Popular Bible Verses from Yohanes 11

Паҳн кунед

Kato Yesus ko io, “Aku ninam inyo mombulah urakng bobali' hidup doi' komatian. Aku jam moonji'i urakng hidup inyo sobondarnyo. Sotiap urakng inyo pocayo ko aku, biar pan io mati, io totap paca'an hidup. Sotiap urakng inyo hidup huatan pocayo agatn Aku, io kinyo mati somanah-manahnyo. Marta, kolai pocayo agatn hal nian?”

Yesus bopandir ko io, “Ingantcam lapo inyo udah Ku katoan ko kolai ni'in: Aman kolai pocayo, jadi kolai paca'an moniant komulia'an Allah.”

Lalu, Yesus monangis.

Pas Yesus mondinga' kabar nantai, Sio bopandir, “Ponyakit ni'in kinyo sampai momati'imo. Apo ni'in tojadi oca' monsio ulih moniant obai Allah mulia huatan oca' urakng ulih mongotohu'i obai Ana' Allah dimuliaan jam.”

Lopas jadi Yesus bopandir bunyi nantai, Sio moningkau kotakan borakng, “Lazarus, koluarcam!” Lalu, koluaram io udah mati nantai. Longan kakinyo ija' ada'an koitn putih pongotakng bangkai nantai. Mato-muhonyo pan ija' totutup agatn koitn. Kato Yesus ko boko urakng di santai, “Puculcam koitn nian, oca' io ulih bojalatn.”

Yesus kotakan salu' agi', lalu Sio botula' ko pasaran. (Pasaran nantai gua inyo ditutup agatn batu bosar.)

Ubo nianam kato Yesus. Lopas nian, Sio bopandir ko sia', “Lazarus, kawal kito, udah tidu'am. Apo, Aku paca'an botula' ko su'utn pakai' mohuasan io.”