Matayo 17
17
1Ili indesia mikonu irindaru, llyo Yesu akurika Petiro na Yakobo na Yohane mwanawo kavarosa na uroń waasha vakakaa-fo kyaanya kyawo wo veni. 2Lia eni kailashika fwana yamwi mbele yawo. Kisangu kyamwi kikakalakala sha mwi muni na miseto yamwi ikava myeelwa fyu sha saa sheni. 3Lia eni vakalolya Mose na Elia vashe na-wo veereraa na Yesu. 4Llyo Petiro aia Yesu: Nndumi, neendo ise tikee kunu. Kwakunda ntanaa matengo araru, limwi lyafo na lya Mose limwi na lya Elia limwi. 5Ili eereraa kuro, lia eni iṛumbe likasha liivaramaa likavaendye nruve. Na ununga lukauka iṛumbeń lia lwireraa: Uu mMwama wakwa ninkundye nammusaua. Uu yye mumwaranyaa! 6Ili vanalosho vandeita ununga lua, vakawa si na fisangu vakaeṛea nnu. 7Nae Yesu kavaserikya kavabaana kavaia: 8Kwimbooń mutaeṛee ndi! Ili vandeimboo miso awo na ule, vakilolya-wo nndu kita Yesu ye muni ndi. 9Ili veeolokaa uroń, Yesu kavavavasa kavaia: Kilya mwallolya mutaongoye nta nndu. Mukifise siń kumande kyeeri kilya Mwana wa nndu amaa iṛuka kwa vafu.
10Vanalosho vamwi vakamwuṛa veenumbuaa: Niikai kikeeń are, ili vaaṛia va mitisiṛie vanumbuye: Elia kyawara abooke isha mbele? 11Yesu kaaṛua kavaia: Elia isha ashaa avaue findo foose fishie sha mbele. 12Kake niń namuia: Elia ammaa isha nta vammanyi. Vakantanya sheeli vakundye. 13Na Mwana wa nndu nkuro da kyawara aliswa ukiva wwo. Llyo vanalosho vamwi vamanya, sheeli arera mboni ta Yohane mbatisa.
14Neeli vandefika andu syamu ya vandu ikai, nndu umwi kanshea kafwiṛya nri si mbele yamwi eemwiaa: 15Nndumi, lilya mwana uu wakwa, amu aworwa nsaka ya usukwa. Amu akee ivavyo nnu. Amu keengi na keengi lukee imweeṛa muroń na keengi kawa kirayoń. 16Nań namwendee vanalosho vafo, nawo nta imakii inkiṛa. 17Yesu kaaṛua kanumbua: Ini ufwari lutakusurye na lwirye mbaai, nkaa neeni kumande iri ki? Mmusisirye kumande kwi? Munndeń na ia nkai! 18Yesu kanaya mumuyo ulya nkasha, nato ukamwuka. Na mwana ulya kava nsha kyeeri kilya kyeni. 19Kyasia vanalosho vakashea Yesu akee kyaanya kyamwi vakanumbua: Naamu ki ili ise kitaare tamakii yuumbuta? 20Yesu kavaia: Nkiimba kya ikusura lyanu likee yaangu. Amu namuia kya dede: Kwakooya mwaira ikusura na likava yaangu sha mbekye ya nri wa nkuu, muiaa uro lu: Kwimboo ia kwende kulya! Nalo luukaa-wo. Amu nta kiifo kindo mutamakii ndi. 21Amu mumuyo nkasha wa mikae ii uukaa ndi kita kwa kiterewo na isinda kuro.
22Neeli veekee kulya Galilaya veeṛuaṛuaa-fo, Yesu kavaia: Mwana wa nndu arambikyoo maakoń a vandu. 23Nawo vawwaa na nkonu wa kararu aṛutwaa. Nawo vakafikwa nndewu nnu.
24Neeli vandefika Kaperinaumu, vandu va isana kyaalo kya numba ya Iṛuva vakashea Petiro vakanumbua: A llosha wanu ataa kyaalo ikyo ndi? Kanumbua: Ee ataa. 25Neeli andeaka numba, Yesu kabooka imwuṛa eenumbuaa: Kulolye are, Simon? Mamangi a isanga auṛaa kyaalo ana walyo vanduń vangava? Vvaniń vawo ana kwa vengi? 26Nae ili andenumbua: Nkwa vengi, Yesu kamwia: Kyasia kwakooya nkuro, vana waotoṛe. 27Kake ise manya titavakangye vaute nsindaṛa kweru. Kyasia kwimboo enda kulya nruveń kwaolota-fo kiminya kya iwara makunga. Na ikunga lyo kubookaa ifiwara kuliimboo kulitaṛambue kana kayo, llyo kukooyaa-fo fesa imwi ya uuru. Iwara kuvaniingye ive kyaalo kyakwa na kyafo.
Айни замон обунашуда:
Matayo 17: RWK72
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.