Luka 10
10
Ũtũme wa amanyĩw’a mĩongo mũonza
1 #
Mko 6.7. Ĩtina wa maũndũ asu Mwĩaĩi anyuva angĩ mĩongo mũonza, na amatũma elĩ na elĩ, mathi mbee wake kĩla ndũa na vandũ, vala wakilĩlye kũthi. 2#Mt 9.37,38; Yoa 4.35.Na amea atĩĩ, Nĩw’o ngetha nĩ mbingĩ, ĩndĩ akethi nĩ avũthũ: kwondũ wa ũu voyai Mwĩaĩi wa ngetha, atũme akethi ngethanĩ yake. 3Endai; na lĩlĩi, nĩngũmũtũma ta tũtena twa malondu katĩ wa nzũi. 4#Lk 9.3–5; 2 Asu 4.29.Manyai ũkua ngusu ya mbesa, kana mũvuko, kana iatũ; na manyai ũkethya mũndũ nzĩanĩ. 5Na o nyũmba ĩĩa mwĩlikaa, ambaai kwasya, Mũuo wĩthĩwe nyũmbanĩ ĩno. 6Na ethĩwa vo ve mwana wa mũuo, mũuo wenyu ũkekala nake: ĩndĩ ethĩwa nde vo, ũkamũsyokea. 7#1 Tim 5.18; 1 Ako 9.5–14.Na ĩkalai nyũmbanĩ ĩsu, mũkĩya na mũkĩnyw’a o kĩla memũnengae: nũndũ mũtethya wa wĩa nĩwaĩlwe nĩ ĩtuvi yake. Manyai kumaalanga mũkĩvotanga nyũmba ĩno na ĩno. 8#1 Ako 10.27.Na ndũa o na yĩva ĩla mwĩvotaa, na mamũthokya, ĩsaai syĩndũ ila syĩetawe mbee wenyu: 9vosyai awau ala me vo, mũkĩmatavya, Nĩmũthengeewe nĩ ũsumbĩ wa Ngai. 10Ĩndĩ ndũa o na yĩva ĩla mwĩvotaa, na malea kũmũthokya, endai nzĩanĩ syayo, mũkyasya, 11O #Meko 18.6.na kĩtoo kya ndũa yenyu, kĩla kĩkwatĩte nyaĩĩ sitũ, nĩtũũmũvangũlĩla: ĩndĩ manyai ũũ, ũsumbĩ wa Ngai nũmũthengee. 12Na ĩndĩ nĩngũmũtavya, Sotomo ĩkethĩwa yĩ kavaa mũthenya ũsu, kwĩ ndũa ĩsu.
Mawoo ĩũlũ wa mĩsyĩ ĩla ĩtekwĩtĩkĩla
(MATHAYO 11.20–24)
13 #
Mt 11.21–23. Woo nĩ waku, Kolasini! Woo nĩ waku, Vethisaita! Nũndũ kethĩwa mavinya ala mekĩtwe kwenyu, meekiwe Tile na Sitoni, andũ ma kw’o methĩwa maalyũlile ngoo tene, makĩkala nthĩ mekĩĩte makunia na kwĩyũmba mũu. 14Ĩndĩ Tile na Sitoni kũkethĩwa kwĩ kavaa ũsilĩlonĩ, kũte inyw’ĩ. 15#Isa 14.13,15.Naku Kavelinaumi, ũkookĩlw’a kũvika ĩutnĩ? Ũkatheew’a kũvika vala maveva ma akw’ũ mekalaa. 16#Mt 10.40; Yoa 5.23; 15.23.Ũla ũmwĩw’aa inyw’ĩ, nũmbĩw’aa nyie; na ũla ũmũleaa inyw’ĩ, nũndeaa nyie; na ũla ũndeaa nyie, nũmũleaa ũla wandũmie.
Kũsyoka kwa ala mĩongo mũonza
17Na ala mĩongo mũonza masyoka me atanu, makyasya, Mwĩaĩi, o na ndaimoni niũtwĩnyivĩsya syĩtwanĩ yaku. 18#Yoa 12.31; Ũvu 12.8,9.Nake amea, Nĩnoonaa Satani avalũka kuma ĩtunĩ ta ũtisi. 19#Mko 16.18; Sav 91.13.Nĩmwenei, nĩnamũnenga ũkũmũ wa ũkinya ĩũlũ wa nzoka na ing’auũ, na ĩũlũ wa vinya w’onthe wa mũmaitha: na mũtikona ũndũ ũthũku nongi. 20#Kuma 32.32; Avi 4.3; Ũvu 3.5; Mt 7.22.Ĩndĩ manyai ũtana nũndũ ndaimoni niũmwĩnyivĩsya; ĩndĩ tanai nũndũ masyĩtwa menyu nĩmaandĩkĩtwe ĩtunĩ.
