NAANAA 26

Isaaku kũ Abimɛlɛkio

1Nàa kà bùsuu pìn a káakupɔ kũ à kà Ibrahĩ gɔrɔa baasi, akũ Isaaku fùtɛ à gɛ̀ɛ Filisitininɔ kína Abimɛlɛki kĩnaa Gera. 2Akũ Dikiri bò à sùa à pì: Ǹsun tá Misilaro, ǹ vutɛ gu kũ mani onnɛn. 3Ǹgɔ̃ kú bùsu díkĩnan gĩa, manigɔ̃ kú kũnwo mà arubarika dannɛ. Mani bùsu díkĩna kpámma pínki kũ n burinɔ, mani lɛ́ kũ ma kɛ̀ n denɛ kɛnnɛ. 4Mani n buri kara lán susunɛnɔ bà, mani bùsu díkĩna kpáḿma pínki. Buri kũ à kú zĩtɛnɔ ni arubarika le n buri gãi ń pínki 5kũ Ibrahĩ ma yã mà yãi. À ma ɔdɔki gwà, akũ à yã kũ ma dìtɛnɔ kũna kũ ma yãdannɛnanɔ kũ ma dokayãnɔ.

6Akũ Isaaku gɔ̃̀ Gera. 7Kũ wɛ̃tɛpidenɔ tɛni a la a nanɔ yã musu, à pì a dãremɛ. Àtɛn vĩna kɛ, zaakũ àtɛn da tó à pì a nanɔmɛ, oni a dɛ nɔ pì yãi, zaakũ nɔ pì bi nɔ manamɛ. 8Kũ a gɔrɔ pla kɛ̀ gwe, Filisitininɔ kí Abimɛlɛki wɛ́ kpàtɛ wondoo gũn, akũ à è Isaaku tɛn bã̀ndara gá kũ a nanɔo. 9Akũ à Isaaku sìsi à pì: Ase n nanɔmɛɛ! À kɛ̀ dera n pì n dãremɛɛ? À wèa à pì: Matɛn da oni ma dɛ a yãimɛ. 10Abimɛlɛki pì: Bɔ́ yã n kɛ̀wɛrɛ lɛɛ? Fíti mɛ́ à gɔ̃̀ kũ ó gbɛ̃ke ni wútɛ kũ n nɔ pìio, de ǹ ó da taarin. 11Akũ Abimɛlɛki gbɛ̃nɔ sã gbɛ̃̀ńnɛ pínki à pì: Gbɛ̃ kũ à ɔ nà gɔ̃gbɛ̃ pìia kũ a nanɔo, oni a dɛ.

12Isaaku pɔ́ tɔ̃̀ bùsuu pìn, akũ à pɔ́ lè wɛ̃̀ birea lɛu basɔɔro, kũ Dikiri arubarikaa dàn yãi. 13À kàra, a aruzɛkɛ tɛn kara ari à kɛ̀ aruzɛkɛde zɔ̃kɔ̃ ũ. 14À sãnɔ kũ zùnɔ vĩ dasi kũ zĩkɛrinɔ, akũ Filisitininɔ zã̀n. 15Akũ ò lɔ̀gɔ kũ a de Ibrahĩ gbɛ̃nɔ yɔ̃̀ a gɔrɔanɔ tàta kũ bùsuuo pínki. 16Akũ Abimɛlɛki pì Isaakunɛ: Ǹ futɛ ó kĩnaa, zaakũ ń gbãna deóla manamana.

17Akũ Isaaku bò gwe à bùraa kàtɛ Gera guvutɛn, akũ à gɔrɔ pla kɛ̀ gwe. 18Lɔ̀gɔ kũ ò yɔ̃̀ a de Ibrahĩ gɔrɔa akũ Filisitininɔ tàta a de ga gbɛranɔn à ɛ̀ra à bɔ̀bɔ à tɔ́ dokɔ̃nɔ kũ a de kpàńnɛ yãnɔ kpàńnɛ dɔ. 19Isaaku zĩkɛrinɔ lɔ̀gɔ pãnde yɔ̃̀ guvutɛ pìn, akũ ò bò í manaa. 20Akũ Gera pɔ́dãrinɔ fìti kɛ̀ kũ Isaaku pɔ́dãrinɔ ò pì: Ó ímɛ. Akũ à tɔ́ kpà lɔ̀gɔɔ pìinɛ Fìtii, kũ ò fìti kɛ̀ kãao yãi. 21Ò lɔ̀gɔ pãnde yɔ̃̀, akũ ò fìti kɛ̀ lɔ̀gɔɔ pì yã musu dɔ, akũ à tɔ́ kpànɛ Íbɛtɛ. 22À bò gwe, akũ à lɔ̀gɔ pãnde yɔ̃̀ dɔ, odi fìti kɛ a yã musu doro. Akũ à tɔ́ kpànɛ Mɛ̀poroki, zaakũ à pì: Dikiri tò o mɛ̀ɛ pòro, óni dagula sà.

