Matayo 11
11
Okuwakanya Kristo kweyongera
(11:1—12:50)
Yokaana Omubatiza atuma ababaka
(Luk 7:18-35)
1Awo olwatuuka Yesu bwe yamaliriza okulagira abayigirizwa be ekkumi n'ababiri (12), n'avaayo n'agenda okuyigiriza n'okubuulira mu bibuga byabwe.#Mat 7:28; 13:53; 19:1; 26:1
2Naye Yokaana bwe yawulirira mu kkomera, Kristo by'akola, n'atuma abayigirizwa be,#Mat 14:3 3okumubuuza nti, “Ggwe wuuyo ajja oba tulindirire mulala?”#Mal 3:1, Dan 9:26 4Yesu n'abaddamu nti, “Muddeyo mutegeeze Yokaana bye muwulira ne bye mulaba; 5abazibye amaaso balaba, abalema batambula, abagenge balongoosebwa, abaggavu b'amatu bawulira, abafu bazuukizibwa, n'abanaku babuulirwa enjiri.#Is 35:5,6; 61:1 6Naye alina omukisa oyo yenna atalinneesittalako.”#Mat 13:57; 26:31 7Nabo bwe baagenda, Yesu n'atandika okwogera n'ebibiina ku Yokaana nti, “Kiki kye mwagenderera mu ddungu okutunuulira? Olumuli olunyeenyezebwa n'empewo?#Mat 3:1,5 8Naye kiki kye mwagenderera okulaba? Omuntu ayambadde ezinekaaneka? Laba, abambala ezinekaaneka baba mu nnyumba za bakabaka. 9Naye kiki kye mwagenderera? Kulaba nnabbi? Weewaawo, mbagamba, era asingira ddala nnabbi.”#Luk 1:76 10“ Oyo ye yawandiikibwako nti,”#Mal 3:1, Mak 1:2, Yok 3:28
“ ‘Laba, ntuma omubaka wange mu maaso go. ’ ”
“ ‘Alikukulembera alirongoosa ekkubo lyo.’ ”
11 “‘Ddala mbagamba nti Tevanga mu abo abazaalibwa abakazi omuntu asinga Yokaana Omubatiza; naye omuto mu bwakabaka obw'omu ggulu amusinga ye. #
Mat 13:17
12Okuva ku biro bya Yokaana Omubatiza okutuusa leero obwakabaka obw'omu ggulu buwaguzibwa, n'ababuwaguza babunyaga lwa maanyi.#Luk 16:16; 13:24, Yok 6:15 13Kubanga bannabbi bonna n'amateeka baayogeranga ebya Katonda okutuusa ku Yokaana, ebifa ku bwakabaka. 14Era oba nga mwagala okukkiriza, oyo ye Eriya agenda okujja.’#Mal 4:5, Mat 17:10-13 15Alina amatu ag'okuwulira, awulire. 16Naye emirembe gino nnaagifaananya ki? Gifaanana n'abaana abato abatuula mu butale abayita bannaabwe, 17nga bagamba nti, ‘Twabafuuyira emirere, so nammwe temwazina; twabakubira ebiwoobe, so temwakaaba.’#Nge 29:9 18Kubanga Yokaana yajja nga talya so nga tanywa, ne boogera nti, ‘Aliko dayimooni.’#Mat 3:4 19Omwana w'omuntu yajja ng'alya ng'anywa, ne boogera nti, ‘Laba, omuluvu oyo, era omutamiivu, mukwano gw'abawooza era ogw'abalina ebibi!’ Era amagezi gaweebwa obutuukirivu olw'ebikolwa byago.”#Mat 9:14,15
Ebibuga ebitalina kukkiriza
(Luk 10:13-15)
20Awo Yesu n'atandika okubuulirira ebibuga mwe yakolera eby'amagero eby'amaanyi, kubanga tebyenenya n'agamba nti,#Luk 19:12-15 21“Zirikusanga ggwe Kolaziini! Zirikusanga ggwe Besusayida! Kubanga eby'amaanyi ebyakolerwa mu mmwe, singa byakolerwa mu Ttuulo ne Sidoni, singa byenenya dda, singa bali mu bibukutu ne mu vvu.#Yon 3:6 22Naye mbagamba nti Ku lunaku olw'omusango Ttuulo ne Sidoni baliba n'okubonyaabonyezebwa okuligumiikirizika okusinga mmwe. 23Naawe, Kaperunawumu, oligulumizibwa okutuuka ku ggulu? Olikka emagombe; kubanga eby'amaanyi ebyakolerwa mu ggwe singa byakolerwa mu Sodomu, singa weekiri ne kaakano.#Mat 4:13; 8:5; 9:1, Is 14:13,15 24Naye mbagamba nti Ku lunaku olw'omusango ensi y'e Sodomu eriba n'okubonyaabonyezebwa okuligumiikirizika okusinga ggwe.”#Mat 10:15
Mujje gyendi muwummule
(Luk 10:21-22)
25 #
Luk 10:21,22 Mu kiseera ekyo, Yesu yaddamu n'agamba nti, “Nkwebaza, Kitange, Mukama w'eggulu n'ensi, kubanga wakisa ebigambo bino ab'amagezi n'abakalabakalaba n'obibikkulira abaana abato;#1 Kol 1:26-29 26weewaawo, Kitange, kubanga bwe kityo bwe kyasiimibwa mu maaso go. 27Ebintu byonna byankwasibwa Kitange; so tewali muntu amanyi Omwana wabula Kitaawe; so tewali muntu amanyi Kitaawe wabula Omwana, na buli muntu Omwana gw'ayagala okumumubikkulira.#Mat 28:18, Yok 3:35; 17:2, Baf 2:9 28Mujje gye ndi, mmwe mwenna abakooye era abazitoowereddwa, nange nnaabawummuza.#Mat 12:20, Yer 31:25 29Mwetikke ekikoligo kyange, muyigire ku nze; kubanga ndi muteefu era omuwombeefu mu mutima, nammwe muliraba ekiwummulo eky'omu myoyo gyammwe.#Yer 6:16 30Kubanga ekikoligo kyange si kizibu, n'omugugu gwange mwangu.”#1 Yok 5:3
Айни замон обунашуда:
Matayo 11: LBR
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
All rights are reserved to the Bible Society of Uganda.