Maakö 9 Popüler Kutsal Kitap Ayetleri

Paylaş

'N Zezwii yoo 'dɩ 'nyɛ nɩɩ: «'Saa wa la bhä, ‑n ‑kä bhɛnɩɛ 'nɩ? ‑N ‑kä Lagɔ dlɩ 'tɛɛnɩɩ, ‑lu nɩmöa'a kɛ'mö tɛɛnɩ.»

Zezwii gbää sa'a cuu, 'n yuu a dɩba yiɛ 'mö 'kpa, ɔ lɛ: «N 'tɛɛnɩ yɩ Lagɔ dlɩɩ, ‑maa ɛ'ɛ ‑bhöa'a 'tenyii. Zaa, yiii 'wʋ!»

Zezwii ‑nyɛ 'ɔ ‑gänɩwaa 'sɔ, 'n wa yiɛ 'ligbë 'mö mö. Wa 'yize wa glɩ ‑lɛ, 'n wa yoo nimï 'yɩbhä nɩɩ: «Zuzukwëzokwë 'la, sɛ yɩ ‑wʋ ɔ 'mö a‑a yea sɩɛnɩ 'nɩ?» 'N ɔ yuëë 'dɩ 'nyɛ nɩɩ: «Wa'a kpëti sa'a a zuzukuzoku 'la 'fʋ, n‑n 'nɩɛ Lagɔ bhibhe 'wëë.»

Gïbhïï, ‑li a ‑li yɩ glɩnɩɛ, ‑maa yɩ ‑kä 'lʋngli bhɩɛɛ, 'saa wa 'kɩ ɔ 'mö zʋ nzɩɩ yɩ 'kä 'sɔ mɛnɩmanɩ 'nɩ? A nɩ glɩnɩ ‑tiamö a gïbhï, a nɩ tɩ 'lʋngli bhɩɛ. Miɛ nɩɩ, a ‑nyɛ nɩkpa 'wuë nɩ ‑wanɩ.»

«Sɛ'ɛ a 'ywilɛ, ‑ɔ ‑kɔɔ pälaa, ‑amö ɔ yɛɛ päla. ‑Ɔ ‑kaa pälaa, na 'yize ‑amö ɔ'ɔɔ päla, ‑maa ‑ɔ tieaaa, 'mö ɔ yɛɛ pälamö.»

‑Tiamö n nyanyɩɛ dɛ'ɛ 'dɩ nɩɩ, sɛ a glɩnɩɛ Kliisɩ a ‑nʋa a za, nɩkpɛ a ‑mɔɔ ‑kaanyɩ 'nɩmänɩmänyu 'nyɛɛ, Lagɔ yo yɩ 'ylimö a ‑lu 'nyɛ.

Na ‑nʋa a gla'mö a ‑nɔ ‑bhlʋ ‑ɔɔɔ dɛsɛ ‑kä nɩkpa 'yila 'klʋ a dɔ'wʋʋ, 'n nɩkpɛ ‑kɔɔ dula 'n ɔ ‑kɔɔ na gbʋ dlɩ 'wʋ ‑sɛɛ, ɛ nɩkpɛ 'la, yɩ nɛnɩ ɔ dɔ'wʋ nɩɩ, wa nɩ gwanɔɔ kpiyigwli ‑bʋlʋ 'mö nzɩɩ wa 'kɔ ‑mä gïnyɛ 'mö 'pä.

'N ‑na'a ylii ‑kamö 'nyinyloli 'mö kwää, ‑sɛɛ ‑mä. Yɩ nɛnɩ ‑n ‑kä 'yifa ‑kä, ‑n ‑kä 'pɩwʋ mää Lagɔ 'kämanɩɛ 'bhle ghlɩ. Yɩ zi ‑n 'kä 'yila 'sɔ 'klʋ ‑kä, ‑n 'kä ‑kosu 'mö mö 'wʋ.