23Abire gbɛra à gɛ̀ɛ Bɛsɛba. 24Dikiri bò à sùa gwãani birea à pì: Makũmɛ n de Ibrahĩ Luda ũ, ǹsun vĩna kɛro zaakũ má kú kũnwo. Mani arubarika dangu mà n buri kara ma zɔ̀bleri Ibrahĩ yãi.

25Gwen à sa'oki bòn à Dikiri sìsi. Akũ à bùraa kàtɛ gwe à gbɛ̃nɔ tɛn lɔ̀gɔ yɔ̃. 26Akũ Abimɛlɛki bò Gera à sù Isaaku kĩnaa kũ a kpàasi Auzao kũ a zĩ̀karinɔ gbɛ̃ zɔ̃kɔ̃ Fikɔluo. 27Isaaku ń lá à pì: Kũ a zãmagu a pɛma á bɛa, à kɛ̀ dera a su ma kĩnaa? 28Ò wèa ò pì: O è Dikiri kú kũnwo, akũ o pì à mana ò lɛ́dokɔ̃nɔ kɛ ò la dakɔ̃nɛ a yã musu 29kũ ĩni yã vãni ke kɛwɛrɛro, zaakũ ódi wɛ́ tãmmaro. Yã manan o kɛ̀nnɛ o n gbarɛ aafia, akũ Dikiri arubarikaa dàngu. 30Akũ Isaaku ń yàrii kɛ̀, ò pɔ́ blè ò í mì. 31Kũ ò fùtɛ kɔnkɔ, ò la dàkɔ̃nɛ, akũ Isaaku zɛ̀ńnɛ, ò bò a kĩnaa aafia. 32Zĩ birea Isaaku gbɛ̃nɔ sù ò lɔ̀gɔ kũ ò yɔ̃̀ yã ònɛ ò pì: O í è. 33Akũ à tɔ́ kpànɛ Sɛba. A yã mɛ́ à tò òdi wɛ̃tɛ pì sísi Bɛsɛba ari kũ a gbãrao.

34Kũ Isau kà wɛ̃̀ bupla, à Iti nɔ sɛ̀ mɛ̀n pla, Beri nɛ́ Yudi kũ Ɛlɔni nɛ́ Basɛmao. 35Isaaku kũ Rɛbɛkao nɛ̀sɛɛ dìgɔ̃ yakana ń yãimɛ.

ที่ได้เลือกล่าสุด:

NAANAA 26: BB2005

เน้นข้อความ

แบ่งปัน

คัดลอก

ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้

เรียนรู้เพิ่มเติมเกี่ยวกับ Bisã Bible 2005

ข้อพระคัมภีร์ยอดนิยมจาก
NAANAA 26

วิดีโอสำหรับ NAANAA 26

ภาพรวม: ปฐมกาล 12-50

BibleProject

NAANAA 26

ข้อพระคัมภีร์ยอดนิยมจาก
NAANAA 26

วิดีโอสำหรับ NAANAA 26

ภาพรวม: ปฐมกาล 12-50

พระคัมภีร์:

Busa

เวอร์ชั่น: Bisã Bible 2005 - BB2005

NAANAA 26

NAANAA 26

ข้อพระคัมภีร์ยอดนิยมจาก NAANAA 26

วิดีโอสำหรับ NAANAA 26

ภาพรวม: ปฐมกาล 12-50

พระคัมภีร์:

Busa

เวอร์ชั่น: Bisã Bible 2005 - BB2005

NAANAA 26

ข้อพระคัมภีร์ยอดนิยมจาก
NAANAA 26