ZEKHARIAH 2
2
Tah-nak Hri Ka Hmu
1Langnak dang pakhat ah mi pakhat tahnak hri a kut ah kengin ka hmu. 2“Khui-ah so na feh ding?” tiah ka sut.
Anih in, “Jerusalem khawpi hi ziangcan a sau ih ziangtluk a kau ti theih duh ah ka tah ding,” a ti.
3Cule ka hnenih a ṭong rerotu vancungmi cu hmaiah a ra suak ih a dang vancungmi pakhat in a rak hmuak khi ka hmu. 4A hmaisa vancungmi in a neta hnen ahcun, “Va tlan awla, tahnak hri a kengtu tlangvalpa khi Jerusalem khawpi sungah minung le caw an tam ngaingai leh ding ih an tumtuk ah phar in kulh cawk a si lo ding. 5Bawipa in thu a kam zo ih Bawipa amah cu khawpi kimvel ah khawpi humtu meisa phar a si ding ih cu tawk ah a sunlawinak thawn a um ding a si, va ti aw,” tiah a ti.
6-7 Bawipa in a minung pawl hnenah, “Keimah in leilung khuazakip ah ka lo ṭhekdarh ṭheh. Asinain atu cu Babilon ram in ra suak uhla, Jerusalem ah ra kir sal uh, nannih saltaang pawl! 8Nanmah a lo hremtu in a lo dai tikah keimah ih mitmu a dai a si,” a ti.
Curuangah Cungnungbik Bawipa in keimah cu a minung pawl a ramtu miphun pawl hnen ah hi thu sim dingin i thlah. 9“Bawipa keimah rori in ka lo do ding ih nan sal a rak si dah mi pawl in an lo ram ve thlang ding,” tiah Bawipa in a ti.
Cumi a kim tikah Cungnungbik Bawipa ih thlahmi ka si kha zokhal in an thei ding.
Saltaang Pawl An Ko Sal
10 Bawipa in, “Maw Jerusalem mi pawl, lungawi in hlasa uh. Nan hnenih um dingah ka ra lai a si,” a ti.
11Cutikah cun miphun tampi Bawipa ih hnenah an ra ding ih amah ih minung ah an cang ding. Nan lakah a um ding ih nan hnen ih i thlahmi ka si kha nan thei ding. 12Cutikah hi a ram thianghlim sungah hin Judah cu a hleice in amah ih ta an si ding ih Jerusalem cu khua dang hmuahhmuah hnak in a duh bikmi khawpi a si ding.
13 Bawipa ih umnak hmunah cun zokhal daitein um uh; ziangahtile a umnak hmun thianghlim ihsin a ra lai a si.
Kasalukuyang Napili:
ZEKHARIAH 2: FCL
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Falam Bible Revision © Bible Society of Myanmar, 2002.