WƖAA DƖ-SUOMUŊ 11
11
Babɛl dɩɩ-leŋiŋ
1Bumbuŋ-la dʋnɩa nɩaa kala faa bʋl yikoru-bala nɛ a kɛŋ nii-bala. 2Ba sii gɔllɔ lɩɩ wɩɩpɔsʋŋ dɩɩrɩŋ a kʋ na tintee-taala kʋbala sɩ hɛ Babɩlɔŋ tinteeŋ lɛ, a hɔŋ nɩmɛ.
3Ŋɩɩ nɛ ba bʋla pɩ dɔŋɔ, “Má leŋ dɩ la pɛɛsɛ tiebiee a nyɩgɛ dɩ ba kɛŋ doluŋ.” Ŋɩɩ nɛ ba pɛɛsɛ tiebie-la, a chɛ keliŋ ma ba sɩ jaŋ kaa saa. 4Ŋɩɩ nɛ ba bʋla pɩ dɔŋɔ, “Má leŋ dɩ la saa tabal arɩ dɩɩ-leŋiŋ sɩ jaŋ jɩla yi wɩa-nyuŋ a pɩ la tɩtɩa. Dɩ la nɛ ŋaa ŋɩɩ, la jaŋ laa yɩrɩŋ a pɩ la tɩtɩa a sɩ́ dɔŋɔ lɛ pɩsʋ, tinteeŋ lɛ.”
5Ŋɩɩ nɛ La TƖƖNA kʋ tuu dɩ ʋ na taŋ-la arɩ dɩɩ-leŋii-la nuhuobiinee sɩɩ saa. 6La TƖƖNA bʋl, “Dɩ nuhuobiine nɩɩ bʋl yikoru-bala, ba jaŋ wuo ŋaa wɩɩkala ba sɩɩ chɛ dɩ ba ŋaa. 7Leŋ dɩ La tuu kɛŋ ba yikoro vʋgʋmɛ dɩ ba bɩra sɩ́ dɔŋɔ wʋbʋlʋŋ nɩɩ.”
8Ŋɩɩ nɛ La TƖƖNA kɛŋ ba pɩsɛ lee-kala tinteeŋ lɛ, ba leŋ taŋ-la saanɩŋ. 9Ŋɩɩ nɛ tɩɩ ba fa yɩyɩrɛ taŋ-la Babɛl, bɛɛ wɩaa La TƖƖNA kɛŋ yikoro kala vʋgʋmɛ tinteeŋ lɛ nɛ. A lɩɩ nɩmɛ La TƖƖNA kɛmba pɩsɛ dʋnɩa kala lɛ.
A lɩɩ Sɛm doho a kaa mʋ Abɩram doho
10Sɛm doho nɩaa nɛ ŋ-la:
Lɩɩŋ fa sɩ dii tinteeŋ jɩsɩŋ balɩa harɩŋ, dɩ Sɛm fa ŋaa jɩsɩŋ zɔlɔ nɛ aŋ lʋl Afaza. 11Sɛm sɩ lʋl Afaza, ʋ hɛ ʋ mɩɩsɩŋ lɛ jɩsɩŋ zɔɔ-banɔŋ nɛ aŋ bɩra lʋl hambolibiisiŋ arɩ hantolibiisiŋ dɔnsʋŋ.
12Afaza sɩ ŋaa jɩsɩŋ mara arɩ fii arɩ banɔŋ, ʋ lʋl Sɛla. 13Afaza sɩ lʋl Sɛla, ʋ hɛ ʋ mɩɩsɩŋ lɛ jɩsɩŋ zɔɔ-banɛsɛ arɩ batori nɛ aŋ lʋl hambolibiisiŋ arɩ hantolibiisiŋ dɔnsʋŋ.
14Sɛla sɩ ŋaa jɩsɩŋ mara arɩ fii, ʋ lʋl Ɛbɛ. 15Sɛla sɩ lʋl Ɛbɛ, ʋ hɛ ʋ mɩɩsɩŋ lɛ jɩsɩŋ zɔɔ-banɛsɛ arɩ batori nɛ aŋ bɩra lʋl hambolibiisiŋ arɩ hantolibiisiŋ dɔnsʋŋ.
