यूहन्ना 18

यीशुह देरावणेन

(मत्ती 26:47-56; मरकुस 14:43-50; लूका 22:47-53)

1यीशु आवो वात केयीन आपणो चेलान हेरी किद्रोन खोदरान पुरलेउखीर लेईन गीयो, ताहारी एक बोगीचो एतो, ज्यामाय तो एने तान चेला गीया. 2ताह देरीन आपणार यहूदा पुण ती जागो मालूम एती, कारण यीशु आपणो चेलान हेरी ताहारी जात एतो. 3ताहेरया यहूदा, शिपायीन एक पलटण ला एने मुख्य याजक फरीसी वूखेर रीन फाडका एने बोला एने दिवा, एने हत्यारे लेईन ताहारी आवा. 4तेवी यीशु, ता आखा वातूह जी तापोर आवूह एती होमजाडीन, निकलील एने ताह कियील, “कुणबी होदतेन हि?” 5तास ताह उत्तर आपील, “यीशु नासरी” यीशु ताह कियील, “मी हि.” ताह देरीन आपणार यहूदा पुण तान हेरी उबरील एतो. 6तो इही केणु, “मी हि” तो पासाण हेरकीन जोमनि पोर पोडीन गीया. 7तेवी ताह पोशा ताह फुसील, “तुमूह कुणबी होदतेन हि” ते कियेल, “यीशु नासरी.” 8यीशु नी उत्तर आपील, “मी तर तुमूह केईन आपील कि मीच हि, जर माहु होदतेन रेंय तर न्या जाहू दया.” 9हे यानकेरीता एय गीयो कि ते वचन पुरो एय जो तास केसेल एता: ज्याह तू माहु आपील तामारीन आत्यो एका भी पुण नाहं टाकाईल. 10तेवी शिमोन पतरसा जी तलवार, तान एती जायीन, खेचीन महायाजकान दासापुर चालाडीन तान जेवड्यू कान काट टाकील ता दासान नाव मलख एता. 11तेवी यीशु पतरसाह कियील, “आपणी तलवार म्यानामाय मेल जो प्याला मार आबोक माहु पीणेन आपील हि, काय मी ताह नाय पीवं?”

हन्नान सामने यीशु

12तेवी शिपायी एने सरदार एने यहूदीन पलटण यीशुह देरीन बांध दियील, 13एने पेल ताह हन्नाफाय लेईन गीया, कारण ता तो वर्षी महायाजक कायफान हाहरूक इतू. 14ज्यो तोच कायफा इतू, तान केरता यहूदियाने मसलत आपील एती कि आमरा माणहा केरता एक माणहाह मरण हाजो हि.

पतरसान नाकार केरणेन

(मत्ती 26:69,70; मरकुस 14:66-68; लूका 22:55-57)

15शिमोन पतरस एने एक दिहरो चेलो पुण यीशुन पासाण गीया हा चेलो महायाजकान ओलखातीन एतो, यानकेरीता तो यीशु हेरी महायाजकान वाडाम गीयो, 16पुण पतरस बाहेर बायनामाय उबरील रेणू तेवी तो दिहरो चेलो जो महायाजकान ओलखातीन एतो, बाहेर निकलील एने द्वारपालिकेला केयीन पतरसाला ऐवी माय लेईन आवा. 17ता दासीने जी द्वारपालिका एती, पतरसाला कियेल, “काय तू पुण आवो माणहान चेला मायरीन तर नाहं ना? तो कियील, मी नाहं हि.” 18दासव पलटण थंडीनवजसे आकठो पेटाळीन उबरीयेल शेक लेतेन एता, एने पतरसस पुण तान हेरी उबरील शेक लेतेन एतो.

माहायाजकान यीशु से पूसतास

(मत्ती 26:59-66; मरकुस 14:55-64; लूका 22:66-71)

19तेवी महायाजकान यीशुह तान चेलान विषयी एने तान शिक्षण विषयी विचार नुस केरील. 20यीशु नी ताह उत्तर आपील, “मी जगान ओगाण उगाडी वातू केरील; आत्यो सभास्थानामाय एने आराधनालय माय जाहारी आखा यहूदी एक्ठाच एता सर्वदा शिक्षण केरतीन एने एखालामाय कायीच नाहं कियील. 21तू माहु का फुसतेन हि? होमलेनारा विचार कि मी ताह काय कियील देखू, ताह मालूम हि कि आत्यो कायकाय कियील.” 22तान ताहेरया हे कियील, तर शिपायी ज्यामरीन एकजाण जो आहने उबरील एतो, यीशुह चापट मारीन कियील, “काय तू महायाजकाह ओहला प्रकारे उत्तर आपीह?” 23यीशु नी ताह उत्तर आपील, “जर मी वाईट बोलनो, तर ता वाईटान गवाही आप; पुण जर हाजो केयेल, तर माहु का देतेन हि?” 24हन्ना ताह बांधील कायफा महायाजकाफाय मोकलीन आपील.

