John 8
8
1Jesu ahileh Olive Vum ah a pai hi. 2 Ni suah tungin amah biakinnpi tualah a kilang kik hi. Mi khempeuh a kimah kikhawm uh a, amaute thuhilh dingin a tu hi. 3 Thukham siate le Pharisee-te in angkawm kimlai a mat uh numei khat a va puak uh hi. Amaute in mihonpite mai-ah amah dingsak uh a, 4 Jesu kiangah, "Sia aw, hih numei a angkawm laitaka kiman ahi hi. 5 Thukham sungah Moses in tua bang numeite suanga den dingin thu a pia hi. Tu-in nang bang na gen ding hiam?" a ci uh hi. 6 Amah mawhmat theih nadingin hih dotna tawh a thangsiah uh hi.
Ahi hangin Jesu kunsuka, a khutme in leilak a gelh hi. 7 Amaute in a dot cinten uh ciangin Jesu tutang toin amaute kiangah, "Note lakah mawh nei lo khatpeuh a om leh tuapa in amah suangin deng masa hen," a ci hi. 8 Amah kunsuk kik-a leilak a gelh hi.#Tp 17:7; Ro 2:1,22
9 Tua laitakin hih thu a zate a tek pente masa in khatkhatin paikhia uh a, Jesu le a kianga ding numei bek a om lai hi. 10 Jesu tutang to kik-a, "Numei aw, amaute koi-ah om uh hiam? Kuamah in hong mawhpaih lo hiam?" ci-in a dong hi.
11 Numei in, "Kuamah in hong mawh paih kei, sia aw," a ci hi.
Jesu in, "Ken zong kong mawhpaih kei hi, tu-in pai inla, mawhna tawh na nuntakna pen na nusia in," ci-in a thuhilh hi.#Jn 3:17
A Santhamcing Jesu Tecipanna
12 Jesu in mihonpi tungah thu a gen khit ciangin, "Keimah leitung khuavak ka hi hi. Kei hong zui peuhpeuh khuamial lakah pai loin nuntakna khuavak a nei ding hi," a ci hi.#Pn 4:18; Jn 6:35
13 Pharisee-te in, "Hih thu ah nangma thu nangmah in teci na kipang hi. Na teci panna a kip kei hi," ci-in a to uh hi.#Jn 5:31,32
14 Jesu in, "Keima thu keimah in teci ka pang zongin ka teci panna a kip hi. Ahang in, koi panin hong pai, koi lamah pai ding cih ka kithei hi. Ahi hangin note in kei, koi pana hong pai, koi-ah pai ding cih neukha zong na thei beek kei uh hi. 15 Note in mihing thukhen bangin na khen uh a, ken kuama tungah thu ka khen kei hi. 16 Ahi hangin ken thu ka khen leh kei guak-a khen hi lo ka hi manin ka thukhenna amaan hi. Kei hong sawlpa, Pa tawh ka ding khawm hi. 17 Note neih thukham sungah, ‘Mi nih in teci a pan nak leh kip hi,’ ci-in kigelh hi. 18 Keima thu kei le kei teci ka kipanga, ka teci dang khat, ka Pa kei hong sawlpa ahi hi," ci-in a dawng hi.#Jn 13:3
19 Tua ciangin amaute in, "Na Pa koi-ah om hiam?" ci-in a dong uh hi.#Jn 16:3
Jesu in, "Note in kei ka hi-a, ka Pa ahi zongin na thei kei uh hi. Kei hong thei le uh cin, ka Pa zong na thei ding uh hi," ci-in a dawng hi. 20 Hih thute biakinnpi huang sung, biakna-a kipia nate koihna munah, a hilh lai-a a gen ahi hi. Ama hun tung nai lo ahi manin kuamah in a man kei hi.#Jn 2:23
21 Jesu in khat vei genbeh lai-a, "Kei ka paikhiamang dinga, nong zong ding uh hi; note na mawhnate uh sungah na si ding uh hi. Ka paina ah nong pai thei kei ding uh hi," a ci hi.#Ezr 3:18
22 Hih thu a gen ciangin Jew-te in, "Amah le amah kithat ding hi ding hiam? Bang dinga, ‘Ka paina munah nong pai thei kei ding uh hi ci hi ding hiam?" ci-in a kidong uh hi.
