Mamuhay nang may Lakas at Tapang!Halimbawa

“Ginagawa Niya ang Kaligtasan Bilang Isang Personal na Katotohanan”

Kahit si Jesus ang nagbayad para sa ating kaligtasan, ang presensya ng Diyos sa pamamagitan ng Banal na Espiritu ang gumagawa sa kaligtasan na ito para maging isang personal na katotohanan sa sinumang tatanggap nito. Malinaw na sinabi ni Jesus na hindi natin basta natatanggap ang kaligtasan kapag ipinanganak tayo. Mayroong espiritwal na muling pagsilang na dapat maganap, isang bagay na tanging ang Banal na Espiritu ang maaaring gumawa.

Sagot naman ni Jesus, “Tandaan mo ang sinasabi kong ito: malibang ang isang tao ay ipanganak sa pamamagitan ng tubig (likas na kapanganakan) at ng Espiritu (pagbabagong espirituwal), hindi siya makakapasok sa kaharian ng Diyos.   Ang taong ipinanganak sa laman ay laman, at ang ipinanganak sa Espiritu ay espiritu” Juan 3:5-6

Sa sandaling tanggapin ng isang tao si Cristo sa kanilang buhay, nagbubunsod ito ng espirituwal na pagbabago sa kanilang panloob na pagkatao, na nagreresulta sa ganap na pagkatanggal ng parusa ng kasalanan mula sa kanilang buhay.

Bukod dito, ang Banal na Espiritu ay kumikilos sa buhay ng mga hindi mananampalataya upang ipahayag ang nakakamanghang pag-ibig ng Diyos sa kanila. Sinabi ni Jesus,

“Ngunit pagdating ng Patnubay (Banal na Espiritu) na susuguin ko mula sa Ama, ang Espiritu ng katotohanan na nagmumula sa Ama, siya ay magpapatotoo tungkol sa akin.”  Juan 15:26

Sa ngayon, ipinagpapatuloy ng Banal na Espiritu ang kamangha-manghang ministeryo na paghahayag sa pag-ibig ng Diyos sa pamamagitan ng pagpapahayag kay Jesus, ang nagkatawang-tao na pag-ibig ng Diyos, at ang lahat na kinakatawan Niya sa kapwa mananampalataya at hindi mananampalataya sa ating mundo.