Paglakad kasama ni Jesus [Pagkabahala]Halimbawa

Ang iyong isip ang iyong larangan ng digmaan!

Ang ating utak ay isang pambihirang regalo mula sa Diyos na dapat natin gamitin sa mabuti. Ang laki ng utak ng tao ay isang kamao lamang, ngunit maaari itong mag-accomodate ng kaalaman higit sa 100,000 na dami ng mga libro. May kasabihan: "Gamitin mo o mawala ito". Ito ay isang katotohanan sapagkat halos lahat ng ating ginagawa ay nagsisimula sa ating isipan. Kailangan nating umasa sa Diyos dahil ang ating pag-unawa at pag-iisip ay limitado, habang ang Diyos ay walang limitasyon.

Ang Diyos ang arkitekto ng lahat ng mga arkitekto at nakikita Niya mula pa sa simula hanggang sa katapusan kung ano ang itatayo. Alam niya ang mga proseso at ang mga pagkakasunud-sunod. Mayroon din siyang mga paraan na hindi pa naiisip ng tao, mga paraan upang ayusin ang mga paghihirap at lutasin ang mga problema na hindi kailanman tumatawid sa ating isipan. May katotohanan sa Kawikaan 3: 6 na maaaring humikayat sa atin na lalong magkaroon ng kaisipan ni Cristo. Sa salin ng Ingles, sinasabi nito: " Kilalanin mo siya sa lahat ng iyong mga lakad, At kaniyang ituturo ang iyong mga landas." na nangangahulugang ang Diyos ay laging nasa ating isip. Samakatuwid, alalahanin mo Siya sa lahat ng iyong ginagawa bilang iyong paglilingkod sa Kanya.

Kung ganoon paano natin gagawin na isa-isip at puso palagi ang Diyos? Nangangailangan ito ng oras at proseso sa pamamagitan ng ating mga panalangin, salita, pagsamba, at paglilingkod. Ang ating pananaw at pag-iisip ang magtutukoy kung sino tayo, ang ating direksyon, ang ating pagpapasya at ating mga hakbang sa buhay. Magkaroon tayo ng isip at pananaw ni Kristo sa ating buhay.

Pagninilay:

1. Sagutin natin ito nang matapat, sino ang kumokontrol sa ating isip ngayon?

2. Gaano kadalas mong iniaasa sa Diyos ang iyong mga iniisip at plano? Ipaliwanag!

Isagawan ito: Huwag patigasin ang iyong puso sa mga bagay na nais ng Diyos na baguhin  mo sa iyong buhay upang ang lahat ng iyong gagawin ay magtagumpay.