Markusna Enjil 6
6
Bag. 6.
1Mandoton bolos tenna esheir tasum. Wide tenna hirani tekki tebaesan. 2Wide samteyaningad jamar ugudisum kurkidarki. Digrichi weri tekki gijrelirton ajibe wesan: „Sayerton in tekki tatirum, won in erigkon tekki tirtakkel? Wide ayachi duli tenna iged awtakkeli? 3In eleken najar termunu, Meryemna tod, Yagubkon wide Yusifkon wide Yahudagon wide Simangonna timbes? Wide tinisichi terminan indo argodon seknebuli?“ Tekked aaïrtakkisan. 4Yesu tirgi wetidirsum: „Nebi wekkon tenna esheir keremgi komnum, wala tenn awtindichin barer, wala tenna kar.“ 5Teddo aya wekkongi eskergi awkomnum, ter on tenna ichigi odili gelili werin dogor kujirsing anmenkin, wide gengirirsum. 6Wide ter ajibesum tinna imankiykanegi.
Wide tosum nejachi hawalendo darelir. 7Wide akurkidirsum. Wide diminde owingarigi uwedtaïr wide tirgi ow owir ishinarki ugudisum. Wide tirgi tidirsum gudragi newertichi nijisin dogor.
8Tirgi wetidirsum haja wekki darubna joro injimen dangi, wichir wekk anmenkin, la kal wekki, wala busug wekki, wala dugu wekki amajedin tur, 9korsigir taragachig anmenkin, wide kade owigi undurmendangi. 10Wide wetidirsum: „Iri torunna kar, teddo kewidwe, ter nejarton bellunbokon. 11Ter on neja wer irgi geblemenkin, wide irgi gijirtidirmenkin, boloswe teddoton. Wide inna osichina eskedti shondiwe, tindogochir shahadayaninna joro.“
12Belligi abeshiresan, tubew an. 13Wide shetan digri wekki ossan. Widegon odili digrichi werigi zetted komisrangad, genansan.
14Or Hirudus gijirsum mine Yesuna eri shehretakkisingi. Wide ter gijirsum awerangi: „Hana akidirel dielin barerton imbolossum an. Tekked teran in ayachi aawtakkiran.“ 15Echeli weri wesan: „Eliya term an.“ Wide echeli werigon wesan: „Nebichi duli kurselirton wer galigm an.“ 16Ama Hirudus gijressinna wattigi wesum: „In Hana teran, ai tenna urki mersinna tirti. Ter dielin barerton imbolossum.“
17Mine Hirudus tenna kidir Hanagi ishinewedta shartir unduros wide habsir luf undurkosum, Hirudya, timbes Filibusn enna joro, tekki engir tennewertir aringad. 18Mine Hana Hiruduski awetirsum: „Ekki hiletirmunum imbesn engi edar.“ 19Inin joro Hirudya jugbusum. Wide birigsum tekki berarki. Ama eskekomnum. 20Mine Hirudus Hanagi ahibesum. Iyirbugongessum id aley engi wide gadis engi. Inin joro tekki ahafadesum. Tekki gijred, digri wekki musulbungon, tekki gijrarki adolsum. 21Ama ugros sere Hirudyagi tatirsum. Hirudus tenn uskarna ugrosir azuma wekki tenna duligon wide tenna zabitigon, wide Jelilna samli malegongi awtidirsum. 22Hirudyana buru ta torgi wide bansum. In batti Hiruduskon tekkodon agiligongi guregrirsum. Wide or burfetagi wetirsum: „Er abirgin malegi aigi isig. Aigon ekki bitirrin.“ 23Wide jodtirsum ter isigin malegi bitirri an, anna mulkina bagattir junbokon. 24Ter belligi tinengi wetirsum: „Mingi orki den an wetirri?“ Tinen rude wetirsum: „Hana akidirilna urk an wetir.“ 25Tenna saayen shutte ornai torgi wide wetirsum: „Abirigrin aigi deningi gowan Hana akidirilna urki kisib werdogor.“ 26Or desen musulsum. Ama jodtigon wide agiligonna joro tenna weregi miridarki weriskomnum. 27Tenna wattin tur or siwidkol wekki ishin wetirsum: „Tenn urki meredtar an.“ 28Jurgi tenna urki habistur meros, kisib werdogor kujred injedta burfetagi soketirsum. Burugon tinengi ojjutirsum. 29Tenna hirani gijred targi tenna jitagi sok injejju te werro kuyirsan.
