यूहन्ना 15

यीशु खेरो अंगूरानवेलो

1“खेरो अंगूरावेल मी हि एने, मारो आबुक माळी हि.” 2जी डाल मारामाय हि एने फोल आपतेन नाहं, तीह तो काटीन टाकथू; एने जी डाल फोल आपीह, ता डालखा तो काट टाकणे. 3तुमूह तर ता वचनामुळे जे मी तुमूह कियील ऐवी तुमूह शुद्ध हि. 4तुमु कुणबी बोणावीन रीवू, एने मी तुमरे माय रेईन जोहलो डाल जर वेलामाय नाहाएतो तर स्वताह ती फोल आपुह शकत नाहं तोहोलोच तुमूह भी मारामाय रेहू नाहं तर फोल आपुह शकत नाहं. 5मी अंगूरानवेलो हि, तुमूह डालखा हि. जो मारामाय रेणे एने मी तामाय तो जादाच फोल आपथु, काहाकाय मारपूररीन आलेग एय कायीच केरूह शकत नाहं. 6जर कूण मारामाय रेहू नाहं तर तो डालखीपूररीन टाकीन आपणे माय आवथू एने वाटीन जाथू एने माणुह ताह टुलू केरीन आकठाम टाकीन जातेह एने ते पेटालीन जातेह. 7जर तुमूह मारामाय रेहू एने मारा वचन तुमरे माय रेहू तर जे जुवी ते मांगा एने ते तुमूह जुडी. 8मारो आबाकने महिमा ताणुच एता कि तुमूह जुलुम फोल लीन आवु; तेविरीन तुमूह मारा चेलो बोनीह. 9जोहलो आबुक मारपुर प्रेम किरील तोहोलोच मी तुमरे पोर प्रेम किरील हि; मारो प्रेमामाय बोणावीन रीवू. 10जर तुमूह मारो आज्ञा मानणार तर मारो प्रेमामाय बोणावीन रेहू; जोहलो मी आपणो आबाकने आज्ञा मानणनये हि एने तान प्रेमामाय बोणावीन रेणे. 11मी ज्याह वातू तुमूह जानकेरता कियेल हि कि मारो आनंद तुम्रेमाय बोणावीन रेंय एने तुमरो आनंद पुरो एय.

12मारी आज्ञा हि कि जोहलो मी तुमरे पोर प्रेम किरील हि तोहोलोच तुमूह भी एक दिहरापुर प्रेम केरू. 13ज्यापुररीन मोठू प्रेम कुणान नाहं कि कूण आपणो जोडीदाराकेरिन आपणो जीव आपील आपण्यू. 14जी आज्ञा मी तुमूह आपथु जर तुमूह मानणार तर तुमूह मारा हेरी हेते. 15एविरीन मी तुमूह दास केनार नाहं काहाकाय दासाचा मालूम नाह सोतू कि तान मालक काय करने; मी तुमूह हेरी कियील हि काहाकाय ज्या वातू आपणो आबाफायरीन होमल्या ता आखा तुमूह केयीन आपील. 16तुमूह माहु निवाडील नाहं तर मी तुमूह निवाडील हि एने ठेरायेल कि तुमूह जाइन फोल लीन आवो; एने तुमरो फोल टिकीन रेणेन जुवी कि तुमूह मारो नावान जे काही मार आबाफायरीन मागू तो तुमूह आपणे माय आवी. 17आवो वातून आज्ञा मी तुमूह तान केरता आपथु कि तुमूह एक दिहरापुर प्रेम केरणू.

जगान दोष

18“जर जग तुमरो दोष करने तर तुमूह मालूम हि कि तुमरो पेलूच मारहे-या पुण दोष किरील. 19जर तुमूह जगान रेणा हि, तर जग आपणेपूर प्रेम केरी हि: पुण ज्यानकेरता कि तुमूह जगान नाहं पुण मी तुमूह जगामाय निवाडील हि तामाय जग तुमरो दोष केरूह. 20जीवात मी तुमूह कियील एती दास आपणा मालकारीन मोठू नाहं ज्या या मेलू जर तान मारो तरास किरील तर तुमरो पुण द्वेष केरुहू; जर तास मारो वातू मानील तर तुमरो पुण मानती. 21पुण हे आखा काही मारो नावामुळे तुवाहेर्यो केरुहू कारण ता माणहा मोकलणारा ओळखतेह नाहं.” 22जर मी आवूह नाहरेने एने तुमरो बरोबर बोल्णु नाह तर ते पापी ठेरायेल नसतू; पुण ऐवी तान काल्लूच निमितान पापान केरता नाहं. 23जो मारहे-या द्वेष करने तो मारो आबाहेरी पुण द्वेष मेलाणु. 24जर मी तामाय ते काम किरील नसतू जे कूण किरील नाहं तर ते पापी ठेरना नसतू; पुण ऐवी तास माणहा एने मारो आबाक दुईजानाह देखील एने दुयुहे-या द्वेष किरील. 25हे तान केरता एय गीयो कि ते वचन पुरो एणेन जुवी जे तान व्यवस्था माय लिखील हि ताह मारहे-या उदईचुबी द्वेष किरील. 26पुण ताहेरया एतो मदत केरणार आवूह ज्याह मी तुमरेहे-यो आबाफायरीन मोकलुह म्हणजे सत्यान आत्मा जो बोगवाना फायरीन आवथू तर तो मारो गवाही हि. 27एने तुमु पुण मारा गवाही हेते कारण तुमूह सुरुवातीरीन मारहे-या रेणा हि.

Seçili Olanlar:

यूहन्ना 15: NLXNT

Vurgu

Paylaş

Kopyala