Luke 13
13
Chapter Ohapter 13.
1GALILEE haade hawun gin tīiga dlāasa-gundān, gin tīigagai ai alth Pilate tl ai gu shu-wīt tla-ēlan waudlu gu tl ijan la ga alth gialthandai-an.
2Waigien hin hanglthang tla il shudaian, Galilee haade a gin isis andang-an alth gu Galilee haade wautliwon telg dāung-aiang dalung gudung-ūsh?
3Gāanū; gum gudung-ung dalung stīlth-dansdlu, wai ging-an dalung wautliwon gūashang dalung ga lth shugung.
4Siloam gu nuh jing ga tlāalth waugu stanshang-a gwī whōndsaian gien kōtulthgaian gu Jerusalem gu tl nāans wautliwon telg tl dāung-ai-ang dalung gudung-ūsh?
5Gāanū; gum gudung-ung dalung stīlth-dans-dlu, wai ging-an dalung wautliwon gūashang dalung ga lth shugung, hin tla il shudaian.
6Waigien adshi kēgang-ai alth il kēgang-an; Nung īlthing-a gia vine-lthkai kwulthkotajai ā fig lthkai lthkajāwon; waigien ān gut kougai il keng-atlagau gien, da il di-inch-gaian.
7Gwokeng, tuda lthōnulth gut adshi fig lthkaigai gut ān kougai da lth keng-tlagung-gung, waigien da lth dī-inch-gagung-gung; la lth shkika; gushintlou adshi kōie ishin ging-gang-an gougā-gung? waigien hin vine lthkai duman kang-lē il shudaian.
8Waigien hin hanglthang la il shudaian, Nung ītlagadas, kwai lth housen kenēt swon-shung wau gu isda, waigieu la odōsi lth lthais gien, lth chinhādāashang;
9Waigien waudla ān la gut īnastlas gien, lāashang; gum la gut īnastlansdlu tlou, la dung shkikāasliang, hin hanglthang il shouon.
10Waigien sabbath shantlanai ai synagogue-nagai tī-swon ā gin tla il shkotadaian.
11Waigien nung jada tuda tlāalth waugu stan-shang-a hants alth stigan gn ijan; waigien il iskup-jāwon gien, gum tliku agung il yāda-lthing-e kang-gang-an.
12Waigien tlistleuon Jesus il kang-andlu, la un il ai-ang-an, Nung jadas, stigai sta ung-a dung kogun-gung, waigien hin la il shudaian.
13Waigien la ing-gu stlang il isdaian, waigien hawīdan il yāgalan, waigien Shanung-itlagadas ā il kil-lāgan.
14Waigien Jesus sabbath shantlanai ai nung tl-ligalan alth synagogue-nagai un nung ītlagadas kalthi-yilthdaian, waigien hin ga shkūlasgai il shudaian, Tl haada gut lthong-gwilie un shin tlū-unilth ijung; althji alth althsgai shantlanai gut dalung ligulai un adlun dalung istlagai lagung, sabbath shantlanai tlou gum un lāung-gung, hin tla il shudaian.
15Waigien Shalana hin hanglthang il shudaian, Dalung gudung-ai stuns, gum gu dalung wautliwon hun sabbath shantlanai ai mishmūsh isgien, gīūdan ishin gyagu keu-giāang-as sta ai ung-a dalung tlā-ads gien, gyagu hūtlāases ā dalung al-istalgnng-ung-ūsh?
16Waigien gum gu anung jadas, Abraham gūjang-a isis, Satan tuda tlāalth waugu stan-shang-a kēchguwaudaian, sabbath shantlanai ai ai otadai lāung-ush? hin il shouon.
17Waigien hin il shūgundān, la hanltha ga edan-gai wautliwon ēdastlaian; waigien gin unyāgudung-a wautliwon il isdaian alth ga shkūlasgai wautliwon tlika gwūlāgan.
18Waigien hin il shouon, Gūsh ging-an ū Shanung-itlagadas gia kingdomgai ēdung? waigien gūshgū lth kha-āashang?
