitinawaw. Ki ka tca micta mireritenawaw, nama kaie awik kata kackitaw kitci maninamatakw aniheriw kimireritamowiniwariw.” “Ani apitc ke kicikak, nama awocamec ki ka kokwetciminawaw kekocic. Ohwe ka witamatakok, tapwe ni icinakon: Notawi ki ka mirikowaw kaskina ke ici nataweritamawekw, niticinikasowin otci.

Ohwe ka witamatakok, tapwe ni icinakon: ki ka matonawaw acitc ki ka nekateritenawaw, mekwata iriniwok ka nosanetatcik matci meskanariw ota askik e mireritakik. Ki ka arimeritenawaw, aric kitarimeritamowiniwaw kata iti natciparin kitci micta mireritamekw.