Ifyakutaŋga 10
10
1Lombe'fi efitentekwa fyaŵana ŵakwe Noa aŵalalume, Syemi naYamu naYafeti: kuli ŵo kwalifyelwe aŵana aŵalalume pakusilo'ŵuloŵe.
2Aŵana ŵakwe Yafeti aŵalalume ŵali niGomeli, naMagoji, naMadai, naYafani, naTubala, naMesyeci, naTilasi. 3Kaŵili aŵana ŵakwe Gomeli aŵalalume ŵali niAsikenasi, naLipati, naTogalama. 4Nakaŵili aŵana ŵakwe Yafani aŵalalume ŵali niElisyai, naTasisi, neŵaCiti, neŵaNdodani. 5Kuli ŵaŵo eko syaaŵenwe insumbu syaŵenafyalo ati fyalo fyaŵo; ŵonse koti milaka yaŵo, koti fikoto fyaŵo pamikoka yaŵo.
6Popele neŵana ŵakwe Yamu aŵalalume ŵali niKusi, naMisilaimi, naPutu, naKanani. 7Kaŵili aŵana ŵakwe Kusi aŵalalume ŵali niSeba, naAfaila, naSabita, naLayama, naSabiteca: nakaŵili aŵana ŵakwe Layama aŵalalume ŵali niSyeba, naNdedani. 8Kaŵili Kusi walifyele Nimilodi: naye Nimilodi waliŵele wamakosa pacalo capa nsi. 9Wali mupalu wamakosa pamenso aŵaYawe. 10Kaŵili uwufumu bwakwe bwalitaticile kuBabeli, naEleci, naAkadi, naKaline mucalo ca Sina. 11Alifumine mucalo ico nekuya kucalo caAsiliya, nekwiŵaka umusi waNinife, naLeyoboti-ili, naKala, 12naLeseni, pakati paNinife naKala (wopele emusi ukulu). 13Kaŵili Misilaimi walifyele aŵaLudi, neŵaAnami, neŵaLeyabi, neŵaNafituwi, neŵaPatilusi, 14neŵaKasiluyi (muli ŵo emo mwafumine aŵaFilisiti), neŵaKafitoli.
15Popele Kanani walifyele Sidono, umwana wakwe umuŵele, naYeti; 16neŵaJebusi, neŵaAmoli, neŵaGiligasi; 17neŵa Yifi, neŵaAci, neŵaSini; 18neŵaAfadi, neŵaSemali, neŵaAmati; po pele pantanjile nefikoto fyaŵaKanani nafyo fyaliputile. 19Popele umupaka waŵaKanani walitulile kuSidono, pakuyo'muntu ku Gela la, ukufika kuGasa, pakuya kuSodoma nakuGomola nakuAdima nakuSeboyimi, ukufika nakuLasya. 20A ŵo eŵana ŵakwe Yamu aŵalalume, koti fikoto fyaŵo, koti milaka yaŵo, mufyalo fyaŵo, pamikoka yaŵo.
21Nakuli Syemi, wisiŵo aŵana ŵakwe Ebeya ŵonse, umukulu wakwe Yafeti, nako kwalifyelwe aŵana. 22Aŵana ŵakwe Syemi aŵalalume ŵali niElami, naAsyuli, naAfakesadi, naLudi, naAlama. 23Kaŵili aŵana ŵakwe Alama aŵalalume ŵali niUse, naYuli, naGeteli, naMasi. 24Kaŵili Afakesadi walifyele Syela; naye Syela walifyele Ebeya. 25Popele kuli Ebeya kwalifyelwe aŵana ŵaŵili aŵalalume: umbi isina lyakwe niPaleci; pakuti pansiku syakwe icalo caliaŵenwe; kaŵili isina lyamukwaŵo niYokatani. 26Popele Yokatani walifyele Alimodadi naSyelefi naAsamafeti naYela, 27naAdolami naUsali naDikala, 28naObali naAbimaeli naSyeba, naOfili naAfaila naYobabi: 29ŵonse aŵo ŵali ŵana ŵakwe Yokatani. 30Kaŵili apa ŵaikele palitaticile paMesya, pakuyo' muntu kuSefali, ulupili ulwakumutulesuŵa. 31Aŵo eŵana ŵakwe Syemi, koti fikoto fyaŵo, koti milaka yaŵo, mufyalo fyaŵo, pamikoka yaŵo.
32Ifyo efikoto fyaŵana ŵakwe Noa, koti fitentekwa fyaŵo, pamikoka yaŵo: kaŵili pali ŵaŵo paliaŵenwe imikoka yaŵantu pacalo capansi, ili bwasilile uŵuloŵe.
Айни замон обунашуда:
Ifyakutaŋga 10: AAL59
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Lamba Bible Version © United Bible Societies, 1959.