30Wide ishinbuli Yesunai jame targi tiri awsan malegi wetirsan. 31Ter wetidirsum: „Tawe ir male agudan agar hala werroy wide kinnekki welesewe.“ Mine ataligon wide ajuligon digrichi esan. Wala watti wekki elbukomnan kalen joro.
32Kubked nogsan agar hala wekkir agudan. 33Jemachi tir talossangi nalosir, wide tiddeton weri tir mando ajurangi iyiros, osiged medine malerton bod targi tirgi nog ta, tirgodon jamesan. 34Yesu belsinna wattigi jema digri wekki nalos tindogochir shefegesum. Mine egedi aïwilkiyichi galg esan. Ter ugudisum digri wekked tirgi kurkidirri an.
35Gu shareyaningad tenna hirani tekk abidi gedime jurgi wetirsan: „Agar halama. Wide wattigon nogsum. 36Ishinosir nejachigon wide medinechi anna hawalendo dalir, jurgi kal wekki tinnewertichir janw an, tinnai kallan dameningad.“ Ter rude wetidirsum: 37„Ir tidirwe kalw an.“ Tekki wetirsan: „Ar jurgi dinar imil owiged kalgi janedtarua, kalw an?“ 38Ter wetidirsum: „Tube mukkoti innai dan? Ju nalwe!“ Irosirgi wesan: „Dicchon wide kare owigon.“ 39Ter wide amreirsum malegi taya tayaged magise desen dogor agidirw an. 40Safi safan tegsan, imil imlan, wide hamsin hamsinan. 41Ter tube dicchon kare owigongi aredir, wide tenna misichigi simegir sokos wide barkos tubechigi birtos, tenna hiranigi tidirsum, jemagi tidirw an. Wide kare owigon jemagi bagijsum. 42Male kaled beressan. 43Widegon jamegirsan tomattichirton shibir diminde owigi, wide kare owirton. 44Tubechirton kaleligon eluf dijkiriy esan.
45Tenna saayen tenna hiranigi kubir tow ansum, essin jer Betsaidagir tenn owolgi arw an, jemagi talekidinbokon. 46Tirgi wediosirsinn aharro jebelgir kujsum, saliri an.
47Gun sharegodon kub essin selegi dursum. 48Wide Yesugon agudan abdogor esum. Ter nalirsum wawar kesedagiringi. Mine turug tirg abid esum. Fejriyegodon ter essin dogor tinnai tale targi birigsum tirgi nogarki. 49Tiri tekki essin dogor talebungi nalos tinnewertir wesan: „Sulum an.“ Wide wigsan. 50Tir male tekki nalos wide sarkossan. Tenna saayen tirgodon bain wetidirsum: „Dullanwe. Ai ter terrim. Wala sarkimenwe.“ 51Tirgodon kubir tosum. Turug wide kitossum. Tinnewertichir hire ajibesan desen digrigi. 52Mine tir tubechirton fehmekomnan, tinna achina dorokaneged.
53Essin jerki dured, Jenisaratna ardir bel tosan. 54Kubirton bolossann aharro zoli tenna saayen tekki iyirossan. 55Man medinechi malegi tufe, tinna odili malegi angarechin dogor injedtasan tiri tekki dan an gijirsann agarro. 56Ter atosinn agar maler odiligi tenn owollo jamegirka, sugir uskurosirka, Yesugi abeddisan, tenna, kadena ew agudegi kumiw an. Tekki kumel malegon genansum.
Айни замон обунашуда:
Markusna Enjil 6: XNZ1912
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Published by the British and Foreign Bible Society in 1912.