23 Jesu in a thugen ban zom lai-a, "Note nuai lam pan na hi uh a, kei, tung lam pan ka hi hi. Note hih leitung pana, na hi uh a kei, hih leitung pan ka hi kei hi. 24 Na mawhnate uh sungah na si ding uh hi, kong ci hi. Keimah tua ka cih pa a#8.24 Ahikeh kei amah tg. 28 ah zong ka hi cih na up kei uh leh na mawhnate uh sungah na si takpi ding uh hi," a ci hi.#Jn 3:31-33
25 Amaute in, "Nang kua na hi hiam?" ci-in a dong uh hi.
Jesu in, "Kong kipulak tawntung sa bang ka hi hi. 26 Note tungah thukhena gen ding tampi ka nei hi. Ahi hangin kei hong sawlpa muantham ahi manin ama tung pana ka zakte leitung buppi ka hilh hi," ci-in a dawng hi.#Jn 7:28
27 A Pa thu a gen ahilam amaute in a phawk thei kei uh hi. 28 Tua ciangin Jesu in, "Mihing Tapa na khaitoh khit uh ciangin kei a tua ci ding mah ka hilam nong thei ding uh hi. Pa in kei hong hilh teng bek ka gena, kei thu-in bangmah ka sep loh lam zong na thei ding uh hi. 29 Ama lungkimna bek sem ka hi manin, kei hong sawlpa kei tawh omkhawma, kei guak hong nusia kei hi," a ci hi. 30 Amah a pau laitak nangawnin mi tampi in amah a um uh hi.#Jn 7:31; 12:32
Abraham Tate
31 Jesu in amah a um Jew-te kiangah, "Ka hilhna na let uh leh ka nungzuite taktak na hi uh hi. 32 Tua ciangin thutak na thei ding uh a, tua thutak in note hong suaktasak ding hi," a ci hi.#2Jn 9
33 Amaute in, "Kote Abraham suante b#8.33 Greek ah ci; tg.37 ah zong ka hi uh a, kuama sila ka suak ngei kei uh hi. Bangci a hong kisuaktasak ding ci thei na hi hiam?" ci-in amah a dong uh hi.#Lk 3:8
34 Jesu in, "Thutak kong geninah, mawhna a bawl peuhmah mawhna sila ahi hi. 35 Silate in, innkuan sungah munkip a nei kei hi. Ahi hangin tapa in a tawntungin innkuan sung mi ahi hi. 36 Tua ahi ciangin Tapa in note hong suaktasak leh na suakta taktak ding uh hi. 37 Note Abraham suan na hi uh kong thei hi. Ahi zongin ka thu note sungah tasak zo lo na hi manun kei hong that dingin na kiging khin zo uh hi. 38 Pa omna muna ka muhsate no tungah kong gen hi. Note in na pa c#8.38 Ahikeh omna.Tua ahi manin Pa pana na zaksate uh hih un uh tung pana na zakte uh na hih uh hi," a ci hi.#Jn 5:19,30; Ro 6:16
39 Amaute in, "Ka pa uh Abraham ahi hi," ci-in a dawng uh hi.
Jesu in, "Note Abraham tate hi le uh cin d#8.39 Khutgelh masa pawlkhatah, tua ciangin Jesu in,’ Note Abraham tate’ na hi uh leh Abraham septe na sem ding uh hi. 40 Tua bang ahileh Pasian tung pana ka zaksa thumaan a gen pa kei, thah nong sawm zel uh hi. Abraham in tua bangte a hih kei hi. 41 Na pa uh hih bangin note in na hih uh hi," a ci hi.
