Mga Kawikaan 21:1-5
Mga Kawikaan 21:1-5 Magandang Balita Bible (Revised) (RTPV05)
Hawak ni Yahweh ang isip ng isang hari at naibabaling niya ito kung saan igawi. Ang akala ng tao lahat ng kilos niya'y wasto, ngunit si Yahweh lang ang nakakasaliksik ng puso. Higit na kalugud-lugod kay Yahweh kaysa mga handog ang mga gawang makatuwiran at makatarungan. Ugaling mapangmata at pusong mapagyabang, ito ang siyang gabay ng mga makasalanan. Ang mabuting pagbabalak ay pinapakinabangan, ngunit ang dalus-dalos na paggawa'y walang kahihinatnan.
Mga Kawikaan 21:1-5 Ang Salita ng Dios (ASND)
Ang isipan ng hari ay parang ilog na pinapadaloy ng PANGINOON saan man niya naisin. Inaakala ng tao na tama ang lahat ng kanyang ginagawa, ngunit ang PANGINOON lang ang nakakaalam kung ano ang ating motibo. Ang paggawa ng matuwid at makatarungan ay kalugod-lugod sa PANGINOON kaysa sa paghahandog. Ang mapagmataas na tingin at palalong isipan ay kasalanan. Ganyan ang ugali ng mga taong makasalanan. Ang gawaing plinanong mabuti at pinagsikapan ay patungo sa kaunlaran, ngunit ang gawaing padalos-dalos ay maghahatid ng karalitaan.
Mga Kawikaan 21:1-5 Ang Biblia (TLAB)
Ang puso ng hari ay nasa kamay ng Panginoon na parang mga batis: kumikiling saan man niya ibigin. Bawa't lakad ng tao ay matuwid sa kaniyang sariling mga mata: nguni't tinitimbang ng Panginoon ang mga puso. Gumawa ng kaganapan at kahatulan ay lalong kalugodlugod sa Panginoon kay sa hain. Ang mapagmataas na tingin, at ang palalong puso, siyang ilaw ng masama, ay kasalanan. Ang mga pagiisip ng masipag ay patungo sa kasaganaan lamang: nguni't bawa't nagmamadali ay sa pangangailangan lamang.
Mga Kawikaan 21:1-5 Magandang Balita Biblia (2005) (MBB05)
Hawak ni Yahweh ang isip ng isang hari at naibabaling niya ito kung saan igawi. Ang akala ng tao lahat ng kilos niya'y wasto, ngunit si Yahweh lang ang nakakasaliksik ng puso. Higit na kalugud-lugod kay Yahweh kaysa mga handog ang mga gawang makatuwiran at makatarungan. Ugaling mapangmata at pusong mapagyabang, ito ang siyang gabay ng mga makasalanan. Ang mabuting pagbabalak ay pinapakinabangan, ngunit ang dalus-dalos na paggawa'y walang kahihinatnan.
Mga Kawikaan 21:1-5 Ang Biblia (1905/1982) (ABTAG)
Ang puso ng hari ay nasa kamay ng Panginoon na parang mga batis: Kumikiling saan man niya ibigin. Bawa't lakad ng tao ay matuwid sa kaniyang sariling mga mata: Nguni't tinitimbang ng Panginoon ang mga puso. Gumawa ng kaganapan at kahatulan Ay lalong kalugodlugod sa Panginoon kay sa hain. Ang mapagmataas na tingin, at ang palalong puso, Siyang ilaw ng masama, ay kasalanan. Ang mga pagiisip ng masipag ay patungo sa kasaganaan lamang: Nguni't bawa't nagmamadali ay sa pangangailangan lamang.
