Kisah Rasul-rasul 7
7
Si Stefanus i mahkelung un touna
1A si Walian Wangko' lumigaula wia si Stefanus, “Ulit an ipahtoké néra wia ni ko?”
2 #
Kej. 11:27, 17:14 A si Stefanus mingkotla, “Katuari-katuari wo sé ama', talingana! Im puuna, i si nimaopota Abraham mahento' witi tana' Mesopotamia, puunala sia i mahento' witi Haran, si Opo Empung si totoz im pahsigi'en wo pahloozen é nimapailekola un tou-Na wia ni sia, 3ang kumua, ‘Mondolomé im witu un tana'mu wo itula'uma sé katuarimu wo mangémo witi tana' u mangémokan ituzu'-Ku wia ni ko.’ 4Ni sia mondolé im witi Mesopotamia um pahwéha-wéhan né tou Kasdim, a mamento' witi Haran. I si ama'na nimatémoma, a sia iatuma ni Opo Empung méramé im witu a méyé wia un tana' kenu, um pahwéha-wéhan niou in tarékan. 5#Kej. 12:7, 13:15, 15:18, 17:8 Im witu si Abraham én zéi'kampé' winéhan ni Opo Empung un tana' zozo' i sana zangan uman i maéndo anuna. Taan si Opo Empung én timaaz i ni Sia é méhé un tana' itii wia si Abraham wo wia sé suzuna, zozo' in toro niitu si Abraham én zéi'kampé' siapa oki'. 6#Kej. 15:13-14 Si Opo Empung é nimuwu' in téntii wia ni sia, ‘Sé suzumu é mamento' witi tana' né tou walina in tou limepuh uman. Wo ni séra é maéndo ata wo mazézéhan né tou witi tana' itii epatna atusna ta'un. 7Taan sé tou mahata-ata ni séra én ukumeng-Ku. Tumondongla niitu, sé suzumu é mondolé im witu un tana' itii wo ni séra é marumagés wia ni Aku wia un tampa kenu.’ 8#Kej. 21:2-4, 25:26, 29:31–30:24, 35:16-18 A si Opo Empung méhéla an tinotoz tumoro u sunat wia si Abraham, un tumuzu'mé i si Abraham wo si Opo Empung ém wéwéhan um pinataazan. A si Abraham makaileké si lowai a ngaranannala Ishak, a sia sunatennala im witu un endo kawalu i méitoumé. Wo si Ishak nimakaoki'mé si Yakub, ni sia kasii é nimangun un téntu. Wo si Yakub kasii é nimakaoki'mé sé mapulu' wo zua sé nimaéndo nimaopota. Ni séra kangkasii é sinunat ni Yakub.
9 #
Kej. 37:1–50:14 Pahpaan sé nimaopota menéutéu si Yusuf si tuari nérakan, niitumo ni sia é méiwangkér nérama a maéndo ata witi tana' Mesir. Taan si Opo Empung é memali-mali kariana, 10wo nimilot ni sia wana péléng an zézéha. Si Opo Empung kangkasii én timambér ung kamang wia ni sia taka-takazan ni sia é makapaazen wo tulap im witu u sinaru ni Firaun, si kolano né Mesir. Niitumo, ni sia é niéndo ni Firaun ing kumawasa witi tana' Mesir wo kasii witi istanana.
11A méyé ung kaahreman wana péléng an tana' Mesir wo tana' Kanaan, taka-takazan sé tou én totoz i nimazéha. In toro niitu sé nimaopota én zéi'kan nimakaileké kakanen. 12Taan ing kinatalingaala ni Yakub im witi tana' Mesir ém wéwéhan gandum, sia nimatuma sé nimaopota i mangé wana. Niitu ung kataré-taré séra i nimangé witi Mesir. 13I ni séra nimangé ing kazua witi Mesir, si Yusuf é nimapata'u un touna wia sé totoz katuarina. Ang kata'uala ni Firaun ung katou-touan ni Yusuf im puuna. 14A si Yusuf matuma i mangémé si Yakub ama'na wo péléng sé katuarina i mamento' witi Mesir. Ung kalakez néra péléng ém pituna pulu' wo lima tou. 15A si Yakub mangé i mento' witi tana' Mesir. Si Yakub wo sé oki'na, sé nimaopota é nimaté witu. 16An zuhi néra é méiérama witi Sikhem, an ilewengla witu un tana' un tineles ni Abraham wia sé oki' ni Hemor witi Sikhem karia un zoit péra'.
17 #
Kel. 1:7–3:10
Ing kaleleznamo un oras um pinataazan ni Opo Empung karia ni Abraham i lekepen, sé tou Israel éng kalakeznamo im witi tana' Mesir. 18Ing kamurian, wéwéhan si kolano weru mahperénta witi Mesir, si zéi'kan mata'u si Yusuf. 19Si kolano itii é nimahtowo wo nimahzézéhamé sé nimaopota. Ni sia kasii é nimatu sé nimaopota in tumia' sé koki' néra sé taré nimatoumé wo séra maté.
