John 18
18
1Neħ' noˑnă̱h' sha'dwă̱ˑnoħkˑdă̱h ne Jeˑsus nă̱ˑgă̱' ni'yòˑwă̱ˑna̱a̱ˑgee, hohˑdă̱n'dyo̱sˑo̱h, wa'ă̱ˑneeħ' kuh naˑgo̱'iˑo̱ˑnyaˑnih, deˑoˑdiˑya'yaħˑgo̱h he'gă̱hˑho̱nˑdeħ neh' Ceˑdron; neħˑhuh' gaħˑă̱'yă̱ħ neh niˑgaħˑă̱ă̱ħ'a̱'a̱h' he'o̱ˑweh' neħˑhuh' he'o'yo̱sˑo̱h kuh naˑgo̱'iˑo̱ˑnyaˑnih.
2Neħ gwaħˑhuh ne Juˑdas noˑdyaħ'daˑniˑno̱ħ, [ne Jeˑsus] haˑyă̱nˑdeˑih' he'o̱ˑweh niˑgaħ'ă̱ă̱ˑyă̱ħ; neħ să̱ħˑă̱h neˑdaħˑji'aħˑneħ' gă̱ă̱s ne Jeˑsus neħˑhuh' hakˑdo̱s hă̱ˑneħ' kuh gă̱ă̱s naˑgo̱'iˑo̱ˑnyaˑnih.
3Oˑnă̱h ne Juˑdas haˑgo̱o̱ˑgwă̱h' noˑnă̱nˑniˑdyòh'go̱ˑnii' noˑdis'gă̱ħˑă̱'gehˑdah hoˑno̱nˑdiˑo̱nˑdo̱ħ kuh, toˑno̱hˑdă̱nˑdyo̱o̱ heħ tă̱ˑniħ'dyo̱ħ naˑdi'yaħˑdo̱nˑtwas, kuh neh' Pharˑiˑsees, neħˑhuh' hoˑdi'yo̱sˑo̱h, yeˑjĭs'doˑdah'gwaħ hoˑno̱nt'hasˑyo̱nˑdo̱ˑdyeħ', yo̱nˑdi'yòhˑdah'gwaħ gwaħˑhuh' haˑdi'aˑwiˑno̱ˑdyeħ.
4Neħ gwa' ne Jeˑsus heh' oˑi'waˑgweˑgo̱h' haˑyă̱ˑdeeˑih heˑnă̱ˑyaaˑwă̱h' haˑyaħ'daˑdeħ, heˑòh'dă̱ˑdyo̱s'o̱h neħ naˑgo̱ˑyă̱'o̱hˑsee, so̱'naħˑot echˑhi'yaħˑdih'saas'?
5Desˑho̱ˑwa̱ˑwă̱'no̱ħˑsăˑgwă̱h hoˑnă̱ă̱, Jeˑsus ne Naˑzaˑreth toˑya'gă̱ħˑo̱h. Haˑgo̱ˑyă̱'o̱hˑseeh ne Jeˑsus, Iiħ waeh neh'huh ne'neħ. Juˑdas ha'eħˑgwah noˑdyaħ'daˑniˑno̱ħ neħˑhuh iˑat' haˑdih'siˑaaħ.
6Neħ heˑniˑyòs'noˑweħ noˑnă̱h shaˑgo̱ˑyă̱'o̱s, Iiħ waeh ne'huh ne'neħ, no̱ħˑgă̱ă̱ħ saˑo'no̱hˑdă̱nˑdyet, yo̱ˑă̱ˑjaħˑgĕh waˑdiˑyaħ'daˑgeˑo̱nˑdaħt.
7Oˑna'eh shaˑgo̱'yaˑo̱nˑdo̱sˑo̱h, So̱'naħˑot echˑhi'yaħˑdihˑsaas? Neħ neh ho̱ˑnă̱ă̱ Jeˑsus neh Nazˑaˑreth toˑya'gă̱ħˑo̱h.
