Популярні біблійні вірші з Акълова 1

Поділитись

БетӀергьан Аллагьлихъа гьичӀейолъи – вагьли гей илмо-лъайлис бигъа. Аᵸкълована насигьатлана йа̄тӀаъцаса ба̄хъца аьбдалла. Ми энекзи ахъ, дие оьжо, абола малъилахъа, ийос нисойона йугъола̄къа.

кьолла̄ аьдамла̄ла гьинода̄ гьолло̄л бувагъоллъо, аьбдалла̄слъийо пикро гаьччолъила гьолло̄л пасад бовагьлъо. Амма дӣхъа энекзи ахъцас сукӀо сагъ-саламатлъилаъ гьихлъас, балагьлихъа гьичӀечӀе гьули раьгьатлъилаъ ахъас».

Вагьаддо̄л йаьжбо аьᵸдалаъ йеᵸйагьда, аᵸкъиллис лъайна телилъас, цӀодораблис цӀодорлъи-аᵸкъиллъи кӀетӀлъас.

Йе дие оьжо, мунагь-гьаькълила агьлола гьидедой кьисада, эᵸкьа̄къа муьгъалӀ.

Давудила оьждис, Израиллиъ ханлъилаъ зукъова Сулайбанис, аᵸкъилабла йаьжбо гей вагьаддо̄л. Гьоддо̄л ча̄хна гей аьдамла̄л аᵸкъло мокъанна, цӀодорлъилаъна адло-тадбирлиъна гьолло̄л муьхо-маьханна, аᵸкъилабла йаьжла̄ш гьоллол маьъна бикъанна. Вагьаддо̄л ча̄хна гей аьдамла̄ъ адло-тадбир телилъанна, къацӀцӀо гьаькъабна, ритӀухъабна, бацӀадабна гьоллола йакӀкьа йеᵸцанна. Аᵸкъло гаьчча̄л аᵸкъло мокъанна, оьлохъаллил илмо-лъайна бичӀна михъанна.

миже дӣхъа илӀелаба̄л муьхобалъдана, до энекзи йахъаъас, до йиᵸзал муьхобалъдана, мизол до йиᵸхъаъас, илмо-лъайна мизол батӀаъалъ, БетӀергьаллиъкьа̄ мокъоцас гьинкъина къабул боваъалъ