Luke 14
14
Chapter 14.
1WAIGIEN tlistleuon sabbath shantlanai ai Pharisee haade un ga itlagadasgai swon gia nai ai lthdanou un il hudsaiandlu, la ā tl lthotsagang-an.
2Waigien sti dunlthia alth nung stigan la hang-gu ijan.
3Waigien tuking-gogung-lēalung isgien Pharisee haade ā ishin Jesus gushouon, Sabbath shantlanai ai nung tl tla-ngīstlie gu lā? waigien hin il shouon.
4Waigien gum tl kīlang-an. Waigien la il isdaian gien la il tla-ngīstlaian, waigien la il kaidaian.
5Dalung swon gia geudanai isgien, mish-mūsh-gai ishin, untl hēla ai dlūīdsasdlu, gum gu hawīdan sabbath shantlanai ai sta la il dung-dlistang-ash? waigien hin tla il shudaian.
6Waigien gum tliku ashgai hang-ga tl shoulthing-e kang-gang-an.
7Waigien kēgung alth gia un tl ai-ang-an ga il kegang-an, tlistleuon tudsgwaugai aulthgahung-we tl isdas il kang-andlu-a; waigien hin tla il shudaian,
8Tlistleuon gū īnēl lagunung-ai un dung un nung ai-insdlu, gum tudsgwaugai aulthga-hung-we ing-gu tl kou-ang-ga; ging-an dung etsdlu, dung telg ming unyāgudung-a un il ai-ins gien,
9Waigien dalung un nung ai-ang-an katlas gien, Unis lth adlun kouda, hin dung il shudalthing-ā-gung; waigien ēdā dung-alth lth kyāgwau āgwī dung kou-ashang.
10Waigien tlistleuon dung un tl ai-insdlu lthkyāgwau āgwī tl kouga; tlistleuon dung un nung ai-ins katlasdlu, Di tō-wī, tudsgwau lth kou-i, hin dung il shudie una; wandlu dung alth ga lthdanūsgai wautliwon hang-gu dung unyāgudung-āashang.
11Sha ung nung edasdlu, hēt ga il ēlthses altha; waigien hēt ung nung edasdlu, shī ga il ēlthshang, hin tla il shudaian.
12Waigien la un nung ai-ang-an ishin hin il shudaian, Tlistleuon lthdanou un tla un dung ai-insdlu, tō-alung isgien, kwai-alung ishin, tō-alung yikī ishin, dung odō ga itlagada nāans ishin gum un tl ai-ing-ung-ga; ging-an dung etsdlu, gai ishin dung un ai-ing-ashang, waigien dung ga giashougēlthshang.
13Waigien tlistleuon tla un dung ai-insdlu, ga kong-ushgitaigasgai isgien, ga tlikiasgai ishin, ga kwolū kōdasgai ishin, ga hangkagas-gai ishin un tl tl ai-ing-ga.
14Waigien dung un lāashang; gum dung ga gin alth giashoulthing-e kang-gans altha; ga lasgai kotal sta kalthougadunsdlu, dung ga giashou-gāases altha, waigien hin la il shudaian.
15Waigien tlistleuon la alth ga lthdanouon-gai swon adshi gudang-andlu, Shanung-itlagadas gia kingdomgai gu nung lthdanūsdlu, yenkien la un lāashang, hin la il shudaian.
16Waigien hin la il shudaian, Awulth nung haada tou kwon tling-alang-an gien, tl kwon un il ai-ang-an;
17Waigien lthdanue waudlu ēlandlu, gītsadang il kil-kaidan, Ūtlāū, gin wautliwon ēlth-gīs altha, hin giā un il ai-ang-an il shudie una.
18Waigien tl wautliwon gut ging-an ga gwaugalan. Kwulthkotis lth dahgun, waigien lth keng-āgai lāgung; gum ā kogai gwī di edang-gung, hin nung swon il shudaian.
19Mishmūsh lthong-gwila-aia tlāalth lth dahūgun, waigien la lth isdagudung-a-ung-kashawong; gum ā kogai gwī di edang-gung, waigien hin ishin nung swon shouon.
20Lth jadanēlgun, althji alth gum ā lth kalthing-ang-gung, waigien hin ishin nung swon shouon.
21Waigien nung gītsadāgan katlagan gien; adshi ītlagīdang ga il shudaian. Waudlu nung nuh-lēgas kalthi-yilthdaian, Ilnagai keu-e kitadias ā lth hawun kāgwulth, waigien lth ga kong-ushgi-taigasgai isgien, ga tligiasgai ishin, ga hangkagasgai ishin, ga kwolū kōdasgai ishin althgwī isdi, waigien hin gītsādang il shudaian.
22Nung ītlagadas, tliku di dung shudagun ging-an lth waugun, waigien hawun tālāgung, waigien hin nung gītsadas shouon.
23Waigien nung itlagadas hin gītsādang shudaian, Keu ālthas isgien, kwulthkotajai ā ishin lth kagwultli, waigien anā ga tl isdie lth isdagudung-euon-ung, nai dīna stahgai una.
24Gia un lth lthaigun-gai swon-hun gum lthing-an giagun tou-e tā-ung-ashang dalung ga lth shūs altha, hin il shouon.
25Waigien tl shkūl-euon la alth ijan; waigien tla gwī il hung-āwon gien, hin tla il shudaian,
26Dī un nung katlas gien, gum aung-ung isgien ou-ung ishin, jā-ung ishin, gitalung ishin, kwai-alung ishin, jas-alung ishin telg il keng-uns gien, gum hēnung-gang telg ishin il keng-unsdlu, gum tliku giagun disciplegai il islthing-e kang-gang-gung.
27Gum gyang shkau-amagai nung isdans gien, gum di dlā ishin il kā-unsdlu, gum tliku giagun disciplegai il islthing-e kang-gang-gung.
28Dalung swon nuh jing tloulthie da gudunsdlu, gum gu il kou-tlagans gien, tlistleu ai gin hīlūases il kwai-indagung-ung-ūsh, waudlu dālē lang-a etgai un il ūnshidai una?
29Gum ging-an il wau-unsdlu, keusi il tloulthas gien, elthgīdie ā il dsigīasdlu, ga kensgai wautliwon la alth kilth-nang-īds gien,
30Anung īlthing-as nuh tloulthīēdun, waigien ēlthgīdie ā il dsigīigun, hin tl shugung-gung.
31Waigien nung king-ga nung king-ga kulat un ailthda-ungkasasdlu, gum gu il kous gien, soldier haade thousand tlāalth alth ga thousand tlāalē stung dung-alth la un nung katlas un ailthdie un il dugwīgai odō il kwūlthilth-tlagang-gung-ung-ūsh?
32Waigien gum un il dugwīansdlu, hawun la un nung ailthda-ung-kasas jīng-āgundān, la ā gushou il hundsūdas gien, gum la un il ailthda-ung-ai sing tlistleu gin ga il stalthie da la alth il kiānung-gung-gung.
33Althji althdalung swon gin il dāas wautliwon ga gum gwaugulthansdlu, gum tliku giagun disciplegai il islthing-e kang-gang-gung.
34Tung ū gin lā ijung; tung-ai tung-hōgie gūīlthsdlu tlou, gūsh alth ū gin tl tung-adāashang?
35Tligai un isgien, chin-hā un ishin gum lāung-gung; hing-an tl dang-gung-gung. Gin gudung-ai un nung geu-wos lth akwon gin il gudunda, hin tla il shudaian.
Айни замон обунашуда:
Luke 14: HAIDA
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
First published by the British and Foreign Bible Society 1891-1899.