Markus Labar Ata Kəra Kakaɗər Markus

Labar Ata Kəra Kakaɗər Markus

Kakaɗər Markus baɗitə ka labar na pəla, “Labar na ɓɗaku ata kəra Yesu Kristi, Ɓzər Hyel.” Markus ku bara ka tsa ncantə Yesu abbər an mdə na hir hara kəthlər, ka tsuwa mdə na ka kuthlikur. Mda ata mzhi wutə dunar kuthlikur tə Yesu kəgari ni akwa thlipərni, ka akwa nggyari mambəlayeri na ɗimi ɗimi, ka atar tifəmtar bikər mji. Yesu ku pəla abbər tsa an Ɓzər Mdə na ku si kamnyar hamta mpikari kamnyar mbantə mji ta biku.

Markus ku ngkərɓəla labar ata kəra Yesu ata akwa laku na ka duna. Tsa gari ata kəra kəthlərayeri tə Yesu hara, aɗi ata kəra ndərayeri kəga surthlipərni daci wa. Təkəma aghəla tə Markus ku gari raka ata kəra Yahwana na Mdər hara Baptizma, ka ata kəra baptizmar Yesu, ka apatə Shatan ku ngkərtə ni, antə tsa baɗitə gari ata kəra kəthlər natə Yesu hara abwar mbantə mji ta nggawakur, ka ata kəra thlipərni.

Tar aghəla nda antə mjir nu Yesu sə nggaɓəla mthlakər ɗa ni təramta na akwa baɗitari, amma dawayeri ar Yesu ku ləkəma akwa nggəlar ni. Bwayeri na akwa tsikəra kakaɗər Markus ni ku gari ata kəra suayeri tə Yesu hara akwa sati na ar tsikəra ndzəndziyirni akwa duniya, ata kəra laku tə mdə kukwamta ni, ka laku tə tsa thlata akwa mtəmta.

Vəyayeri zumzum suɗa na akwa tsikəra kakaɗər Markus ni natə mdə mji hang tamata abbər mdə damwa an rəbuta, aɗi mdə na rəbutə kakaɗər Markus ni an rəbutə wa.

Suayeri Na Akwa Kakaɗə Ni

Yesu akwa ɗəmhədzər kəthlər arni 1:1-13

Kəthlər ar Yesu akwa Galili 1:14-9:50

Thlatərni akwa Galili ka ləhar Urushalima 10:1-52

Sati na aghəlta shang ar Yesu 11:1-15:47

Thlatər Yesu akwa mtəmta 16:1-20

Seçili Olanlar:

Markus Labar Ata Kəra Kakaɗər Markus: KNB

Vurgu

Paylaş

Kopyala

Önemli anlarınızın tüm cihazlarınıza kaydedilmesini mi istiyorsunuz? Kayıt olun ya da giriş yapın

KAKAƊU NA ƁƊAKKARKARA Hakkında Daha Fazlasını Öğrenin

Markus Labar Ata Kəra Kakaɗər Markus