8Detˑhòsˑnyeħˑo̱h neh Jeˑsus, haˑwă̱ă̱ oˑnă̱h waˑeh naeh gwaˑoˑwii' heh iiħ ne'neħ; neħˑdih neh dyă̱ˑgwah' iiħ ă̱sˑgwa'yaħˑdih'sakˑseek, neħ nechˑhi'no̱kˑdòòtˑhas nă̱ˑgă̱ă̱, oˑyaħˑjih naeh he'ă̱ˑneeh'.
9Neħ naˑga'iˑwaˑyeˑih heˑniˑgaˑwă̱ˑnòħ'dă̱ă̱ hòòsˑnyeħ'o̱h, Neħ haˑdi'yaħˑdaaˑdeħ neh' desˑgyaħ'doˑweh'daˑnii deħˑgaatˑgaħ naˑwaˑgah'do̱o̱ħ.
10Oˑnă̱h neh' Siˑmon Peˑter naaħˑshaˑă̱ˑo̱ħ toˑgeesˑgwă̱h neħ waˑoˑyă̱nt' noˑhaħ'shăħ naˑyaħ'do̱nˑtwas neħ' waˑaˑyaħk haˑo̱h'dòòt naˑyă̱'nehˑgo̱h. Neħ ne Malˑchus haˑyaˑso̱h' naˑhaħ'shăħ.
11Oˑnă̱h ne Jeˑsus haˑwă̱'o̱hˑsee ne Peˑter, Gatˑgwă̱ħ'daˑgo̱o̱ saˑso̱ˑdăăh naħ'shaˑaħ; neħ ne'gaˑwĭsˑdaħ na'gaaˑwi Nòòħ'nih, tă̱ħˑă̱h gă̱h ne'neħ taakˑneˑgeˑăh?
12Oˑnă̱h' ne gă̱nˑdyòhˑgòt, kuh noˑni'dyòhˑgwasˑdeˑisˑdo̱h, kuh noˑno̱n'di'o̱nˑdo̱ħ hoˑdih'haħˑshăħ ne Jews waˑo̱ˑwa̱ˑyeˑno̱o̱ħ' ne Jeˑsus, waˑo̱'wa̱sˑhă̱ˑo̱nˑdă̱ħ gwaħˑhuh.
13Neħ neħˑhuh' heˑo̱ˑwa̱ˑno̱s'ˑgwă̱a̱h heh tă̱ħˑdyo̱ħ ne Anˑnas dyo'dye'ă̱hˑdo̱h; neħ hyaˑdah'neˑho̱o̱s ne Caiˑaˑphas neħ haˑyaħ'do̱nˑtwʋs'gwaħ ha'eħˑgwah ne'neħ yòsˑhăˑdeħ.
14Neħ' neˑgă̱ħ nă̱ˑgă̱ Caiˑaˑphas naˑgo̱ˑyă̱ħˑni'goˑdaˑnii ne Jews, heh deˑyòˑdo̱ˑă̱ˑjoˑo̱h gaˑiˑwaˑyă̱n'dahˑgo̱h neh shaˑyaħ'daat no̱'gweh ă̱sˑhaˑgaˑwe'eˑyaħs neˑgă̱nˑdyòh'gwaħˑgĕh.
15Neħ ne Siˑmon Peˑter neħ kuh neh shaˑyaħˑdaat no̱ˑwa̱'iˑo̱ˑnyaˑnih waˑo̱ˑwa̱ˑno̱nˑdă̱ħ ne Jeˑsus; neħ naahˑsă̱ˑnoˑwaˑnă̱h haˑyaħ'do̱nˑtwʋs hoˑyă̱nˑdeeˑih' nă̱ˑgă̱ă̱ no̱ˑwa̱ˑiˑo̱ˑnyaˑnih; neħ ne shaħˑgaat' iˑneħ ne Jeˑsus heˑoˑdiˑyo̱s'o̱h heˑo̱ˑweh a'ă̱nˑjoot o̱ˑwă̱h haˑdi'asˑhă̱n'dahˑgwaħ heˑo̱ˑno̱hˑsòòt naah'să̱ˑnoˑwaˑnă̱h haˑyaħ'do̱nˑtwʋs.
