Markusna Enjil 4
4
Bag. 4.
1Wide essin garro owittiged ugudisum kurkidirri an. Tekk abidi jamesum jema digri wer. Wide Yesu kubir toros tegsum. Jema kamilgon abdogor tebsum. 2Ter akurkidirsum meteliged wide wetidirsum tenna kurkidarro:
3„Gijirwe: Torbar wer belsum, terigi mugiry an. 4Wide ter amugingon bagid wer digirsum darubdogor. Kawirtechi simerton targi detedsan. 5Wide bagid echel wer digirsum korordogor. Teddo esked digri wer dameningad kawite bersum aridna kutikaneged. 6Ama masil belingad jugur sowigrossum, kōikiy engad. 7Wide bagid echel wekkon kilisechin barer digirsum. Kilise berrigi gidosingad terigi oskomnum. 8Wide bagid echel wer arid serer digirsum. In kuj berrigi terigi attasum. Wer attasum talatingi, echel wekkon sitingi, wide echel wekkon imilgi.“ 9Wide wetidirsum: „Ulugki kol gijrarna joro, gijr agad.“
10Agudanosingad, tenna hawalendo dali diminde owingarigodon tekki isigsan metelin jihagi. 11Tirgi wetidirsum: „Irgi tirtakkisum artina mulkina sirigi iyirar. Ama zoli bochindichigodon haja male meteliged teran baintakkin, 12mine misikolan anallangon nalmendanna joro, wide ulugked agijirrangon fehmemendanna joro, mine tir on tube rejaekran tirgi tinna zenbichi gafretakkitidirmendanna jiradilo.“
13Wide wetidirsum: „Ir in metelgi ajyirmunu? Won minergi meteli kamilgi biyirirru? 14Aewril weregi aterin. 15Ingugon darubdogor dali teran: Tidder were ewirtakkisum. Ama gijredrangodon shetan tenna saayen taka were ewirtakkelgi akujosin tinn achirton. 16Wide ingugon tir teran agari korordichir ewirtakkeli: Ingu weregi gijirrangodon agebledran gurattiged. 17Ama tinnewertichir koigi komendangad akewidminan. Terin aharro dig wer binekin wala jomar wer, werena joro, tenna saayen adigirran. 18Wide echeligon kilisechina barer ewirtakkeli: Ingu weregi gijreli teran. 19Ama alamna hemichigon, wide tenna doshkanechigon, wide haja malena shehwagon, ingu torgi weregi goski akobedtirran. 20Wide aterikiyanin. Ingugon tir teran arid adello ewirtakkeli: Ingu weregi agijirran, wide agebleran, wide terigi aattaran, wer telatingi, echelgon sitingi, wide echelgon imilgi.“
21Wide wetidirsum: „Komsedigi attaka fukekrin togor aündurrana? Wala angarekrin togor? Won tudun dogor akujurmina? 22Mine bokibul wer damnum bizahremeningon, wala siri wer damnum biyirtakkimeningon. 23Zol wer on ulugki kokin gijrarna joro, gijr agad.“
24Wide wetidirsum: „Uruwe ir agijirrungi. Asedi ir tekked aasrunged irgi bastakkitidirin, widegon bizidetakkitidirin. 25Mine kolna tirtigi bitirtakkin. Ama komenilgon tennai dal bartakkin.“
26Wide wesum: „Artina mulkigon wide ini galgum: Zol wer terigi ariddogor amugsum. Wide nerka abichin uguged ugrosked. 27Wide terigon berka akeyin, ter iyirmeningon minergi. 28Mine arid tenna kidirton terigi aosin. Owolgi berka asigdanin, wide asornanin, widegon aïleyanin sornir. 29Ewitti karjoskingon, tenna wattir turbigi aïshinin, jorar bidangad.“
30Widegon wesum: „Min wekked artina mulkigi shebiherin, wala metel edi saïged metilerin? 31Hardelna libi wekked bimetilerin. Ardir tertakkoskin, terichina edi kinatod teran ariddogor dalirton. 32Man tertakkoskin, ter adulanin jowichi malegi noginbokon. Wide bakichi duligi aosin. Tenn enenun togorgon simen kawirtechi taka tinna ushichigi aawran.“
33Widegon meteli digrichi weriged ini nawite tirgodon abainsum tinna erigna mujibir. 34Wala metelkiyir tirgodon bainkomnum. Ama agudaninna wattigi tenna hiranigi haja malegi akussidirsum.
35Wide wetidirsum manin ugroski sharegir: „Argi essin jerkir wawosw anwe.“ 36Jemagi talekidos, wide tekki, kubir dabungon, ared, wawossan essin jerkir. Wide kubli kinatoni werigon tekki waw tebaesan. 37Turug mili wer imbel essigi agsingad, moji kubir tosan, kubki eyegirranbokon. 38Tekkon kubna hunir kade werdogor nerbusum. Tekki agsos wide wetirsan: „Wo arif, ekki ahememnu annā dabar?“ 39Ter wme bichos imbel turugkon essigongi nehreir wetidirsum: „Satte kude tebwe!“ Turug wide digrossum. Terin aharro essi kudar dul wekki kudesum. 40Wide wetidirsum: „Ir ma ikke asarkirun? Iman idder damnu?“ 41Sarke dul wekki sarkos ittiwrigi wetidirsan: „Ni terre in eleken? Turugkon wide essigon tekki atieran.“
Айни замон обунашуда:
Markusna Enjil 4: XNZ1912
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Published by the British and Foreign Bible Society in 1912.