पतरसान दुसरी वार नाकार केरणेन

(मत्ती 26:71-75; मरकुस 14:69-72; लूका 22:58-62)

25शिमोन पतरसस उबरीन आगठो तापतेन लेतेन तेवी ता ताह कियेल, “काय तू भी ता चेला माय ते नाहं?” तो नाकार केरीन कियील, “मी नाहं सोतो.” 26महायाजकान दासाफायरीन एक, जो तान परिवार मायरीन एतो ज्यान कान पतरसाने काटीन टाकील एता कियील, “काय मी तुवाह तान हेरी भागाम नाहं देखील?” 27पतरस पोशा नकार किरील, एने चालूच कुकडो वाह देनो.

पिलातुसने सामने यीशु

(मत्ती 27:1,2,11-14; मरकुस 15:1-5; लूका 23:1-5)

28तेवी ते यीशुह कायफा जागे रीन काचेरीमाय लीन गीया, एने वेगीस ची टाइम एती पुण ते कचेरीन आहने नाहं गीया कारण अशुद्ध एय केरीन पुण फसहान खावणार केरूह शकणार. 29तेवी पिलातुस तान आहने बाहेर निकलीन आवा एने कियील, “तुमूह आवो माणहापूर कायताहा वातून आरोप लागाळ हि?” 30तां ताह उत्तर आपील, “जर तो दुष्कर्मी नाहं येतो तर आमु ताह तारो आथाम नाहं स्वाधीन किरील हि.” 31पिलातुस ताह कियील, “तुमुच ज्याह ली जाइन आपणा व्यवस्था नुसार तान न्याय केरू.” यहूदी ताह केयो, आमूह अधिकार नाह का कुणान जीव लीजू. 32ज्यो यानकेरीता एय गीयो कि यीशु ती वात पुरो होवो कि जी ताह हे आकारो आपतेलीन कियील एती कि तान जीव कोहलो जाहू.

33तेवी पिलातुस पोशा किल्लामाय गीयो, एने यीशुह हादाडीन ताह फुसील, “कारण यहूदीयान राजा हि?” पिलातुस ताह केयेल ते काय तू राजा हि. 34यीशु उत्तर आपील, “तू किथी का मी राजा हि मी राजा हि मी ज्यान केरीन जेल्मो लियील हि केरीन जगत माय आवील हि का सत्या पुर गवाही आपु जो कूण?” सत्यानही तो मारो शब्द होमेलने. 35पिलातुस जापाप आपील, “काय मी यहूदी हि? तारीच जातीनी एने मुख्य याजकने ज्या तुवाह मार आथे होप दियील हेते, तू काय किरील हि?” 36यीशु नी उत्तर आपील, मारो राज्य आवो जगान नाहं; जर मोठलो राष्ट्र आवो जगान एतो, तर मारा शिपायांनी लेढाई केरूह कि मी यहूदीयान आथे स्वाधीन नाह एनो; पुण मारा राष्ट्र ओरोस नाहं. 37पिलातुस ताह कियील, “तर काय तू राजा हि?” यीशु नी उत्तर आपील, “तू किथे कि मी राजा हि मी आवो केरता जेल्मो लियेल एने यानकेरीता जगाम आवूह हि कि सत्यान गवाही आपुह जो कूण सत्यान हि तो मारो शब्द होमलने.” 38पिलातुस ताह कियील, “सत्य काय हि?”

मोत दण्डने आज्ञा

(मत्ती 27:15-31; मरकुस 15:6-20; लूका 23:13-25)

हे केयीन तो पोशा यहूदियावुगे निकलीन गीयो एने ताह कियील, मी तर ताफायरीन केध्दीह दोष नाहं लेतेन. 39पुण तुमरी जी रीत हि का मी फसहान दिह मी तुमरीकेरता एक माणुह सोड बोगवानान. ऐवी: काय तुमरी ईच्छा हि का मी तुमरीकेरता यहूदीयान राजाह सोड बोगवानान? 40तेवी तास पोशा आयडीन कियील, “ज्याह नाह, पुण आमरे केरता बरब्बाह सोड दी.” एने बरब्बा ते गुंडो इतू.

Seçili Olanlar:

यूहन्ना 18: NLXNT

Vurgu

Paylaş

Kopyala