Mikolo ye'ndumwa 5

Emyasi ya Ananiya na Safira

1Mwe'si suku, mwa bemeresi mwábaa mùli mulume muuma mbu i'Ananiya. Ábere oyu Ananiya era áyaa lwango na mukai mbu i'Safira, nai era kuusa ehwa lyai. 2Yeke era kubisha mwango muuma kwa buteya bwa lyáfaa. Eunji mwango wàshibaa, era kweka'o era muhondo se'ndumwa. Ei myasi, mukai nai ábaa anáishi. 3Petero era kwire ábusa Ananiya mbu: «Era Ananiya! Kute wèmerere eMusimu áchionyera mwa muchima wao, kuikira ne'chihangi wêngeera eMuchima Mubuya-buya, wera wábisha mwango kwa buteya bwa waúsaa ehwa? 4Mango wabáa ùtasa kuusa eri ehwa, si lyabáa lináli lyao! Na mango wàliusaa, si ebuteya bwa lyàfaa nabo bwanábaa bunáli bwao! Kute ku wéraa wásima kuira mwasi ola ulí ngo'yu? Rero, uményereraa kwa ebi bisha, atá era muhondo se'bandu iwàfulire'bi, si era muhondo sa Ongo!» 5Ananiya mwa kunômva kwe'i myasi, era kukumbaala, kuna kufa. Ebandu boshi ba bômvaa kwo'yu mwasi, bera kusimbibwa na buba bunene. 6Ebatabana bera kuika na bábungira echirunda chai mwa ngwaya. Chasinda, bera kumweka era butala, na báya kumutaba.

7Ábere kwàrenga saa sìngaika kwe'hatu, Safira nai era kwêngirira busira kumenya emyasi era yàbere. 8Nai, Petero era kumubusa mbu: «Unyíburaa kanangana, ebuteya bwafáa ehwa lyenyu buna boshi buno?» Safira nai mbu «Eee! Kutwanaliusaa bacha.» 9Petero kukwera kumubura mbu: «Kute ku mwanáikiriraa mwálaana ne'balo kwa kuereka eMuchima wa Enawetu? Ulólaa, ebatabana ba bátenga kutaba ebalo, bu babano bàli kwa chiso. Rero nao, bu bánakweka.» 10Safira mwákunomva bacha, kuna kuchihunda mwa maulu ma Petero mbu: «Nduuu!» Nai unao-unao kuna kufa. Ba batabana mwa kwéngirira mwe'i nyumba, bera kubuana Safira àfire mira. Bera kumweka era butala, na báya kumutaba ala musike se'ba. 11Bushi no'ku, ebemeresi boshi ala'uma ne'banji bandu boshi ba bômvaa kwo'yu mwasi, bera kusimbibwa na buba bunene.

Endumwa sa Yesu sáira bisomerano

12Endumwa sa Yesu séndee sáira bisomerano na bimenyeso binene mwa bandu. Kanji mwa buuma, bábaa bàkomere kunde bábuanana mwa chisusu che'luhu cha che'rikirwe mbu Chisusu cha Solomono. 13Si ola ùtabaa mwemeresi àténdee áereresa ákomerana nabo, chiro àngaba mbu ebandu bábaa bénjire bábatonga. 14Si chiro bacha, bandu banene busese, ebalume ne'bakasi ba bábaa bénjire bêmerera Enawetu, emuanjo wabo era kuendekera áluwa busese. 15Bushi no'ku, ebandu bera kunde báretanga ebalwala mwa nama ne'kubaonjisanga kwa njingo nesi kwa mikeka chasiya mango Petero angénde ába árenga, echimbusa chai chínde cháika ku bauma mubo. 16Bandu banene béndee bátengera kwa misi era yábaa isungwire emusi we'Yerusalemu, bera kunde báreteranga endumwa ebalwala, ne'ba basímbirwe ne'bihwasi. Nabo boshi bera kunde bánalama.

Endumwa sa Yesu sálibusibwa

17Bushi no'ku, emukulu-kulu we'bakuhanyi* ala'uma ne'bandu bai bo'mwa chikembe che'Basandukayo*, bera kufira endumwa mufula munene. 18Bera kusimba esi ndumwa na báuma'si mwa buroko. 19Si ábere bwera butufu, malaika wa Enawetu era kuboola enyisi so'bu buroko, era kusikula'mo ne'kubura'si mbu: 20«Muyáa mwa luhu lwa Ongo, mwánabalira ebandu emyasi yoshi era yèrekere kano kalamo kayayaya.» 21Esi ndumwa sera kunaira kwa sánaburwaa. Ábere lumbuli-mbuli, sera kulamukira mwa luhu lwa Ongo, na sátangirisa sákangirisa ebandu.