16Ɛbɛ sɩ ŋaa jɩsɩŋ mara arɩ fii arɩ banɛsɛ, ʋ lʋl Pɛlɛg. 17Ɛbɛ sɩ lʋl Pɛlɛg, ʋ hɛ ʋ mɩɩsɩŋ lɛ jɩsɩŋ zɔɔ-banɛsɛ arɩ mara arɩ fii nɛ, aŋ bɩra lʋl hambolibiisiŋ arɩ hantolibiisiŋ dɔnsʋŋ.
18Pɛlɛg sɩ ŋaa jɩsɩŋ mara arɩ fii, ʋ lʋl Rɛʋ. 19Pɛlɛg sɩ lʋl Rɛʋ, ʋ hɛ ʋ mɩɩsɩŋ lɛ jɩsɩŋ zɔɔ-balɩa arɩ nibi nɛ, aŋ bɩra lʋl hambolibiisiŋ arɩ hantolibiisiŋ dɔnsʋŋ.
20Rɛʋ sɩ ŋaa jɩsɩŋ mara arɩ fii arɩ balɩa, ʋ lʋl Sɛrʋg. 21Rɛʋ sɩ lʋl Sɛrʋg, ʋ hɛ ʋ mɩɩsɩŋ lɛ jɩsɩŋ zɔɔ-balɩa arɩ balɩpɛ nɛ, aŋ bɩra lʋl hambolibiisiŋ arɩ hantolibiisiŋ dɔnsʋŋ.
22Sɛrʋg sɩ ŋaa jɩsɩŋ mara arɩ fii, ʋ lʋl Nahɔ. 23Sɛrʋg sɩ lʋl Nahɔ, ʋ hɛ ʋ mɩɩsɩŋ lɛ jɩsɩŋ zɔɔ-balɩa nɛ, aŋ bɩra lʋl hambolibiisiŋ arɩ hantolibiisiŋ dɔnsʋŋ.
24Nahɔ sɩ ŋaa jɩsɩŋ mara arɩ nibi, ʋ lʋl Tɛra. 25Ʋ sɩ lʋl Tɛra, ʋ hɛ ʋ mɩɩsɩŋ lɛ jɩsɩŋ zɔlɔ arɩ fii arɩ nibi nɛ, aŋ lʋl hambolibiisiŋ arɩ hantolibiisiŋ dɔnsʋŋ.
26Tɛra sɩ ŋaa jɩsɩŋ mahɩŋ batori arɩ fii, ʋ lʋl Abɩram, Nahɔ arɩ Haraŋ.
27Tɛra doho nɩaa nɛ ŋ-la:
Tɛra nɛ lʋl Abɩram, Nahɔ arɩ Haraŋ. Haraŋ ma lʋl Lɔt. 28Ŋɩɩ nɛ Haraŋ sʋʋ ʋ nyɩmma Tɛra sɩɩŋ lɛ, taŋ-la ba sɩɩ yɩrɛ Uu lɛ. Ʋ hɛ Babɩlɔŋ tinteeŋ nɛ, lee-la lɛ ba sɩ lʋlʋ. 29Abɩram arɩ Nahɔ kala jaa haalaa. Abɩram haala yɩrɩŋ nɛ Saraɩ. Nahɔ ma haala yɩrɩŋ nɛ Mɩlɩka. Haraŋ toloo nɛ Mɩlɩka arɩ Ɩsɩka. 30Saraɩ fa ŋaa hapɩrɩ nɛ ʋ bɩ bii kala lʋla.
31Ŋɩɩ nɛ Tɛra kɛŋ ʋ nanʋala Abɩram arɩ ʋ nihiŋ Lɔt sɩ ŋaa Haraŋ nanʋala, arɩ ʋ bii-haala Saraɩ sɩ ŋaa Abɩram haala. Ba kala lɩɩ Uu sɩ hɛ Babɩlɔŋ tɩŋŋaa tinteeŋ a chaasɛ Kɛnaŋ tinteeŋ dɩɩrɩŋ a mʋmʋ. Ba sɩ yi taŋ-la ba sɩ yɩrɛ Haraŋ, ba hɔŋ nɩmɛ.
32Tɛra fa ŋaa jɩsɩŋ zɔɔ-balɩa arɩ banɔŋ nɛ aŋ sʋʋ Haraŋ tinteeŋ lɛ.
Айни замон обунашуда:
WƖAA DƖ-SUOMUŊ 11: SIS
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014