Maakö 10 Popüler Kutsal Kitap Ayetleri

Paylaş

Nɩkpɛ a 'Yu, wa 'kɔ 'yli ‑wʋ a za, ɔ'ɔɔ mä'ä dʋdʋ 'wʋ yi. ‑Maa ɔ'bhë ɔ 'kä nɩkpaa 'wuë 'yli ‑wʋ, ɔ 'kä wa 'wlumö 'ku nzɩɩ ɔ 'kä bäbätɛ galɛ 'mö ‑sɛ, nza ɔ yiɛ.»

'N Zezwii yuëë 'wʋ yɩlɩ, 'n ɔ yuëë 'dɩ 'nyɛ, ɔ lɛ naa: «Nɩkpɛɛ a dɔ'wʋ, yɩ 'tɛɛ 'mö, ‑maa Lagɔ a dɔ'wʋ, yɩ'ɩɛ 'mö tɛɛ. ‑Lu a ‑muu kää Lagɔ kɛ'mö 'tɛɛnɩ wʋ'ʋä ‑bhölɩ.»

Zezwii lɛ naa: «Mö ‑maa ‑na'a dlɩ'wʋkänɔɔ ‑kamö puë.» Zezwii gbää sa'a cuu, n nɩkpɛ 'la a yilaa yiɛ do. Zezwii ‑wʋ mö dɔ'wʋ, 'n ɔ yoo 'bɩwʋ bhlinɩ.

Zaa, Lagɔ ‑kä nyɩbhɛlʋ ‑nyɛ 'nglɔ 'sɔ nɩkpɛ ‑bhlʋ 'wʋ 'zʋa 'wëë, ‑bɛ 'nɩɛ ‑kä ɔ 'kʋä 'ylimö ‑sɛnɩ.»

'N Zezwii yoo 'wʋ yɩlɩ 'n ɔ 'mäna yoo 'lɩbhä. 'N ɔ yoo 'dɩ 'nyɛ, ɔ lɛ naa: «‑Lu ‑bhlʋ mʋʋ tʋʋmöä ‑mä. Mö, 'pä 'saa ‑n kää 'wuë 'pɛlʋ, ‑n 'kä yɩ monii 'pʋawa dilanɩ, ‑maa ‑mä Lagɔ yɔwʋ ‑n yi ‑mä wʋlʋnɔ ghlɩ. ‑N ‑kɩɩ 'pɛlʋ 'pä 'wëë, yi ‑n ‑kaa ‑gänɩ.»

'N Zezwii yoo nimï 'yɩbhä nɩɩ: «'Saa ‑n yɩbhä bhä n nɩ nʋ ‑na dɛ?» Ɔ lɛ naa: «‑Atʋ, n bhiamö yɔwʋ, gbä 'na yilaa 'kä do.»

‑Maa abhʋa na ‑nʋa abhlɩ, yɩ tɩ ‑sɩbhä ‑mä a gla'mö ‑wʋ. A gla'mö a nɩkpɛ a ‑mɔɔ ‑kä nɩɩ ɔ 'kä 'kɔdɔ glɩnɩ nʋʋ, ɔ nɩ nglu 'wʋ ɔ 'kanyɩ 'yli ‑wʋ.

‑Tiamö n nyanyɩɛ dɛ'ɛ 'dɩ nɩɩ, ‑ɔnyɩ dlɩɩ 'nɩ 'yu a ‑nɛ a sɛ 'zʋ, 'pɩwʋ mää Lagɔ 'kämanɩɛ, ɔ 'naa 'kä ‑mä 'bhle ghlɩ 'lɩlɩlɩ.»

Nɩkpaa a ‑bɛ ‑wa ‑gää zɩ'ɛ 'yukuu, wa yi nimï 'plɩ, 'n ‑wa ‑gää zɩ'ɛ nimïï, wa yi 'yuku 'plɩ.»

‑Maa tɛɛtɛɛdɔ'wʋ dɛɛ Lagɔ ‑bhɛɛ 'pɩwʋ a ‑lii 'wuë, ɔ ‑bhɛ nyɩbhɛlʋ 'n ɔ yiɛ 'nglɔ ‑bhɛ. Nza nɩkpɛ kää ɔ 'kä ɔ dɩba ‑nyɛ ɔ ‑da 'sɔ yɔwʋ 'bhöö, ɔ ‑nyɛ ɔ 'lɛnglɛ 'sɔ wa 'kä nɩkpɛ ‑bhlʋ 'zʋ, ‑lɛ a dɔ'wʋ wa'aa'a 'sɔ ‑bhli ‑maa nɩkpɛ ‑bhlʋ wa glɩnɩɛ.