Ábere emukulu-kulu we'bakuhanyi* ala'uma na balikabo bera baíkaa, bera kwámaala eKarubanda ke'Bayuta*. Chasinda, bera kutumisa endumwa sa sábaa siri mwa buroko. 22Si ebalanzi ba bátumwaa, báikire mwa buroko, chiro bákachibuana'mo esi ndumwa. Bera kufuluka na bábalikisisa ebakulu-kulu mbu: 23«Twàbuanyire eburoko bunáchingirwe kubuya-buya, ebalanzi nabo bábaa bànemenzi kwa nyisi. Si mwa kuchungula, chiro tukábuana'mo esi ndumwa.» 24Ábere emukulu-kulu we'balanzi be'luhu lwa Ongo ala'uma ne'bakulu-kulu be'bakuhanyi bômva bacha, ebwenge bwera kubasungulira. Bera kutangirisa báchibusa era ei myasi ingere yásinjira. 25Mwo'lu, mundu muuma era kupamukira na ábabura mbu: «Ba balume mwàumaa mwa buroko, si mwa luhu lwa Ongo mu bàli bákangirisa ebandu!» 26Unao-unao, oyu mukulu-kulu we'balanzi be'luhu lwa Ongo ala'uma ne'bandu bai, bera kuya kubinga esi ndumwa. Bera kubeka buke-buke bushi bábaa bôbaa ebandu bangesha kubahutanga emakoi.

27Ábere bera bàbaisaa mwa Karubanda ke'Bayuta*, bera kubemanza era muhondo se'bandu. Emukulu-kulu we'bakuhanyi* era kutangirisa ábatonganya mwa kuteta mbu: 28«Si munêshi kwa twàbǎngaa kwa mùtachiereresaa mwákangirisa ebandu era luulu so'yu mundu. Rero, mwiree mwálola, emyasi mwénjire mwákangirisa, yene yehúla mwo'no musi woshi we'Yerusalemu. Kanji mwáhonda elufu lwai lúbe kwe'twe lyetu!»

29Petero ala'uma ne'sinji ndumwa bera kumwǎkula mbu: «Tubano, wakútunda ebandu, byěmire tutúnde Ongo! 30Muményereraa kwa oyu Yesu mwetáa mwa kumumanyika kwa musalaba, Ongo wa bahokulu àmwômwere. 31Kanji ámuwere etunda ne'kumubika kwa malyo mai, na kumuira Mwami munene na Mulamya, chasiya eBaisiraeli bàbone enjira ye'kubindula emyanya yabo, eri Ongo àbabalire ebibi byabo. 32Ne'i myasi, tubeine ala'uma ne'Muchima Mubuya-buya ola Ongo êresise ba batúla bàmutunjire, twánachiloleraa ku'i.»

33Mango ba bábaa bàli mwa'ku Karubanda* bômvaa kwe'i myasi, ebute bwera kubasimba busese. Bera kwire báhonda kwîta esi ndumwa. 34Si mwo'lu lubuanano, mwábaa mùli Mufarisayo* muuma mbu i'Kamaliyeri. Oyu Kamaliyeri ábaa mukangirisi we'Mwaso kanji ebandu boshi bábaa batúla bàmutunjire. Era kwêmanga na áteta mbu báulusaa esi ndumwa tanga. 35Chasinda, era kubura abu balikabo mbu: «E mu balume be'Isiraeli! Ene myasi mwáhonda kukorera bano balume, mulólaa kui kubuya-buya! 36Si mwìshi kwa kutasa kurenga suku, mwomvíre kwa myasi ya mulume muuma mbu i'Teuta. Oyu Teuta, ábaa énjire áchitonga kwa yeine i'na ndwali. Bandu bàngaika kumaana mane bu bábaa bénjire bámushemba. Si ebandu bera kumwita. Rero, ba báchirembaa kunde bámushemba boshi, bera kuhandabana na lwarero emyasi yabo itàganachomvikana. 37Era nyuma sa Teuta, mwa suku se'fisi, kwera kuulukira Mukalilaya muuma mbu i'Yuta. Era kutuma bandu banene bámushemba. Si nai ebandu bera kumwita. Ba béndee báchiremba kunde bámushemba boshi, nabo bera kunáhandabana. 38Rero banyaketu, mwiree mwômva eano lya nábawa: Mùtachibikaa mwa myasi ya bano bandu! Mubarekaa bàende! Bushi bya bénjire báira, akaba bìri bya bandu kuika nabi bináfe buha. 39Si akaba bitènganyire na Ongo, muményaa kwa mùtangaala kubanga. Rero, mùtaereresaa mwálwa na Ongo!»

Boshi bera kunêmerera ei myasi ya Kamaliyeri. 40Chasinda, bera kwemala kanji endumwa, na báteta mbu bahútaa'si. Bera kuhuba kubaanga mbu batàchiereresaa kanji báhambala era luulu so'yu Yesu. Chasinjire, bera kubalikula. 41Endumwa sera kutenga mwa'ku Karubanda* sáenda sámowa, bushi Ongo êmereraa bakényibwe mwa kulibuka bushi na Yesu. 42Chira lusuku, sera kunde sákangirisa ne'kuhubanganyisa ebandu eMwasi Mubuya-buya, mwa Luhu lwa Ongo*, no'mwa manyumba kwa Yesu i'Masiya*.

Айни замон обунашуда:

Mikolo ye'ndumwa 5: tbt

Лаҳзаҳои махсус

Паҳн кунед

Нусха

Want to have your highlights saved across all your devices? Sign up or sign in

Маълумоти бештар дар бораи Echilaano Chiyayaya

Mikolo ye'ndumwa 5

Popular Bible Verses from
Mikolo ye'ndumwa 5

Listen to Mikolo ye'ndumwa 5

Китоби Муқаддас:

Tembo

Тарҷума: Echilaano Chiyayaya - tbt