20In toro niitumo, a matoumé si Musa wo ni sia én totoz wangun im witu um weren ni Opo Empung. Teluna loloho'en ung kauréna sia im piniara witi walé né tu'ana. 21Kumawusa niitu, ni sia é méitia' nérala taan, si raraha oki' ni Firaun é nimurutla ni sia, ni sia ém piniarana tanumokan oki'na in esa. 22Péléng ang kata'uan né tou Mesir é méituzu' wia ni sia. Ing kamurian, si Musa é nimaéndo tou tulap i mahnuwu' wo lintas i mahwangun am péléng.
23I si Musa epatna pulu' ta'uno, a méyé ung genangna im paaz mahilekan karia né katuarina sé tou Israel. 24In toro niitu si Musa é nimilek si tou Israel im pahzézéhan ni tou Mesir. A si tou Israel itii sawangannala karia i nimaéra i nimunu'ma si tou Mesir itii. 25Pahgenangela ni Musa, sé katuarina tou Israel é makatulap i si Opo Empung é nimatu ni sia i mamilot ni séra im wana an zézéha néra im witi Mesir. Taan um pahgenangennala itii én zéi'kan katulapan néra. 26Masandomé, sia milek kasiila sé tou Israel zua mahkoro'. A sia mahtututu' mangun ni séra zua i masungkulan, kuana, ‘É katuari! Kata'uangku ni kamu é mahtuari, kaa kamu mahkoro'?’
27Taan si tou si kimataréma i nimélwéla si kakariana itii én timundoma si Musa ang kuana, ‘Séi si timuzu' ni ko i maéndo tonaas wo menonotoz um pahkoro'an nai? 28Pahwuwunu'ennumo katu' aku tanu si tou Mesir winunu'mula ing kahwii?’ 29#Kel. 18:3-4 Kaitalingamé u méikuamé itii, si Musa tumingkasa a mamento' witi tana' Midian in tou limepuh uman. Im witu ni sia éng kimawéngla a makaoki'mé sé tuama zua.
30In epatna pulu' ta'uno si Musa i mahwitu-witu, wéwéhan si malaekat nimapaileké wia ni sia witi kapelasan witi kentur Sinai. Si malaekat itii é nimapaileké witu un unez un api u nimondolé witu un zukut menulah. 31Si Musa é mengusi-ngusingsing i nimileka niitu. I ni sia mahrétéma i mahiilek un zukut itii, talinganamé si Opo Empung i nimuwu'mé wia ni sia téntii, 32‘Ni Akumo si Opo Empung pa'émanen né nimaopomu, si Opo Empung pa'émanen ni Abraham, ni Ishak wo ni Yakub.’ In timalingamé u nuwu' itii, si Musa é mahgerger wo maindé'mo i milek witu.
33A si Opo Empung kumua kasiimé in téntii, ‘Wukala u sapatumu, pahpaan u rinendaiannu én tana' lenas. 34Uli-ulit pina'ilek-Kumo an zézéha né tou-Ku im witi tana' Mesir. Ni Aku kasii én timalingamo am pema'o-ma'os néra. Wo ni Aku kasii én timumpamomé i mémilot ni séra. Niitumo in tarékan, méyémo, ni Aku é matu ni ko i mawuri sumaup witi tana' Mesir.’
35Si Musa si im puuna méikasoo nérala karia ing kimua, ‘Séi si timuzu' ni ko i maéndo tonaas wo menonotoz um pahkoro'an nai?’ Taan ni siamo si méiatu ni Opo Empung i maéndo tonaas wo milot sé tou Israel. Ni sia méiatu ni Opo Empung mengiité si malaekat, i ni sia nimapailek wia si Musa witu un unez un api u nimondolé witu un zukut menulah. 36#Kel. 7:3, 14:21; Bil. 14:33 Ni siamo si nimahwalimé sé tou Israel nimondolé im witi Mesir, karia nimangunla a makakompo'en wo an zéi'mo kakuaan im witi Mesir, witi Tasik Rangdang wo kasii witi kapelasan in epatna pulu' ta'un.
37 #
Ul. 18:15, 18 Si Musa kenu kasii si kimua wia sé tou Israel in téntii, ‘Im wia sé tahsasana wanua niou é méyé si nabi tanu ni aku si iwéhé ni Opo Empung.’ 38#Kel. 20:18-21 I sé tou Israel witi tana' kapelasan, si Musa kenumo si mahwali-wali karia néra. Ni sia si mahkua wia sé nimaopota u Nuwu' ni Opo Empung u méikuamé né malaekat im witi Kentur Sinai. Ni sia kasii si nimakaileké u Nuwu' ni Opo Empung u mahwéhémé ung katou-touan in ipapaayo wia ni kita.
