लूका 20

यहूदी माणहा द्वारा यीशु से प्रश्न

(मत्ती 21:23-27; मरकुस 11:27-33)

1एक दिह इही एय गीयो कि ताहेर्यो तो मंदिरामाय माणहाह उपदेश आपतेन एने सुवार्ता होमेललतालु एतो, तेवी मुख्य याजक एने शास्त्री, डाय डाया हेरी आहने आवीन उबरीयेल रेणा; 2एने केणेंन लागिल, “आमूह किजी, तू आवो कामान कायताहा पुढारी करने, एने तो कूण हि तान तुवाह हा अधिकार आपील हि?” 3तान ताह उत्तर आपील, “मी पुण तुमूह एक वात फुसहु; माणहाह केवो. 4यूहन्नान बाप्तिस्मा स्वर्गाफायरीन एतो का माणहा उगेरीन एतो?” 5तेवी ते आपसामाय केणेंन लागिल, केध्दीह आमु केयेल, स्वर्ग फायरीन, तर तो केह, ओवतो तुमूह तापोर विश्वास का किरील नाहं? 6एने केध्दीह आमु कियेल, “माणहा फायरीन, तर आखा माणहे आमऱ्येपुररीन दिगुड मार केरती, कारण ते खेरीच मानत एता कि यूहन्ना भविष्यवक्ता एतो.” 7सेवट तान उत्तर आपील, “आमूह नाहं मालूम कि तो कुणीफायरीन एतो.” 8यीशु ताह कियील, “तर मी पुण तुमूह नाहं किथी कि मी हे काम कायताहा अधिकार केरतीन हि.”

दुष्ट किसानान वार्ता

(मत्ती 21:33-46; मरकुस 12:1-12)

9तेवी तो ता माणहाह हा वार्ता केणे लागो: “कूण एक माणहान अंगूरांन मोलो लागाडया, एने शेतक-यांना तान ठेकू आपिन आपील एने जादा दिह केरता परदेशात निकलीन गीयो. 10ताहेर्यो टाइम आवी तेवी तान खेतावाला उगे एक दासाला मुकलेल कि ते अंगूर मळ्यामायला काही फोलान भाग ताह आपुहू, पुण शेतका-यांनी ताह मार आपिन रिकामी आथ मोकलीन आपील.” 11ओवतो तान एक उंजू दासाह मुकलेल, एने तास ताह पुण जेखमी केरीन काडीन टाकील एने तान अपमान केरील, 12पोशो तान तिसरा मोकलील ताह भी तास जेखमी केरीन बाहेर काडीन आपील. 13तेवी अंगूर मोलान मालकाह कियील, मी काय केरूह? मी मारो प्रिय सोरो मोकलुहु, शेक्यो हि ते तान आदर केरती, 14तेवी शेतकारी ताह देखील तर आपसामाय विचार केरणे लागिल, तो तर वारिस हि; आपु ताह मारीन टाकु कि जागु आमारो एय जाय. 15एने तास ताह अंगूर मोलामायरीन बाहेर काडीन मारीन टाकील ज्ञान केरता अंगूरांन मोलान मालक तान केरता काय केरूह? 16तो आवीन ता शेतक-यांना नष्ट केरूह, एने अंगूरांन वाडी दिहीरा होपील होमलीन ताह कियील, “बोगवान केरू इही नाय एने जुवी.” 17तान ताफाय देखीन कियील, ओवतो हे काय लिखील हि: ज्या देगडाह राज्य शास्त्रीयांनी नाकामी ठेरावील एतो, तो कोनशील एनो हि.

18जो कूण ता देगडापूर पोळी तान टुकडा टुकडा एती, एने ज्यापूर तो पोळी, तान चुरा चुरा केर देय.

शास्त्री एने प्रधान याजकान चाल

19तान टायीमा शास्त्रीयांनी एने मुख्य याजकांन ताह देरणेणुच विचाराम एता, कारण ते सोमजी जायेल एता तान आमरा उपेरीन हा वार्ता कियेल, पुण ते माणहाह बिईल. 20एने ते तान पातळीपोर रेणा एने, धर्मी बोलणेन बियीन तान काल्ली काल्ली वात देरावीन ताह सुभेदारान आथे अधिकाराम होपीन आपील. 21तान ताह फुसील, “हे गुरु आमु जाणतेह हि कि तू खेरो हि एने हिकाडथूह पुण, एने कुणीन पक्ष घात नाहं केरतीन, नाहं तर बोगवानान सिडिक हे-योच देखाड्थू. 22काय आमु कैसराला केर आपणे उचित हि कि नाहं?” 23तान तान उशारी होमजाडीन ताह कियील, 24“एक दिनार माहु देखाड तापोर कुणीन छापा एने नाव हि” तास कियील, “कैसरान.” 25तो ताह कियील, “तर जे कैसरान हि, ते कैसराह द्या; एने जे बोगवानान हि, ते बोगवानान द्या.” 26ता माणहान ओगाण ता वातीमाय ताह देरू शकेल नाहं, पुण तान उत्तरेमुळे आश्चर्य भोगलाईन एईन ठावको रेयीन गीया.