Yesũ aitũnga mũvea
(MATHAYO 11.25–27; 13.16–17)
21Na saa ũsu Yesũ atana nthĩnĩ wa Veva Mũtheu, na asya, Nĩngũũkatha, Asa, Mwĩaĩi wa ĩtu na nthĩ, nũndũ maũndũ asu nĩwamavithie andũ oĩ na ala me na ũmanyi, na wavuanĩsye twana tũnini: ĩĩ, Asa; nĩkwĩthĩwa nĩw’o wendeesye kwaku. 22Nĩnĩnengetwe maũndũ onthe nĩ Asa wakwa: na vai mũndũ wĩsĩ Mwana nũũ, ate o Asa; kana Asa nũũ, ate o Mwana, na mũndũ o na wĩva ũla Mwana ũkwenda ũmũvuanĩsya. 23#Mt 13.16,17.Na eethyũũĩa amanyĩw’a, na amea me nzama, Nĩ maathime metho ala mekwona maũndũ ala mũkwona: 24#1 Vet 1.10.nũndũ nĩngũmũtavya, athani na asumbĩ aingĩ mendie kwona maũndũ ala mũkwona, na maiaamona; na kwĩw’a maũndũ ala mũkwĩw’a, na maiaamew’a.
Nzĩa ya kwona thayũ ũtathela
(MATHAYO 22.34–40; MALIKO 12.28–31)
25 #
Lk 18.18–20. Na ĩndĩ, mũmanyĩsya ũmwe wa mĩao ookĩla amũtate, akyasya, Mũmanyĩsya, nĩĩka ata kana nĩtiĩwe thayũ ũtathela? 26Nake amwĩa, Mĩaonĩ kũandĩkĩtwe ata? Ũsomaa ata? 27#Kũt 6.5; Ali 19.18.Asũngĩa, amwĩa, Mwende Mwĩaĩi Ngai waku na ngoo yaku yonthe, na thayũ waku w’onthe, na vinya waku w’onthe, na kĩlĩko kyaku kyonthe; na mwende mũtũi waku o tondũ wĩyendete mwene. 28#Ali 18.5; Mt 19.17.Nake amwĩa, Wasũngĩa w’o; ĩka ũu, na ũkeethĩwa na thayũ.
Ngelekan’yo ya Mũsamalia mũseo
29Ĩndĩ we, akyenda kwĩnenga mwene ũlũngalu, amũkũlya Yesũ, Na mũtũi wakwa nũũ? 30Yesũ amũsũngĩa na amwĩa, Mũndũ ũmwe nĩwaumie Yelusaleme atheee Yeliko; nake akwatwa nĩ avutani, ala mamũvutie ngũa na mamũkũnanga, na mathi, mamũtia akilĩlye kũkw’a. 31Na kweethĩwa mũthembi ũmwe atheea na nzĩa ĩsu: na amwona, aathũkĩla ũtee wake. 32Na Mũlivai ũmwe ta ũu, avika vala vandũ, na amwona, nake aathũkĩla ũtee. 33Ĩndĩ Mũsamalia ũmwe, akĩthi kyalo, avika vala waĩ: na yĩla wamwonie, amwĩw’ĩa ĩnee, 34na athi vala ũĩ, amwova kũla wakũnangĩtwe, aikwĩtĩkĩsya mauta na mbinyu; na amũtũlya nyamũnĩ yake ĩla yamũkuĩte amũtwaa nyũmbanĩ ya aeni, akamũwaĩsye vo. 35Na ũnĩ ũsu aumya silingi ilĩ, amũnenga mwene wa nyũmba ĩsu, na amwĩa, Mũwasye nesa; na wavĩtũkya ii, ngakũtũngĩa ngĩsyoka. 36Wĩasya nĩ wĩva wa asu atatũ, ũla wonanisye aĩ mũtũi wa ũla wakwatiwe nĩ avutani? 37Nake asya, Nĩ ũla wamwĩw’ĩe tei. Na Yesũ amwĩa, Naku thi, wĩke ta ũu.
Matha na Meli
38 #
Yoa 11.1; 12.2,3. Na yu makĩthi na nzĩa, avota mũsyĩ ũmwe: na mũndũ mũka ũmwe ũla wetawa Matha amũthokya nyũmbanĩ yake. 39Nake aĩ na mwĩĩtu‐a‐inyia wetawa Meli, nake ekala nthĩ maũũnĩ ma Yesũ, akĩthukĩĩsya ndeto syake. 40Ĩndĩ Matha athĩniw’e nĩ wĩa; na athi vala ũĩ, na amwĩa, Mwĩaĩi, ndũkwona ũndũ mwĩĩtu‐a‐ia ũndekanĩsye na wĩa nĩtethye nĩ nyioka? Mwĩe andetheesye. 41Ĩndĩ Mwĩaĩi amũsũngĩa, amwĩa, Matha, Matha, nũkwĩnyamasya na kwĩthĩn’ya na maũndũ maingĩ: 42#Mt 6.33.ĩndĩ no ũndũ ũmwe wĩ vata: nũndũ Meli nũnyuvie kĩlungu kĩseo, kĩla ũtakavenwa.
Kasalukuyang Napili:
Luka 10: Mbivlia
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