19Mustard malthe skā-swonshung nung haada isdaian, tōkanai ā ung-a il tldsaian ging-an ū ēdung; waigien īnastlaian gien, gin lthkai isēlan; waigien siet hetit isis tlats ing-gut naang-gang-an, hin il shouon.
20Waigien hin housen il shouon, Gūshgū Shanung-itlagadas gia kingdomgai lth kha-āashang?
21Nung jada tlukulthdou isdaian gien, shibli kwīda lthōnulth ā il salan gien, ū tlu-kulth-ōdsūe keu wau ā ijan ging-an ū ēdung, hin il shouon.
22Waigien lana isgien, lana ḵutila ishin kalthgut il kāgan gien, gin tla il shkotadagang-an, waigien Jerusalem gwī ga il kāgang-an.
23Shalana, ga kogunsgai gu gū-kutsū? waigien hin la nung shudaian. Waigien hin tla il shudaian,
24Keu tumdala ai isdsie lth isdagudung-euon-ū; tl kwon ū ai isdsie da guduns gien, wau odō eshgāashang dalung ga lth shus altha.
25Tlistleuon nung nuh-lēgas giāas gien, keu-e wau ung-a il da-ashgutgīsdlu, kyāgūst dalung tljūgiang-īds gien, keu-e dalung shkwū-dagas gien, Shalana, itil keu sta lth wau sta da-astli, hin dalung shū-ash-ang; Gum dalung un di ūnshidans gien, tlīgīst dalung is hunisuu gum un di ūnshidang gung, waigien hin hang-lthang dalung il shudāashang;
26Dung hang-gu talung lthdanūgun, waigien keu kitadias ā ishin gin itil dung shkotadagīni, hin itan dalung shū-īdshang;
27Gum dalung un di unshidang-gung, tlījī sta dalung isis ishin gum un di ūnshidang-ung dalung ga lth shugung; di sta lth issū, gin dāung-a isdalēalung dalung isis wautliwon-a, waigien hin il shuashang.
28Gaigu tl saigas gien ishin tsing-ung tl kōkou-nanung-ashang, thistleuon Abraham isgien, Isaac ishin, Jacob ishin, ga prophetgas-gai wautliwon ishin, Shanung-itlagadas gia kingdomgai gu isis gien, dalung tl kyā ga dang-gas dalung kensdlu-a.
29Waigien hēōgūst isgien, jāgūst ishin, ḵāūsta ishin, ousik yā sta ishin, tl istlas gien, Shanung-itlagadas gia kingdomgai gu tl tlō-wong-ashang.
30Waigien ōtgwau āgwī ga isisgai īlthi kwūniāashang, waigien ga kūniasgai īlthi ishin ōtgwau āgwi isisang, waigien hin tla il shudaian.
31Waudlu Pharisee haade īlthi istlagan, Kāgwalth ang-a lth kaid, Herod dung tīie da guduns altha, waigien hin la tl shudaian.
32Waigien hin tla il shudaian, Istīidū ang-a lth hin nuḵudsigai shudu, Aiat isgien adalth ishin hants dāung-as kyā ga lth dang-wos gien, ishin tla lth tla-ngīstlā-ashang, waigien shin lthonulthsdlu di elthgīishang.
33Waikian aiat isgien, adalth ishin, adalth dāalist ishin keu-e gut ung-a lth kogai lāgung; gum tliku Jerusalem kyāgust nung prophetga goulthing-e kang-gans altha.
34Jerusalem, Jerusalem, ga prophetgasgai dung tldas gien, dung ā ga kil-itsgas-gai ishin kwau alth dung kunlthūgung-gung! gīshīdlu shkou jada gitalung hyang hetgwī gudā isda-guns ging-an dalung gitalung gudā lth isda-lthing-āgun, waigien ga dalung gwou-gun!
35Dalung gia nai hīlūgung; Shalana kyē ā nung katlas ū lāgung, hin dalung shougai keu, gum di dalung keng-ung-ashang dalung ga lth shugung, waigien hin tla il shudaian.
Айни замон обунашуда:
Luke 13: HAIDA
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
First published by the British and Foreign Bible Society 1891-1899.