पुनरुस्थान एणेन वाराड

(मत्ती 22:23-33; मरकुस 12:18-27)

27एने सदुकी हे केणु कि मुरीलाह जीवतालू उठणो सोतोच नाहं, तामायरीन कूण एक तान आहने आवीन फुसील, 28“हे गुरु, मुसान आमरे केरता ज्याच लिखील हि: केध्दीह कुणीन बाहाक आपणो बायकून असून सुद्द निसोरा मोरीन गीयो, तर तान बायकू हेरी वाराड केरीन लेह, एने आपणो बायाकणेकेरता वंश उत्पन्न केरूह, 29सात बाहाक एता पेल्लो बाहाक बिना सोरान मोर गीयो. 30एने दिहरो, एने तीस-याने पुण ता बायकू हेरी वाराड केरीन लीईल. 31जी रीतीप्रमाणे सात जान बिना सोरा मोरीन गीयो.” 32सेवट ती बायकू पुण मारीन गीयी. 33जानकेरता जीवतालू इयेलपूर ती तामायरीन कुणीन बायकू एय काहाकाय ती सातुभी जाणान बायकू बोणनी एती. 34यीशु ताह कियील, आवो युगान सोरामाय वाराड ऐतेह, 35पुण जे माणहे ता योग्य ठेरती कि ते युगाला एने मोरेलमायरीन जीवतालू एने केरता पुण प्राप्त केरूह ते तर वाराड केरुहू नाहं एने वराडन आपील जातेह. 36ओवता ता मोरणारूच नाह; काहाकाय ता स्वर्गदूतान होस एती, एने पुनरुस्थानान सोरा एणेसे बोगवानान भी सोरा एती. 37पुण ज्याह वातूह कि मुरील पुण जीवतालू एती, मुसान पुण झाडान वातीमाय प्रकट किरील हि कि तो प्रभुह अब्राहामान बोगवान एने ईसाहाक बोगवान एने याकूबान बोगवान, केणे. 38बोगवान मुरीलताहा नाहं तर जीवता लान हि बोगवान हि; कारण तान आहने जीवन हि. 39तेवी हे होयलू शास्त्रामायरीन तास कूण एकजाण हे कियील, “हे गुरु, तू हाजो कियील.” 40एने ताह ओवतो उन्जू फुसणेन हिंमत एनी नाहं.

मसीह दाऊदान सोरो का दाऊदान प्रभु हि?

(मत्ती 22:41-46; मरकुस 12:35-37)

41उवतू तो ताह फुसील, “यीशु दाविदान सोरा किंही काय केणु? 42दाविद स्तोत्रसंहिता पुस्तिका माय किथे: बोगवानान मारो प्रभुह कियील, 43मारो जेवड्यो बाजूमाय बोह, जो ताहवोर मी तारो वैऱ्यांना तारो पाया बुंदे नाहं केरूह शकणार.”

44दाविद तर ताह प्रभु केणे; ओवतो तो तान सोरा कोहलो काय बोणी?

शास्त्रिन विरुद्ध माय यीशुन चेतावणी

(मत्ती 23:1-36; मरकुस 12:38-40; लूका 11:37-54)

45ताहेर्यो सागडे माणहे होंबलेह एता, तेवी तान आपणो चेलाह कियील, 46“शास्त्रान ताहरीन होमंबालीन रीवू, ताह मोठला मोठला झगा पेरीन ताह फिरीनेन पोटणे, एने ताह बाजारामाय नमस्कार केरणू, एने आराधनालय माय मुख्य मुख्य जागीपोर एने जेवण मुख्य मुख्य बोहणेन जागो ताह प्रिय लागीह. 47ते विधवान घेराह खाय जाणू, एने देखडणे केरता जुलुम टाइमवोर प्रार्थना केरणू: ताह जादा दण्ड जुडी.”

Seçili Olanlar:

लूका 20: NLXNT

Vurgu

Paylaş

Kopyala