Popular Bible Verses from Mwanzo 27

Паҳн кунед

Nluku awinkhe mmatte wa pinkuuni na oruwera wa vathi, peewu zawaatta na viinyu yawaatta. Khapila zawaatta zuurumeele weeyo, na mahimo awaatta ookokhorele. Wiiye Mbwana wa attwiizo, na aana a mamaawo ookokhorele weeyo. Oolanikha pi apale anttelaaye wuulaani, na ooparikhiyiwa pi apale anttelaaye wuuparikhiya.”

Ezawu khulupa yoori: “Eto swaafu ya phiiri akittettekhaka. Ti maana ootthajiwa nzina la Yaakhumpa. Yamwanzo akinyakanya lifunku laka la omwaana wamwanzo. Apho theenya akinyakanya parakha yaka. Paapa khamwipweheeni hatha parakha khwa miiyo?”

Aphano Esiyaakha khunjipu: “Weeyo onttela wiikhala ohali woolepelana na miti za oruweriwa, ohali woothowawo mmatte wa pinkuuni. Weeyo onttela wiikhala khwa phanka yawo na onttela onrumeyela ttwiiyo. Amana weeyo ovilela theenya, ontta olaamo nthwaapu mwaya mphu.”

Ezawu khumuuzela papaawe: “Mweeyo paapa khamwisalaneeni hatha parakha? Na miiyo mwikiparikhiye!” Khusala alila anyakulaka.