Walang Takot: Anim na Linggong Paglalakbay Halimbawa

IKA-ANIM NA LINGGO: MATAPANG NA PAMAMAHAGI NG PANANAMPALATAYA

ANG TUBIG NG KANYANG SALITA
Basahin ang Mga Awit 42:5,11; Mga Awit 43:5; at Mga Awit 78:7.

Sa nakalipas na mga linggo, hinarap mo ang iyong mga takot, inamin ang iyong kasalanan, at natutunang ilagay ang iyong pag-asa sa Diyos. Ngayon, maaari ka nang lumakad sa iyong pananampalataya at maging tunay na matapang! Hindi dahil sa sarili mong lakas, kundi dahil sa iyong Panginoon! Hindi dahil alam mo ang lahat, pero dahil alam ng iyong Diyos. Siguradong hawak Niya ang ating mundo sa Kanyang kamay. Kaya maari kang humakbang at magpatuloy dala ang kaalaman na nasa unahan mo Siya. Inilagay ka Niya sa kung saan ka Niya gustong mapunta, ikaw ay Kanyang kinatawan sa dinami-daming tao sa mundo. Ikaw ay nilikha at dinisenyo para maging piniling sisidlan Niya! Kaya magpatuloy ka na, dala ang kumpiyansa at pagsunod sa Kanyang natatanging kapangyarihan. Katulad ng ginawa ni Josue, na hindi Siya nagtiwala sa kanyang nakikita, kundi nagtiwala siya sa kanyang Diyos na nagsabing, "Ibinigay ko na sa iyong mga kamay ang Jerico..."  Josue 6:2. Alam mo kung anong nangyari? Ang pader na may taas na 12 talampakan ay bumagsak.

Kung nararamdaman mo na may malaking pader sa pagitan mo at sa pamamahagian mo ng mabuting salita, alalahanin mo ang iyong Panginoon. Siya ang Diyos ni Abraham, Isaac, Jacob, at Josue!

Maglaan ka ngayon ng oras para sa isang mataimtim na pagninilay-nilay sa iyong buong araw. Pagnilayan mo ang iyong mga napag-aralan. Isipin mo ang lahat ng iyong nabasa, ipinagpanalangin, at iyong natutunan. Ialay mo lahat sa Panginoon, ang iyong mga takot, mga kahinaan, pag-aari, kinabukasan, kaloob, talento, posisyon, lugar at iyong mga hangarin. Pagkatapos, ilagay mo ang lahat ng iyong pag-asa sa Panginoon! Lumakad nang may pananampalataya, patuloy na sumusunod sa Kanya at paniguradong gagawin Niya ito! Gagawin ka Niyang matapang sa harap ng iyong mga kalaban! Itatanghal Niya ang natatangi Niyang pangalan! Sapagkat dahil sa kagandahang-loob ng Diyos kayo ay naligtas sa pamamagitan ng pananampalataya; at ang kaligtasang ito'y kaloob ng Diyos at hindi sa pamamagitan ng inyong sarili; hindi ito bunga ng inyong mga gawa kaya't walang dapat ipagmalaki ang sinuman. Sapagkat tayo'y nilalang ng Diyos; nilikha sa pamamagitan ni Cristo Jesus upang iukol natin ang ating buhay sa paggawa ng mabuti. Iyan ang layuning pinili ng Diyos para sa atin noong una pa man (Mga Taga-Efeso 2:8-10).

Pagpupugay! Natapos mo na ang Walang Takot. Kung nais mo pang palalimin ang pag-aaral dito, maaring puntahan ang aming pahina ng produkto para sa link ng buong pag-aaral sa pagdidisipulo Fearless.