16Neħ' neh' Peˑter neħˑhuh' naeh donˑda'daħt asˑde'gwa' heh tgahˑho'gaˑă̱nt. Oˑnă̱h' heˑoˑyaˑgă̱ħ'o̱h ne shaˑyaħ'daat no̱ˑwa̱'iˑo̱ˑnyaˑnih, no'yă̱nˑdeˑih neˑgă̱ħ nah'să̱ˑno'waˑnă̱h haˑyaħˑdo̱nˑtwʋs, neħ nòħˑshaˑgoˑwă̱ˑnă̱ă̱ħt ne yehˑho'aˑno̱h, oˑnă̱h' daˑo̱ˑyo̱ħt ne Peˑter.
17Oˑnă̱h neh yĕkˑsaħ'goˑwaa neh yehˑho'aˑno̱h ho̱ˑwă̱'a̱hˑseeh ne Peˑter, Tă̱ħˑă̱h gă̱h gyee deħˑiis he'niˑă̱ˑno̱ˑdii nă̱ˑgă̱ă̱' ho̱ˑgweh haˑgo̱'iˑo̱ˑnyaˑnih? Neħ ne'aˑwă̱ă̱ tă̱ħˑă̱h deħˑiiħ gyee ne'neħ.
18Neħˑdih neh, haˑdih'haħˑshăħ kuh neh' hoˑno̱n'diˑo̱nˑdo̱ħ neħˑhuh haˑdih'siˑaaħ, oˑjis'daħ hoˑdiˑyeˑăħˑdo̱h hoˑno̱ˑdeˑgaħ'do̱h; neħ să̱ħˑă̱h neħ' otˑhoˑweħ; neħˑhuh' hoˑno̱n'do̱nˑtheħ'do̱h; da neħ' ne Peˑter neħˑhuh' ha'eħˑgwah iˑat haˑdih'siˑaaħ hoˑdo̱n'theħˑdo̱h ha'eħ gwah.
19Oˑnă̱h neh' ho'waˑgoˑwaaˑnă̱h' naˑdi'yaħˑdo̱nˑtwʋs' waˑo'o̱nˑdo̱o̱ħ ne Jeˑsus haˑdi'yaħˑdaaˑdeħ naˑgo̱ˑiˑo̱ˑnyaˑnih kuh heh niˑoˑiˑòħ'dă̱ă̱h neh' haˑo̱ˑhwa̱ħ.
20Detˑhos'nyeħˑo̱h' ne Jeˑsus, haˑwă̱'o̱hˑseeh, neħ' heˑniˑwaˑgesˑnyeħ'o̱h, gwaħ gă̱ă̱s taħˑgi'waˑă̱ħ he'yo̱'ă̱ˑjaˑdeħ; dyòtˑgo̱nt' kuh keˑi'o̱ˑnyaˑnih hă̱ˑno̱nt'gă̱ˑnis'ahˑda'no̱h, kuh neh' oˑno̱h'saˑdo'gă̱hˑdiħ'gĕh, heˑo̱ˑweh ne Jews dyòtˑgo̱nt hoˑdi'yaħˑdaˑye'isˑdahˑgwaħ; neħ kuh neh' deħˑtaħ'gwĭsˑdă̱ħ deħˑaˑgă̱ă̱ naˑdah'sehˑdo̱ħ'gĕh.
21Aˑnaeh goˑwaa iiħ oħˑsga'o̱nˑdo̱o̱ħ? neħ she ya'o̱nˑdo̱o̱h gă̱ă̱s no̱ˑga'diˑwat'ho̱nˑdaˑdih, neˑnaħˑòt keˑyă̱'o̱hˑseeh; satˑgaˑă̱ˑo̱h, neħ' naeh nă̱ˑgă̱ă̱ hoˑnă̱'no̱hˑdo̱ħ ne'naħˑot aˑgă̱ă̱.
22Neħ noˑnă̱h' neħˑhuh' shaˑaˑyeeħ heh was'nyeħt, shaˑyaħˑdat' noˑdi'o̱nt hasˑòh'daħ waˑye'ăħˑdak waˑo'go̱ˑeek, haˑwă̱ă̱', Nehˑhuh gă̱h' no̱ħˑsyeeħ' heh do̱ˑsaˑehˑswă̱'no̱ħˑsăˑgòħ no̱'wa̱ˑgoˑwaˑnă̱h naˑdi'yaħˑdo̱nˑtwʋs?
