Luka Enjil 8
8
Bag. 8.
1Manin eterdogor talin dajisum eshei nutir wide neja maler wazeka wide abeshiresum artina mulkiged. Tekkodongon diminde owingari dasan, 2ecchi werigon tekked genaneli newertichi milichirton wide odarirton: Meryem Majdaliyay an awerangon, newerti kolod teddoton turtakkisum. 3Wide Yuhanagon, Huza, Hirudusna wekiln en. Wide Suzanagon. Wide echeli digrichi werigon tekki ta hadmesan tinna duguged.
4Jema digri wer ta jamosingad, eshei malerton wide tekk abidi tarangad, metel wekked tirgodon bain wesum: 5„Torbar wer belsum, terigi tenna gur mugiry an. Ter terigi amugingon bagid wer terirton darubdogor digirsingodon fachitakkos kawirtechiged deti kaltakkossum. 6Wide bagid wekkon kulwin dogor digirsum. Bersingodon sowossum jawirkane dameningad. 7Bagid wekkon kilisen barer digirsum. Kilise tekkodon berrigi gidossum. 8Bagid wekkon arid adello digirsum. Berossin kello iwgi attasum, libi wer libi imilgi.“ Ingi werosirgi wide uwe wesum: „Ulugki kol gijrarna jiradilo, gijr agad.“
9Tenna hirani tekki isigirgi wesan: „In metel mine awen terre?“ 10Ter wetidirsum: „Irgi tirtakkibun artin mulkina sirigi iyirar. Ama echeligi meteliged, mine misikorangon nalmenw an, wide agijirrangon fehmemenw an. 11Metelgon ikke bun: Teri artin were teran. 12Darubdogor digrelgon zoli weregi gijreli teran. Wide Iblis taka adetedin tinna achirton, wereged amnos bolosranna sarkeged. 13Kulwin dogor digreligon zoli weregi gijred agureli teran shobbekki. Ama koigi komendangad jeribadna ugugi awidosran. 14Kilisen barer digrelgon weregi gijreli teran. Wide juka agidtakkosran ayarna marsigidted, wide tenna bereged, widegon tenna ingrikaneged. 15Ini jiradilo terigi akarijkidimnan. Arid adeldigon weregi agijrili teran, wide ahafadeli teran tinn achi serechir. Wide saburked terigi aosedtaran.“
16„Wala zol wer komsedi wekki ulos dadi wekked atagirmunum. Wala angare werna togor aüskurmunum. Ama tudun dogor akujrin, to taligi dawigi nalw an. 17Mine bokibul wer ta belmeningon bikewidmunum, wala uribul wer iyirarkiyir wide gijrarkiyir.“
18„Uru nalwe iri mine agijirrungi. Mine kolna tirtigi bitirtakkikanin. Komenilna tirtigon, ter aharyen todton tennaiton bidukitakkikanin.“
19Tennai tasan tinengon wide timbesigon. 20Tekki duredarki marossan jemaged. Tekki hisigi tir wesan: „Inengon imbesigon bochiged tebos abirigran ekki nalarki.“ 21Ter widegir wide wetidirsum: „Indigon ambesigon tir teran artina weregi gijirka tekked aawili.“
22Ugros werro tekkon tenna hiranigon kub werro toros wide wetidirsum: „Ar essin jerkir biwawrun.“ 23Wide wawossan. Tir wawburangon ter nerossum. Turug dulo wer essin dogor shuguringad, mojked kub essiged eyos, kidiri an dasum. 24Tiri talin targi tekki agsos wesan: „Wo arif, wo arif, ar adabrun.“ Ter wide imbelligi turugkon essi amugelgongi hedeiringad lehdayen owingari dimossan. 25Ter wide wetidirsum: „Inna iman se?“ Tir wide sarkos wesan tinna barer: „Ni terre in, turugki ahedel wide essigon? Tirgon agijirtirran.“
26Jedrichin esheir ta belsan. Tekkon Jelilna koirum. 27Bochir belingad id wer nejarton tekki abidisum. Teddergon newerti mili wer dabusum watti noso werroton. Wala kade wekkongi aündurkomnum. Wala ka werro agkomnum. Tenna tegarn agar techi ter esan. 28Yesugi nalos arwijirgi ungos hisi dul wekked wetirsum: „Aigon ekkonna barer min dan, wo Yesu, arti dogondina tod? Ai ennaiton awerisrin aigi mariskidimeningi.“ Mine 29Yesu awerissum newerti miligi zolloton turarki. Mine watti digri werroton tedder dabusum. Tekkon silsilechiged wide orechigedgon digbusum. Widegon harsebusum. Ama ter digittichi malegi anadijossum. Wide newerti miliged halagir aturtakkisum. 30Yesu tekki isig wetirsum: „Enn eri minde?“ Ter wesum: „Lejion eran.“ Mine tedder newertichi digrichi weri dabusanna joro. 31Wide Yesugi beddisan, tirgi techir ojjuirmen an.
