LÚU 14 Popüler Kutsal Kitap Ayetleri

Paylaş

“Nuu fíli ɛ́i va ngéle ɔ́ɔ́ ɣɛ́ ngáá pólu w̃ɔ́ɔ́ kɛ léi maa w̃ɔ́i í gísiɣe ngi kɛ́ɛ́ɣɛni ngaa ngi njéé volú, ɛ́ɣɛ ngi ỹáh̃ani ngaa ngi léngaitii, ɛ́ɣɛ ngi ndéɣeni ngaa ngi ndíyangaitii ɛ́ɣɛ ngi héélaitii. Ná vólu, í gísiɣe bɔwɔ́ lɛɛh̃úi gele tɔ polú. Kɛ́ ná láá lé, ɛi ɣɛ ngáá pólu w̃ɔ́ɔ.

Aáva nuí fíli ɛ́i ɣɛ́ w̃aahéi wóni ngáá ɔ́ɔ́ ha fááw̃a, ɔ́ɔ́ í hítɛ pólu, ɛi ɣɛ ngáá pólu w̃ɔ́ɔ.”

Sífaa nuí fíli áá bɔ́wɔ haa lɛ́nga Ngalá ngáá ngu nga njéi, kɛ́ nuí áá bɔ́wɔ wu nganjéi Ngalá ngáá ngu mbúyoɣe.”

Ngimɔ́ɔ́ nɔ́ɔ jɔ́ í ná, wú tá fíli su, nuí ɛ́i ɣɛ́ gíkulai sí kpɛ́lɛɛ sú áá ɣɛ́ ngeyá, maa w̃ɔɔ́ ɛi ɣɛ ngáá pólu w̃ɔ́ɔ.”

Jísu í mɔ́ɔ ɣɛ ta, “Ná náa wú tá yílaa áá ɣɛ́ lói í pɛlɛ́ ló, maa w̃ɔ́i ɛi hei ɔ́ɔ́ ngakúla mba í tɔ ná wɔ́li naholó lɔ́ ngeyá ngáá áá kulaɣɛ pɛlɛ́i ná lo fááw̃a? Sífaa ná áá pɛlɛí hítɛ í baah̃áa ngukúla má, sítii kínɛi taá tɔ, taá ɣɛ́ taá ngɛlɛ́ gúla su. Taá ɣɛ taá ɣɛ́ ta, ‘Siỹɛndópoi sí í pɛlɛí londáá lɔkúla héingɔ, kɛ́ aa hombongɔ́ ɔ́ɔ́ ngukúla.’ ”

Kɛ́ ná yáá mɛɛni wála yilí ngáá yí nungáá lolí ma, nyaani yélaitii tolí, yí nɔɔnɔ yélaitii tolí, yí mɛŋɛl̃ɛ́ yélaitii tolí ɛ́ɣɛ mbole yeláitiini. Aáva aa ɣɛ ngáá faa vánda í háaw̃a. Kíya bɛ́lɛ tɛi hómbo tɔɔ́ suulóo, suu áá lóo í w̃á ná sítii ti ngáá telembo mbélaa Ngalá ngaah̃ú taa yóóɣe sái h̃u.”

Jísu í mɔ́ɔ ɣɛ ta, “Kpoloí lɔ ngáá ngangímba gɔ́li, kɛ́ ná ngi yéélei áá gúla mba, aa ɣelé kɛ náa áá mɔ́ɔ ɣɛ yéélei? Nga ngɛ́i mɔ́ɔ ɣɛ maa bóloi wa ngáá nuu ɔ́ɔ́ faa fíli kɛ́ la aáva taa pilí yáa. Nuí fíli faa ỹɛ́ni ngóli áá ɣɛ́ ngu mba, í fái sí yéɣe ngáá hɛmbɛ́ fíli.”