Популярні біблійні вірші з Lucas 23

Поділитись

Dayun mig-ampù si Jesus, kagi din, “Amay ku, pasayluwa sidan ta hurà dan katun-i sa tagbuhaten dan.” Binahin taena ha mga sundalu sa pinaksuy hi Jesus pinaagi hu ripa.

Tuminubag si Jesus, “Laus gayed sa ag-ikagiyen ku ikaw ha iman taini ha aldaw makagduma-duma kid en duun hu madagway ha banuwa hu Dios.”

Dayun inikagiyan din si Jesus, “Ginuu, henhenaa a ikaw asem ku magharì ka.”

Nangulahì si Jesus, “Amay ku, igtugyan ku ikaw sa ispiritu ku.” Su maikagi din haena nabugtuan dayun.

Su makauma sidan duun hu lugar ha tagngaranan hu Tul-an hu Ulu hu Etaw inlansang dan si Jesus duun hu krus duma ku daruwa ha masinupaken, sa sabuwa diyà dapit ta kawanan din daw sa sabuwa diyà ta gibang din.

Su maugtu en sa aldaw suminukilem sa tibuuk ha kalibutan hu tatulu ha uras ta hurà en siga sa aldaw. Su makepal ha manggad ha in-elang diyà ta Timplu naliwarà nayahà.

Su maahà ku kapitan hu mga sundalu sa nahitabù dinayè din sa Dios, “Laus gayed ha saini ha etaw hurà din salà.”