यूहन्ना 19

1ज्यापूर पिलातुसान यीशुह चापका मारेल. 2शिपाय काटान मुकूट गुथीन तान मुंडीमाय रीगाडील एने ताह जांमण्या फाडका ताह पेरावील. 3एने तान आहने आवीन केणेंन लागिल, हे यहूद्यांन राजा नमस्कार, एने ताह थापू भी देईल. 4तेवी पिलातुसान पोशा बाहेर निकलीन माणहाह कियील, “देखू, मी ताह तुमरेहे-यो बाहेर पोशा लावथू; म्हणजे तुमूह समजी कि माहु यामाय कायीच दोष सापडेल नाहं” 5तेवी यीशु काटान मुकूट एने जामण्यो फाडका पेरीन बाहेर आवा एने पिलातुसान ताह कियील, “देखू, हा माणहे! 6ताहे-या मुख्य याजक एने तान शिपायांनी ताह देखील तेवी आयडीन कियील, ज्या क्रुस पोर चेढाऊ, क्रुस पोर चेढाऊ! पिलातुसान ताह कियील, तुमूह च ताह लीन क्रुस पोर चेढाऊ कारण ज्याम मारो कायीच दोष देखाणे नाहं.” 7यहूदी ज्यान उत्तर आपील, एने ता व्यवस्थानहोस तो मारीन टाकणेन योग्य हि कारण तान जीवाह बोगवानान सोरो बोनाईल. 8ताहे-यो पिलातुसान ज्याह वातू होमल्या तर उंजू जादा बिईल. 9एने पोशो किल्लामाय गीयो एने यीशुह कियील, “तू कावालु हि?” पुण यीशु ताह कायीच उत्तर आपील नाहं. 10ज्यापूर पिलातुसान ताह कियील, “मारहे-या का बोलीह नाहं? काय तुवाह मालूम नाहं कि तुवाह सोडीन आपणेन अधिकार माहु हि. एने तुवाह क्रुस पोर चेढावणे भी माहु अधिकार हि?” 11यीशु उत्तर आपील, जर उपेरीन आपील नसतू, तर तारो मारपुर कायीच अधिकार रेणू नसते तामुळे ज्यान माहु तारो आथाम देरावीन आपील हि तान पाप जादा हि. 12ज्यापोररीन पिलातुसान ताह सोडीन आपणेन ठेरायेल पुण यहूदी आयडीन आयडीन कियील, जर तू ज्याह सोडीन आपण्यू तर तारी सेवा कैसराकडे नाहं जो कूण जीवाह राजा बनवणे तो कैसरन विरुद्ध जाथू. 13ज्यू वातू होम्लीन पिलातुस यीशुह बाहेर लीन आवा एने ता जागापोर एक ओटलो एतो ताह इब्री भाषा माय गब्बाथा केणु, एने ताहरी न्यायासन पुर बोहील. 14हा फसह तीवारान तियारिन दिह एतो एने सहाव्या तासा सुमारास एतो तेवी तान यहूद्याना कियील, “देखू, तुमरो राजा.” 15पुण ते आयळील, “लीन जा! लीन जा! ताह क्रुस पोर चेढाऊ” पिलातुसान ताह कियील, “काय मी तुमरो राजाह क्रुस पोर चेढावूहू?” मुख्य याजकाने उत्तर आपील कैसराहा सोडीन आमारो दिहरो राजा नाहं. 16तेवी तास ताह तान आथाम होपीन आपील म्हणजे तो क्रुस पोर चेढाव दी.

क्रुस पोर चढावणो

(मत्ती 27:32-44; मरकुस 15:21-32; लूका 23:26-43)

17तेवी ता यीशुह लीन गीया. एने तो आपणो क्रुस विसीन ता ठिकाणापूर वूर बाहेर गीयो, जीह खोपडीन ठिकाण केवाणे एने इब्री भाषा माय “गुलगुथा” इही केणु 18ताहारी ता ताह एने ताहेऱ्यो दुय माणहाह क्रुस पोर चेढ़ाइल एकाह जेवडीउखीर एने दिहीराह डाखरी वोखर एने विचमाय यीशुह. 19एने पिलातुसान एक दोषपत्र लेखीन क्रुस पोर लागाडील एता एने तामाय इही लेखील एता, “नासरी यीशु, यहूद्यांन राजा” 20ज्यो दोष-पत्र जुलुम यहूदी वाचील, काहाकाय तो ठिकाण जाहरी यीशुह क्रुसपूर चेढ़ावील एतो नगराने आहने एता; एने पत्र इब्री, लतीनी, एने यूनानी माय लिखील एतो 21तेवी यहूद्यांन मुख्य याजकान पिलातुसला कियील यहूद्याचा राजा मां लिखू पुण इही लिख कि ताह कियील मी यहूद्याचा राजा हि. 22पिलातुसान उत्तर आपील मी जे लेखीन आपील म्हणजे लेखीन आपील.

