Popular Bible Verses from Yohanes 12

Паҳн кунед

Aman ado urakng inyo honda' molayati-Ku, io gola' tuyut-Ku. Io paca'an ado di tompat inyo samo agatn Aku. Allah Bopai paca'an mohormati sotiap urakng inyo molayati-Ku.

Urakng inyo moutamoan kohidupannyo siku', sobondarnyo io co paca'an mondapat'annyo. Apo urakng inyo kinyo moutamoan kohidupannyo siku' di dunia ni'in, io paca'an mongombolonyo pakai' hidup inyo kokal.

Porotiancam contoh ni'in: aman sobigi' gandupm jatu' ko dalapm tanah, bigi' nantai gola' mati holu sobolupm lantakng monjadi tontanaman. Aman bigi' nantai co mati, io totap sobigi' mo. Apo, aman inyo mati huatan lantakng, inyo paca'an mohasilan banya' buah.

Aku udah datakng ko dunia ni'in sobagai torakng oca' somuo urakng inyo pocayo ko aku jangan diapm di dalapm potakng.

Aku datakng pakai' monyolamant'an urakng, kinyo pakai' mohukupm urakng. Obai nantaiam, aman ado urakng inyo mondinga' ajaran-Ku, apo kinyo monurutinyo, bukainyo Aku mohukupm io.

Lalu Maria mombaba' sotongah liter minya' harupm inyo murni. Minya' nantai kotakng mahal apo io monuyungnyo ko kaki Yesus lalu momalit'i inyo agatn rambutnyo. Soluruh rumah nantai monjadi harupm obai minya' harupm nantai.

Jadi, sia' monguti' boko doutn palem lalu botula' mohimpa'i Sio. Sia' mondongkakng-mondorah, “Hosana! Diborokati Sio inyo datakng dalapm damo Tuhatn Allah! Diborokaticam Rajo urakng Israel!”

Kato Yesus ko sia', “Udah datakam watunyo Ana' Monsio dimuliaan.