32Mandogon hanzirna doh digri wer gunan dogor aïwsum. Newertichi tekki beddisan tidder tararki. Tekkon wetidirsum: „Juw an.“ 33Newertichi milichi zolloton belligi hanzirir torossan. Hanzirna doh wide essir jag toros gidtakkossum.
34Tirgi aïweli ta nogelgi uru nalos dosossan medinegir wide nejachigir, wetidirw an. 35Nejachir dali wide bel tasan, jeritakkelgi nalw an. Wide Yesunai targi elsan zol newertichi milichi teddoton belsanna tirtigi, kade wekki undured erigkolanos Yesuna osichinai agingon. 36Wide tiri sarkossan. Analeligon tirgi wetidirsan, mine doshki erigkattigirsingi. 37Jedrichin eshein idi Yesunaiton werissan tinnaiton talosingi. Mine sarke dul wer arediringad.
38Ter wide kubir toros widossum. Ama id, teddoton newertichi milichi bolossanna tirti, werissum tekkodon dararki. Ama Yesu ishinos wetirsum: 39„Enna kagir lefte jurgi wetidir saï kottekki arti ekked awsingi. Ter jurgi neja maler aüwewesum tekked Yesu awsingi.
40Yesu lefte bidangad jema tekki abidisum. 41Mine tir male tekki erjedagsan. Mani wattikollo ogij Yaïrus an aweran wer tasum. Tekkon jamana imam esum. Ter Yesuna osichinai digirrigi beddisum tenna kar torarki. 42Mine tennai burtod hilatodder dasum, jen dimind owikol wer. Tekkon diarro busum. Ter wide jubungon, jema tekki miressum.
43Widegon en wer, jen diminde owigi gew teddeton shugurbul wer, dasum. Tennai dal malegon bajkirossum, hakiminai afyadti elli an. Ama tiddeton wekkon tekki gengirkomnum. 44Yesun agabked targi tenna kadena ewgi kumisingodon tenna gew tebossum. 45Yesu wide wesum: „Ni wer aigi kumu?“ Malegon gubossan. Butruskon tekkodon daligon wesan: „Wo arif, jemachi ekki niska wide uredagran. Wide wena: Ni wer aigi kumum an?“ 46Yesu wide wesum: „Wer aigi kumisum. Mine ai iyirsim addeton gudra wer belsingi.“ En wide uru nalsum bokimensingi. 47Kerkeringon wide sarkingon tale targi ungossir wide gebila malen owollo malegi wetirsum, wide mine tenna lehdayen genansingi. 48Yesu tekki wetirsum: „Dullanu, wo anna buru. Enna iman ekki gengirsum. Enna darbir biju!“
49Ter abainingon jamana imamna karton wer targi wetirsum: „Mingir arifki amariskidin? Enna buru diossum.“ 50Yesu gijredirgi wetirsum: „Sarkimen. Ama amne. Tekkon bigenanin.“ 51Kar bidasin kello zol wekki tiddeton tor ankomnum, Butruskon Yagubkon wide Hanagon wide burfetan timbabkon tinengonna masir. 52Male burun dogor oika atorossan. Yesu wetidirsum: „Oimenwe. Ter dikomnum. Ter nerbun.“ 53Tiri tendogor aüsusan, diossingi iyirosirgi. 54Ter wide burugi tenna irton morogred uwe wesum: „Wo burfeta, imbel!“ 55Tennewerti tedder wide torosingad tenna lehdar imbelsum. Ter wide wetidirsum: „Kallan wekki tirw“ an. 56Tinen timbab ajibesan. Ter wetidirsum: „Id wekki ter awtakkelgi wetirmenwe.“
Айни замон обунашуда:
Luka Enjil 8: XNZ1912
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Published by the British and Foreign Bible Society in 1912.