Популярні біблійні вірші з Sen 37

Поділитись

En vongien tai, Siosep matil vovoi, ka navong vit usili min tunali keil, tine kati houlu mok.

Siekob, envatien onen mul en Siosep suli natnali sav keil veni kei matu navong avasi. Siekob mumon eisin taveah omon Siosep koa moreite mok ka musin eni en kei.

Ka navong tunali keil ales envatien onen tata one mul en Siosep suli keil, mete tisa kati ka arselustei vatahos mini.

Evus, Siosep matil vovoi eris ka viteni min tunali keil vit, “Namatil vovoi eris, ka nales meteiai, avati ka hitu teindan tai (11) uva netan minau.”

Tunali keil avi elu kati mok ka tata mules mundem usil tounah koa Siosep viteni.

Kei vit, “Mihelong matil vovoien onak. Romum out tas en ah ten uit ka romul ropar ruain uit keil. Evus, koa napar ruaini mulomal ka koa onami akarahiti ka uva netan mini.”

Almai rovaha rovouasi vamat ka rovason teiai onen vaha en vulvul tai koa mul en out enek. Hevus, rokilea rovahiteni keke tirendan tai rali vahasi ka kani. Hesakini, reheles asa varei hekistal en matil vovoien keilu onen.”

Ka navong tei en keil umai vesesal, tunali keil aleh lat Siosep ran vulvul ka amaen lati ven keil. Me-Mid keil enek avul lati en mani koa silva vi hanumau (20), ka akuri uva en out Isip.

Aviteni min keil eris avit, “Meatin ten matil vovoien enek mul mai.

Navong tunali keil alesi mul soutin veah, arun lekat sise koa avouasi vamat.

En out volvol en out enek, rehesoni hehita en vulvul ten oai keisom koa memes, ronasontei her napoen.” Viteni mukok veni mundemi keke hekulati ran he ka hesila risi heha ven tata one.