39Taan sé nimaopota é soo mahtali-talinga wia si Musa. Lumoustarémé niitu, ni sia éng kasoo néra wo im witu un até néra ém paaz uman taré i mawuri sumaup witi tana' Mesir. 40Sé nimaopota kasii éng kimua wia si Harun in téntii, ‘Iwanguné kai patong né opo-opo sé mahwali ni kai i mahlampang. Pahpaan, zéi'mo kata'uan nai u nimamuali wia si Musa si nimahwalimé ni kai nimondolé im witi tana' Mesir.’ 41A séra mangunla si patong si masuat wo si sapi oki'. Ni séra kumerizla sé tatamun an iragésla wia si patong itii. Ni séra mahpaa-paaz pahpaan um winangun néra. 42#Am. 5:25-27 A séra tamburiala ni Opo Empung wo méiwaya-Nala ni séra i mahragés wia sé tototi'en witi langit, tanu a méipantik wana ang kitap né nabi. Téntii u méipantik,
‘É tou Israel! I ni kamu nimahwiti-witimé kapelasan epatna pulu' ta'un, apa ni kamu é nimahkeri-kerizola sé tatamun wo nimahwéhé-wéhémola a raragés wia ni Aku?
43Ni kamu é nimahali uman taréma un ténda ni Molokh si pa'opoen niou, wo kasii si patong pa'opoen tototi'en makangaran Refan. Sé patong itii ém winangun niou im pahsigi'en niou. Pahpaano niitu ni kamu én itia'-Ku witi leweta, witi Babel.’
44 #
Kel. 25:40 Un ténda pahéyéan ni Opo Empung wia sé nimaopota ém pengangalin néra im witi kapelasan, tanu u méiperénta ni Opo Empung wia si Musa am wangunenala un ténda itii mengiit ung kékéréan u niilekna.
45Un Ténda itii é méiwéhéla wia sé nimaopota. Tumondong niitu, un Ténda itii é méiuntep néramé wia un tana' kenu, i si Yosua nimahwalimé ni séra i mékimahat un tana' kenu im wia sé tou walina. Sé tou walina itii é méiwoho ni Opo Empung witu u saru-sarun né nimaopota. Un Ténda itii é memia-mia makaz witu un oras ni kolano Daud. 46#2Sam. 7:2 Si Daud é nimangun si Opo Empung i mahpaa-paaz a sia mahaléi wo énéané i mangun um Walé pahwéha-wéhan ni Opo Empung si pahsigi'en ni Yakub nimaopota. 47#1Raj. 6:1-38 Taan si Salomo si nimangun um Walé ni Opo Empung.
48Taan, si Opo Empung si Totoz Rakék én zéi'kan mahwitu-witu um walé um winangun né tou, tanu u méikua ni nabi in téntii,
49 #
Yes. 66:1-2 ‘U langit é rurumezang-Ku ing Kolano,
wo ung kaayahan é léléékan un a'é-Ku.
Kura um walé mairendai niou in ento'ang-Ku?
Wo wisa um wangunan niou um pahkanaang-Ku?
50Zéi'kankuaa péléng niia ém winangun-Ku?’
51 #
Yes. 63:10 É kamu sé tampezéi' wo kimawal! Ni kamu sekezé é mahsaru si Roh Lenas masuat wo sé nimaopo niou. 52Amoké ikua nioué, im wia sé nabi, séi si zéi'kan zinézéhamé né nimaopo niou? Lumousé niitu, ni séra é nimunu' sé tou sé méiatumé ni Opo Empung sé mahwoka' tumoro si Tou Ulit i méyé. Si Tou Ulit itii é si tinowoan wo winunu' niou. 53Ni kamu é nimakaileko un ukum Torat u méikua né malaekat, taan niitu én zéi'kan pahkiiten niou.”
Si Stefanus im winunu'
54I sé tou méikauntep witu u Mahkamah Agama timalingamé niana péléng, ni séra én totoz maupi' makaz i mengete-ngetepokan.
55Taan si Stefanus si kinawasa ni Roh Lenas é limoho'ma witi langit an ilekennama ung kawangko'an ni Opo Empung, wo si Yesus si rimendai witu ung kakan ni Opo Empung. 56Ang kuana, “Ilekena! Ni aku é mahileka u langit nimawuka wo si Oki' ni Tou si rimendai witu ung kakan ni Opo Empung.”
57Tumalingamé niitu, sé tou witu é rengan i mengéré-ngérét karia i nimalotla a lunteng néra. Ni séra nimahwalima ing kimara'ma i matumion si Stefanus. 58Ni sia éng kinéhong néramé an iondolé im witi wanua tua'na am weriten néra karia am watu. Sé tou nimilek niitu é nimukala ang karai tonton néra an izeta'la witu u sinaru ni tarétumou makangaran Saulus.
59Karegas si Stefanus im pahweriten néra, ni sia mengaléi, “O Yesus, Mahpiaraku, sungkulené si rohku.” 60A sia kumuruzla karia i mahkérét, “O Mahpiara, tia'mo pahuukumen séra, pahpaan a singkéla' nimuali néra kenu!” Makakuala niitu a sia kalekepala.
Айни замон обунашуда:
Kisah Rasul-rasul 7: LAITOM
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in