John 7
7
Biakbuk Pawi ah Jesu Pai
1Hih teng khit ciangin Jew-te in Jesu thah sawmin tua munah a ngak uh ciangin Judea pan kihemkhia-in Galilee kim tengah a vak kawikawi hi. 2 Ahi hangin Jew-te Biakbuk Pawi hun nai ta a, 3 Jesu sanggamte in, "Na nungzuite in nalamdang na bawlte a muh theih nadingun hih mun nusia in Judea ah na pai ding kilawm hi. 4 Tangpi theih tham mi a hi nuam peuhmah in a simthamin na a sem ngei kei hi. Hih nate hih na hi nungsang, leitung mite mai-ah kilakkhia in,"a ci uh hi. 5 Ahang in, ama sanggamte nangawn in amah a um kei uh hi.
6 Tua ahi ciangin Jesu in amaute kiangah, "Kei ading hun hoih a tung nai kei hi. No adingin hun khempeuh a hun ahi hi. 7 Leitung in no hong mudah thei kei ding hi. Ahi hangin a gamtat hoih lote lakkhia ka hi manin kei hong mudah hi. 8 Tua Pawi va sim un. Kei hun tung nai lo ahi ciangin tua Pawi simin ka pai nai a#7.8 Khutgelh masa pawlkhat ah nai cih om lo hi kei ding hi," a ci hi. 9 Hihte a gen khit ciangin Galilee ah a taam lai hi.
10 Ahi zongin a sanggamte in pawi sim dinga a paisan khit uh ciangin mipite theih lohin amah zong va paisim hi. 11 Pawi bawlna phualah Jew-te in amah kan uh a, "Tua mipa koi-ah om hiam?" ci-in a dong uh hi.#Jn 11:56
12 Mihonpite lakah ama thu kihuausim uh a, a kizel thang hi. Pawlkhatte in, "Amah mi hoih hi," a ci uh hi.
Adangte in, "Hi kei, amah’n mite a khem hi," a ci uh hi. 13 Ahi hangin Jew-te kihtakna hangin ama thu kuamah in mipi zakin a genkhia kei uh hi.
Pawi ah Jesu in Thu Hilh
14 Pawi bawlna alang bang a kiman ciangin biakinnpi tualah Jesu paito in thuhilh a kipan hi. 15 Jew-te in lamdang sa in, "Hih mipa in sinna nei lo napi hih bang theihna sang koi pan ngah hi ding hiam?" ci-in a kidong uh hi.#Mt 13:54
16 Jesu in, "Ka thuhilhte kei aa ahi kei hi. Hong sawlpa kiang pana hong pai ahi hi. 17 Mi khatpeuh in Pasian deihna hih ding a teel leh, ka thuhilhna Pasian pan hiam, ahikeh keima thu a gen ka hi hiam, cih a mukhia ding hi. 18 Amah leh amah-a thugen peuhmah in ama minphat nading zongin a gen hi. Ahi hangin amah a sawlpa min phat nading thu gen pa ahileh mi thutak hi a, ama thu ah zuauthu bangmah a om kei hi. 19 Moses in note thukham hong pia zo hi lo ahi hiam? Hi napi note khat beek in thukham na zui kei uh hi. Bang hangin kei thah hong sawm na hi uh hiam?" a ci hi.#Jn 14:24
20 Mihonte in, "Nang dawi lut na hi hi; kua in nang thah hong sawm ahi hiam?" ci-in a dawng uh hi.
21 Jesu in amaute kiangah, "Nalamdang khat ka bawl-a, na vekun lamdang na sa uh hi. 22 Ahi zongin Moses in vun-at ding thu hong piak manin (A taktakin Moses pana hong kipia hi loin pupite pan peka hong kipia hizaw hi.) Sabbath ni-in nau-pangte vun na atsak uh hi. 23 Sabbath ni-a naupangte vun-at in Moses thukham palsat lo ahileh bang hangin Sabbath ni-a mi ka damsiangsak ciangin ka tungah heh na hi uh hiam? 24 A pualam-a kilangkhia bek enin thu na khen kei unla, amaantakin thu na khen un," a ci hi.
Jesu, Christ Ahi Hiam?
25 Tua laitakin Jerusalem mite pawl khat, thu dot ding kipan uh a, "Amaute in thah a sawm uh hih pa hi lo hiam? 26 Amah hiah om a, tangpi zakin thu gen napi, amaute in kam khat beek a ci ngam kei uh hi. Thunei vaihawmte in amah Christ b#7.26 Ahikeh Messiah; tg. 27, 31, 41 le 42 ah zong taktak hi, ci ta uh hi inteh maw? 27 Ahi hangin hih mipa koi pan hong pai cih i thei hi. Christ hong pai ciangin amah koi pana hong pai cih kuamah in a thei kei ding hi," a ci uh hi.