23ताहे-यो शिपाई यीशुह क्रुस पोर चेढाविन इयेलपूर तान फाडका लीन तान चार भाग किरील प्रत्येक सैनिकाकेरता एक भाग एने झगा पुण लियेल पुण झगा हिवेल नाह एतो पुण उपेरीन बुयवूर तियार गुंथिल एतो. 24तामुळे तास आपसामाय कियील, आपु ज्या फाडनु नाहं पुण ज्यापूर चिठी टाकु कि हा कुणीन एय हे आवो केरता एय गीयो कि पवित्र शास्त्रामाय जे लिखील एता ते पुरो एने जुवी,

“तास मारा फाडका आपसामाय वाटीन लीईल, एने मारो फाडकापूर चिठी टाकील.” 25केरीन शिपाय तोहोलोच कियेल पुण यीशु क्रुसनआहने ता आहाक एने तीन बोणिक एने क्लोपान बायकू मरियम एने मरियम मग्दालिया उभी एती. 26ताहे-यो यीशु आपणी आहाक एने तान चेलाह ज्यापोर तो प्रेम केरतालु आहनी उबरीयेल एईच देखील तेवी आपणो आईक कियील, “हे बायकू, देखू, हा तारो सोरो हि.” 27तेवी तान चेला माय कियील, “जी तारी आहाक हि” एने ता टायमापुरीन चेला तीह आपणो गिर लीन गीयो.

यीशुन मोत

(मत्ती 27:45-56; मरकुस 15:33-41; लूका 23:44-49)

28यानबादमाय यीशु समजील कि ऐवी आखा पुरो एय गीयो हि तामुळे पवित्र शास्त्रामाय जे कियील हि, ते पुरो एणेन जुवी केरीन कियील, “मी तिह्ल्यो हि.” 29ताहारी आबा बोरीन मोलेल एक खाम्बला एता केरीन तान स्पंज आंबामाय बुडाविन ते स्पंज जुफापोर मेलीन तान मुयापूर लागाडील. 30जेवी यीशु तो स्पंज आबा लियेल, तेवी कियील, “पुरो एय गीयो, एने मुंडे बुंदे केरीन जीव सोड देनो.”

यीशुन साती पोर भालो

31ज्यानकेरता कि तो तियारिन दिह एतो यहूदी पिलातुसला विनंती केरील तान पाय मुड्नेन एने बुंदे उतारनेन हि म्हणजे ते शब्बाथान एक दिह क्रुस पोर रेहू नाहं कारण तो शब्बाथान दिह मोठू दिह एतो. 32केरीन शिपायांनी आवीन ता माणहा मायरीन पोयलान पाय मुडणे; एने ओवतो दिहरान पुण जो तान बरोबर क्रुस चेढाविल एतो. 33पुण ताहे-यो आवीन देखील कि तो मारीन गीयो हि केरीन तान पाय मुडणे नाहं. 34पुण शिपाया माय एकजाण ताह भोरशाकेरीन तान पाहलामाय बोदलो एने तान मायरीन चालूच रक्त एने पाणी निकेलना. 35ज्यान हे देखील तान हे गवाही आपील हि एने तान गवाही खेरो हि एने ताह मालूम हि कि तो खेरीच किथे कि तुमूह पुण विश्वास मेलठोन. 36ज्याह वातू ज्यानकेरता एईल कि पवित्र शास्त्रामाय जे कियील हि ते पुरो एने जुवी, “तान काल्लोज आड मुडणे जाहू नाहं 37पोशा एक जागीपोर इही लिखील हि ताह तान केरता कुरील तापोर तो नेजर केरुहू.”

यीशुह गाडणेन

(मत्ती 27:57-61; मरकुस 15:42-47; लूका 23:50-56)

38ज्या वातूबादमाय अरीमथीयान योसेफान जो यीशुन चेलो एतो पुण यहूद्यांन भयामुळे ता वातूह लीकाडीन मेलणे होता पिलातुसला विनंती केरील कि काय तो यीशुन शरीराह लीन जाइन शकणे पिलातुसान तान विनंती होमेल्नी, एने तो आवीन तान शरीर लीन गीयो. 39निकदेमास पुण जो पेल्लो यीशु हेऱ्यो राती गीयो एतो तो गेंध रूह एने अगरु तान सुमारे शंभर एखठा लीन आवा. 40तेवी तास यीशुन शरीराह लीईल एने यहूद्यांन बुजणे केरीन रीतीप्रमाणे ताह सुगंधि तेल द्रिन्याबराबुर बुजील फाडकाम, 41ता जागे जाहरी यीशुह क्रुस पोर चेढ़ाइल एतो तामाय एक बोगीचो एतो तामाय एक माहाण एती तिमाय केविज कोणीही मिलील नाह एता. 42तामुळे यहूद्यांन तीयारुच दिह हि ताम तास यीशुह तामाय मिलील; कारण ती माहाण आहनी एती.

Seçili Olanlar:

यूहन्ना 19: NLXNT

Vurgu

Paylaş

Kopyala