Amaute in, "Kote zawlta ka hi kei uh hi. Pa khat bek ka neih uh, Pasian mahmah ahi hi," ci-in a sel uh hi.#Isa 63:16
Dawimangpa Tate
42 Jesu in amaute kiangah, "Na Pa uh Pasian ahileh note in kei nong it ding uh hi. Ahang in, kei Pasian kiang pana hong pai ka hi-a, tu-in hiah ka om hi. Keima thu-a hong pai hi loin hong sawlpa thu-a hong pai ka hi hi. 43 Bang hang ka thu gen thei siang lo na hi uh hiam? Ka thu gen na za thei kei uh hi. 44 Note, na pa uh dawimangpa suan na hi uh hi. Tua ahi manin na pa uh deihna na tangtungsak nuam uh hi. Amah a cil panin tualthatpa hi-a, ama sungah thutak om lo ahi manin thutak a len kei hi. Amah zuau thei-a, zuauphuakte pa ahi manin zuau a gen ciangin ama pianpih pau-a pau ahi hi. 45 Ahi zongin thutak kong gen manin kei nong um kei uh hi! 46 Note khatpeuh in ka mawhna nong man thei uh hiam? Ken thutak hong gen ka hileh bang dinga kei hong um lo na hi uh hiam? 47 Pasian aa ahite in Pasian gente a za hi. Pasian aa hi lo na hi manun na za thei kei uh hi," a ci hi.#1Jn 5:1
Jesu Amah le Amah a Kicihna
48 Jew-te in, "Nang, Samaria mi hi in, dawi lut hi, kong cih uh maan lo ka hi uh hiam?" ci-in a dawng uh hi.
49 Jesu in, "Kei sungah dawi a lut kei hi. Ahi hangin ken ka Pa ka pahtawi-a, no kei nong pahtawi kei uh hi. 50 Ken keima minthanna ka zong kei hi; ahi hangin a zong khat om-a, amah thukhenpa ahi hi. 51 Thutak kong geninah ka thu a zui mi in sihna a mu ngei kei ding hi," a ci hi.#Jn 5:41; 11:26
52 Jew-te in hih thu a zak uh ciangin, "Dawi lut na hilam tu-in ka thei ta uh hi! Abraham si-a tua mah bangin kamsangte zong a si uh hi. Tua hi napi mi khatpeuh in na thu a zuih leh sihna ciam kha lo ding, na ci hi. 53 Ka pa uh Abraham sangin lianzaw na hi hiam? Amah si-a tua mah bangin kamsangte zong a si uh hi. Nang kua-a kingaihsun na hi hiam?" a ci uh hi.#Mk 3:22
54 Jesu in, "Kei le kei ka kiminthansak leh ka minthanna a mawkna a suak hi. Ka Pasian uh hi, na cih uh ka Pa in kei hong pahtawipa ahi hi. 55 Note in amah na theih loh uh hangin ken amah ka thei hi. Amah ka thei kei hi, ci leng note mah bangin zuauphuak ka hi ding hi. Ahi hangin amah ka thei-a a thu ka zui hi. 56 Na pa uh Abraham in ka ni a muh ding a ngaihsut ciangin a nuam hi; a mu a, a lungdam hi," a ci hi.#Jn 16:14
57 Jew-te in, "Kum sawmnga zong upa nai lo napi, Abraham maw na muh tazen!" a ci uh hi.
58 Jesu in, "Thutak kong geninah, Abraham suah ma-in kei ka om hi!" a ci hi. 59 Hih thu a gen a zak uh ciangin amah a den nading uh suang a tawm uh hi. Ahi hangin Jesu bu-a biakinnpi tual panin a kihemkhia hi.
Айни замон обунашуда:
John 8: ZIV
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Copyright 1994 Myanmar Center for World Mission