23Do̱ˑsa'oˑwă̱'no̱ħˑsăˑgòħ ne Jeˑsus, haˑwă̱ă̱, Neħ ne dyă̱ˑgwah' waˑetˑgă̱ħ' haˑges'nyeħˑo̱h, neħ' waˑeh ne' jiˑwaˑgwa'ihˑsih heh' waˑetˑgă̱ħ; neħ' dih ne dyă̱ˑgwah' giħˑshă̱h' wiˑyòò, a'naeh goˑwaa' heh' oħˑsge'go̱ˑeek?
24Oˑnă̱h' naˑeh neh' Anˑnas heˑo'yaħˑda'nyehˑdo̱h hasˑhă̱ˑa̱nˑdaaˑdyeħ' heh' tă̱ħˑdyo̱ħ' ne Caiˑaˑphas no̱'wa̱ˑgoˑwaˑnă̱h' naˑdi''yaħˑdo̱nˑtwʋs.
25Neh ne Siˑmon Peˑter iˑat sho̱ hoˑdo̱n'teħˑdo̱h. Neħ neh ho̱ˑwă̱'o̱hˑseeh, Tă̱ħ'ă̱h gă̱h gyeeh' deħˑiis naˑgo̱'iˑo̱ˑnyaˑnih? Neħ noˑdo̱h'hiˑyă̱h, haˑwă̱ă̱, Tă̱ħˑă̱h niiħ' deħˑos'to̱o̱h.
26Shaˑyaħ'daat dih noˑhaħ'shăħˑsho̱ħ no̱'wa̱ˑgoˑwaˑnă̱h' naˑdi'yaħˑdo̱nˑtwʋs, (neħ hoˑno̱o̱k no̱'gweh nă̱ˑgă̱ă̱ neh' Peˑter hoˑo̱h'dyaħˑgo̱h,) haˑwă̱ă̱, Tă̱ħˑă̱h gă̱h deħˑiis deħˑgo̱ˑgă̱ă̱ħ neh niˑgaħˑă̱ă̱ħˑo̱o̱'neh neħ' daˑeˑjaˑdi'aak [ne Jeˑsus?]
27Oˑna'eħ ne Peˑter Saa'do̱hˑhiiħ; oˑnă̱h' kuh' naˑeh go̱nˑdaˑdyeħ' neh daˑgăăħ'ă̱ă̱ħ oħˑgas'nyeħt.
28Oˑnă̱h neh Jeˑsus waˑo̱ˑwa̱ˑyaħ'do̱ħˑneek he'o̱ˑweh niˑă̱ħ'dyo̱ħ neh' Caiˑaˑphas neħˑhuh' hwaˑo̱ˑwa̱ˑaħ he'o̱ˑweh neh tă̱ˑno̱h'do̱ˑo̱ħ da'yaħˑdo'wehˑdah'gwaħ oˑno̱k'daˑyă̱ħ; neħ nah'so̱h seˑdeh'jiˑah; neħ ne tă̱ħ'ă̱h naˑeh no'no̱ˑho̱ħ neħˑhuh' teoˑdiˑyo̱o̱ħ he'o̱ˑweh deˑyo̱ˑdaˑdyaħ'doˑweh'dahˑgwaħ, neħ' ne dyă̱ˑgwah' sho̱ ă̱ˑoˑdiˑyaħ'datˑgiħˑheħt, oˑnă̱h' a'gă̱ˑa̱a̱k deħˑjoˑgweˑnyo̱o̱h' naˑă̱ˑno̱n'dekˑho̱ˑniħ ne deˑwaˑdaˑwă̱'o̱hˑgwaħ.
