Популярні біблійні вірші з Joni 5

Поділитись

Nagra tamage hu'na neramasmue, aza'o Nagri nanekema nentahino hunantege'na e'nomofonte amentinti hanimo'a, manivava asimu enerino, vahe'ma refko hania knafina, fri'zana agtereno asimu erino manigahie.

Anante mseno mani'negeno Jisasi'a negeno, za'za kna ana krifina mse'ne huno antahi'ne. Jisasi'a anage huno asmi'ne, Kagesama antahinana krika'a knare hugantesie hunka nentahino?

Tamagra Anumzamofo avontafepi nehakraze, na'ankure tamagra mani'vava mani'zana hago eri'none hutma nentahize. Hianagi e'i ana avontafemo'a Nagriku huama nehie. Hianagi Nagrite'ma e'netma tmasimu eri'zankura tamagrira tamavesra nehie.

Jisasi'a nentahino ana neku huno, Otinka, naverisaka'a renamginka e'nerinka vuo. Hantaka huno kri'amo atrentegeno, tafe'a erirenamgino e'nerino otino agafa huno kana vu'ne. Ana kna mni fruhu kna (Sabat) zupa ana kaguvazana hu'ne.

E'inage hzageno Jisasi kenona zmirera amanage huno zamasmi'ne, Nagra tamagerafa hu'na neramasmue, Nemofo'a Agra'a avesitera mago'zana hugaosu'neankino, ke'nesigeno Nefa'ma huveri'nesia zanke, Nemofo'a anazanke hugahie.