ZEKHARIAH 3
3
Profet In Puithiam Sang A Hmu
1Langnak dang pakhat ah Bawipa in Puithiam sang Joshua, Bawipa ih vancungmi hmai ih a din kha i hmuh. Joshua kiangah cun Joshua sualpuh dingah tiar cia in Satan a din kha ka hmu. 2Bawipa ih vancungmi in Satan hnen ahcun, “Satan, Bawipa in lo kawk seh! Jerusalem a duhtu Bawipa in nangmah cu lo hlon seh. Hi pa cu meisa sung ihsin zuukmi thingthu bangtuk a si,” tiah a ti.
3Joshua cu hnipuan siava hruk in cutawk ah a ding. 4Cuih vancungmi in amah kiltu vancungmi dang pawl hnen ah, “Hi pa ih a hrukmi hnipuan siava pawl cu phuak ṭheh uh,” a ti. Cule Joshua hnenah cun, “Na sualnak cu ka lak hlo ṭheh zo ih hruk ding hnipuan thar ka lo pek ding,” tiah a ti.
5Amah kiltu pawl cu Joshua lu parah lupawng thar pawngter dingin thu a pek. A thu pekmi vekin an tuah, cule cutawk ih vancungmi a din laiah cun hnipuan thar an hrukter.
6Cule vancungmi in Joshua hnen ah, 7Cungnungbik Bawipa ih ṭongmi cu hiti in a sim; “Ka daan nan thlun ih nan hnenih ṭuanvo ka lo pekmi pawl nan tuah suak a si ahcun ka Biakinn le a kimvel pawl kilkhawitu nan si ringring ding ih ka mit hmuh ih a ummi vancungmi pawl ih thlacamnak ka theihsak vekin nan thlacamnak khal ka lo theihsak ding. 8Curuangah nang Puithiam sang Joshua, ṭhatein ngai aw; nannih Joshua rualpi puithiam pawl, hmailam tikcu ṭha khihhmuhtu nannih pawl, ṭhatein ngai uh: Thingṭeek an timi keimah riantu cu nan hnenah ka langter ding! 9Joshua hmaiah hmai pasarih a neimi lungto pakhat ka ret ding. A parah ca ka ngan ding ih ni khat sungah hi ram ih sualnak cu ka lak hlo ṭheh ding. 10Cuih ni a thlen tikah cun nan sabit hmuan le nan theipi hmuan sung ih umtlang huahho ding in nan inn-hnen pawl nan sawm fingfing ding a si,” tiah a ti. Guam.
Kasalukuyang Napili:
ZEKHARIAH 3: FCL
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Falam Bible Revision © Bible Society of Myanmar, 2002.