29Oˑnă̱h' ne' Piˑlate heˑoˑyaˑgă̱ħ'o̱h heˑaˑgo̱ˑyaħ'doˑwă̱ħ'o̱h, neħ' neh haˑwă̱ă̱, A'naħˑot neˑgă̱ħ' sheˑswaˑiˑwa'gă̱ħˑseh nă̱ˑgă̱ă̱ħ ho̱ˑgweh'?
30Deˑsho̱ˑwa̱ˑwă̱'no̱ħˑsă̱ˑgwă̱h ho̱ˑwă̱'o̱hˑseeh, Neħ giħˑshă̱h na'gă̱ˑno̱ħ daħ'daˑya'nesˑhăˑiˑtaħ, a'gă̱ˑno̱ħ waˑeh naˑeh kuh neħˑhuh' deħˑsha'gwatˑgaħˑwă̱h heh' syaħˑdaˑdeħ.
31Oˑnă̱ħ' ne' Piˑlate shaˑgo̱ˑyă̱'o̱hˑseeh, Sasˑheˑswaˑdyeˑno̱ˑwa̱t' sho̱, neħ' kuh swaˑdye'ăħˑdak heˑniˑswaˑyaˑnes'yòħˑdă̱ă̱h deˑsheˑswaˑyaħˑdoˑweet. Neħ' dih no̱ˑwă̱'o̱hˑseeh ne Jews, Tă̱hˑă̱h deħˑgaˑyaˑnes'hăħˑgĕh ne' neħˑhuh naˑyaˑgwaˑyeeħ, neh' so̱ˑgaaħ no̱'gweh as'haˑgwaˑnyuħ';
32Neħ naˑga'iˑwaˑyeˑih he'niˑoˑyeˑă̱h ne Jeˑsus, heˑniˑya'wă̱ħˑo̱h hoˑsnyeħˑo̱h, oˑyă̱nˑdeet' haˑo̱ˑniih' heˑniˑgă̱ˑeˑyaħ'syòħˑdă̱ă̱h noˑnă̱h' ă̱'eeħ.
33Oˑnă̱h ne' Piˑlate neħˑhuh' heˑo'yo̱sˑo̱h he'o̱ˑweh oˑno̱k'daˑyă̱ħ deˑyo̱ˑdaˑdyaħ'doˑweh'dahˑgwaħ, neħ neh he'oˑno̱ˑgo̱h ne Jeˑsus, neħ naˑwă̱'o̱hˑseeh, Iis' gă̱h neˑgă̱ħ ne Go'wăhˑgoˑwaa' ho'no̱ˑwă̱h ne Jews?
34Detˑhos'nyeħˑo̱h ne Jeˑsus, haˑwă̱'o̱hˑseeh, Aˑgwas' gă̱h iis' oħˑsă̱'no̱hˑdo̱ˑnyo̱ˑgòħ nă̱ˑgă̱ă̱' òħˑses'nyeħt, o̱ˑgii' oˑyaħ'sho̱ħ dyeˑsa'oˑwiih nă̱ˑgă̱ă̱ he'gyaħˑdaˑdeħ?
35Detˑhòsˑnyeħˑo̱h ne Piˑlate haˑwă̱ă̱, Jew gă̱'neˑgă̱ħ niiħ'? Neħ wa'eh sho̱o̱' kuh' naeh ne neˑso̱ˑă̱ˑjòħ'dă̱ħ neħ kuh haˑdih'să̱ˑnoˑwaˑnă̱s' naˑdi'yaħˑdo̱nˑtwas neħˑhuh ho̱ˑsa'yaħˑdatˑgaħˑwă̱h he'gyaħˑdaˑdeħ, A'naħˑot neˑgă̱ħ niˑsaˑdyeˑăsˑo̱h'?