28 Tua hun Jesu in biakinnpi tual ah thu a hilh laitak hi-a, "Himah hi, kei nong thei uh hi. Koi pana hong pai cih zong nong thei uh hi. Kei thu-a hih lai-a om ka hi kei hi. Ahi hangin kei hong sawlpa a thumaan hi. Note in amah na thei kei uh hi. 29 Ahi hangin kei, ama kiang pan ka hi-a, amah in kei hong sawl ahi manin, amah ka thei hi," ci-in a kikokhia hi.#Mt 11:27; Jn 8:14
30 Amaute in hih thu ah mat a sawm uh hi. Ahi hangin a hun tung nai lo ahi manin kuamah in ama tungah khut a nga kei hi. 31 Tua hi napi mipite lakah tampi in amah a um lai uh hi. Amaute in, "Christ hong pai ciangin hih mipa bawl sangin lim lamdang zaw a bawl ding hiam?" a kici uh hi.#Jn 10:39
32 Ama thu tua banga mipite a kihuau sim uh Pharisee-te in a za uh hi. Tua ciangin siampi makaite le Pharisee-te in amah man dingin biakinnpi cingte a sawl uh hi.
33 Jesu in, "Note tawh hun tawm no sung bek ka om a, tua khit ciangin kei hong sawlpa kiangah ka pai ding hi. 34 Kei nong zong ding uh a, ahi hangin nong mu kei ding uh hi; ka omna ah nong pai thei kei ding uh hi," a ci hi.#Jn 12:35
35 Jew-te in, "Hih pa i muh theih lohna mun koi lai-ah pai sawm hiam? Greek-te laka kithehthang i mipihte lakah pai-in Greek-te hoh hilh ding ahi tam? 36 ‘Kei nong zong ding uh a, ahi hangin nong mu kei ding uh hi; ka omna ah nong pai thei kei ding uh hi,’ a cih ciangin bang a cihnopna hi ding hiam?" a kici uh hi.
37 Pawi, a ni nunungpen le a thupi pen ni-in Jesu dinga, "A dangtak mi khatpeuh a om leh kei kiangah hong pai-in dawn ta hen. 38 Laisiangtho gensa bangin, kei hong um mi peuhmah a#7.38 Ahikeh mi khat adang a tak leh / ka kiangah hong paisak un / amah dawnsak un / kei hong umte sung pan a nungta tui lui-in a luang ding hi," ci-in nakpi-in a kiko hi. 39 Hih in amah a umte in a nung ciangin a ngah ding uh Kha a genna ahi hi. Jesu kipahtawi nai lo ahi manin tua hun dong Kha a kipia nai kei hi.#Isa 55:1; Joel 2:28; Jn 13:31,32
40 Ama thute a zak uh ciangin mi kimkhat in, "Hih pa tua Kamsangpa hi takpi hi," a ci uh hi.
41 Adangte in, "Amah Christ ahi hi," a ci uh hi.
Adang pawlkhatte leuleu in, "Bang ci-a, Galilee pan Christ hong pai thei ding hiam? 42 ‘Christ pen David innkuan b#7.42 Greek ah ci pan le David tenna khuapi Bethlehem pan hong pai ding hi,’ ci-in Laisiangtho in gen hi lo ahi hiam?" a ci uh hi. 43 Tua bangin Jesu hangin mihonpite a kikhen uh hi. 44 Pawlkhatte in amah a mat nop uh hangin ama tungah kuamah in khut a nga kei hi.
Jew Makaite Uplohna
45 A tawpna ah, siampi makaite le Pharisee-te kiangah biakinnpi cingte ciah kik uh a, "Bang hangin amah hong paipih lo na hi uh hiam?" ci-in amaute in a dong uh hi.
46 A cingte in, "Hih mipa gen bangin kuamah in thu a gen ngei kei hi," ci-in a pulak uh hi.#Mt 7:28,29
47 Pharisee-te in, "Note zong hong khem zo ta, na cihna uh maw?" ci-in a dongkhak uh hi. 48 Gam-ukte khempeuh ahikeh Pharisee-te khatpeuh in amah um uh ahi hiam? 49 Hi lo! Ahi hangin thukham neukha zong a thei lo hih mihonte - hamsiatna thuak ahi uh hi," a ci uh hi.#Jn 12:42,43
50 A masa lai-a Jesu kianga a paingei amau mite Nicodemus in, 51 "I thukham sungah, ama thu za masa lo, a nasepna mu masa loin mi mawhpaih nading thu a om hiam?" ci-in a dong hi.#Jn 3:1; 19:39
52 Amaute in, "Nang zong Galilee pan na hi hiam? En lecin Galilee panin kamsang c#7.52 A masa khutgelh nihte ah Kamsangpa hong pai lo hi, cih na mu ding hi," ci-in a dawng uh hi.#Isa 9:1-2
53 Tua ciangin amaute a inn tek uah a ciah uh hi.
Айни замон обунашуда:
John 7: ZIV
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Copyright 1994 Myanmar Center for World Mission