36Jeˑsus detˑhòs'nyeħˑo̱h, haˑwă̱ă̱, Neħ niiħ neh tgă̱ˑno̱hˑdo̱ˑo̱ħ'shăˑgwĕnˑniˑyòħ tă̱ħ'ă̱h deħˑneeħ' ne yo̱'ă̱ˑjaħˑgeeˑkaaħ; neħ giħˑshă̱h neh teħˑyo̱'ă̱ˑjaħ'gekˑhaaħ niiħ heh tgă̱ˑno̱h'do̱'o̱ħ'shăˑgwĕnˑniˑyòħ, a'ă̱ˑno̱ˑdiˑyòħ' waˑeh naˑgeh'haħˑshăħ'sho̱ħ, na'gă̱ˑo̱o̱k iˑgă̱ă̱ neħˑhuh' to̱'gyaħˑdat'gaħˑwă̱ă̱ħ haˑdi'yaħˑdaˑdeħ' ne Jews; neħ gwaah' nă̱ˑgă̱ă̱ ne'waħ niiħ neˑtgă̱ˑno̱h'do̱ˑo̱ħ'shăˑgwĕnˑniˑyòħ neħ'huh deħˑdya'wehˑdah'go̱h.
37Neħ dih neh Piˑlate haˑwă̱'o̱hˑseeh, Doˑgă̱s' dih go'wăhˑgoˑwaa niis? Detˑhòsˑnyeħˑo̱h ne Jeˑsus, haˑwă̱ă̱. Neħ waˑeh neh' saˑdo̱h, neħ neh Iiħ ne go'wăhˑgoˑwaa, Neħ dih dyoˑi'waħ nă̱ˑgă̱ă̱ ha'gă̱ˑno̱ˑgăˑdo̱h, neħ kuh dyoˑi'waħ nă̱ˑgă̱ă̱ heh' neħˑhuh aˑgyo̱o̱h he'yo̱ˑă̱ˑjaˑdeħ, neħ na'giˑwaˑgwaˑihˑsiħ heˑniˑgaˑyă̱ħ' ne ga'iˑwaˑgwĕnˑniˑyòħ. Neħ' kuh naaħ'deˑyo̱ˑgweħ'daˑgee ne' neħˑhuh dyaˑga'wehˑdah'go̱h heˑniˑgaˑyă̱ħ ne ga'iˑwaˑgwĕnˑniˑyòħ hă̱ˑno̱o̱kˑhaħ ne gwă̱ă̱ˑno̱ħ.
38Detˑhòs'nyeħˑo̱h ne Piˑlate, haˑwă̱'o̱hˑseeh, Aˑnaħˑot neˑgă̱ħ ne ga'iˑwaˑgwĕnˑniˑyòħ? Neħ noˑnă̱h' neħ shaˑă̱ħ nă̱ˑgă̱ă̱ oˑna'eħ hesˑhoˑyaˑgă̱ħ'o̱h, hesˑhaˑgo̱ˑyaħ'doˑwă̱ħ'o̱h ne Jews, neħ naˑgo̱ˑyă̱'o̱hˑseeh, neħ neh tă̱ħ'ă̱h deħˑaˑgeˑgă̱ă̱ħ haˑyaħ'daˑdeħ neh haħˑgwĭs'dă̱ħ a'giˑwas'hă̱ˑwiħ.
39Neħ gwaah' ne swai'waˑyă̱ħ, neħ ne shaˑyaħ'daat neħˑhuh o̱ˑsa'e'yatˑgaħ heˑswaˑyaħˑdaˑdeħ noˑnă̱h' hă̱ˑga'eeħ ne deˑwaˑdaˑwă̱ˑo̱hˑgwaħ; swaˑgaˑyă̱s' diˑgă̱h neħ' neħˑhuh' a'eˑyatˑgaħ he swaˑyaħ'daˑdeħ ne Go'wăh'goˑwaa ne Jews [noˑno̱'ă̱ˑjòħˑdă̱ħ?]
40Oˑna'eħ desˑho'no̱hˑsă̱nˑtwaħˑo̱h gaˑgweˑgo̱h, hoˑnă̱ă̱h', să̱'no̱h' naˑeh' nă̱ˑgă̱ă̱ ho̱ˑgweh, neħˑgwaah' neh Baˑrabˑbas! Neħ neh shaˑgòh'setˑhaħ haˑdyo'o̱ˑo̱ħ nă̱ˑgă̱ă̱ neh' Baˑrabˑbas.
ที่ได้เลือกล่าสุด:
John 18: SEE
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Gospels published by the American Bible Society in 1872, Psalms in 1892.
