Popular Bible Verses from Mwanzo 28

Паҳн кунед

Woone! Miiyo kiri vamote na weeyo, kinteela owiinanela wakhula vahali oneettaavo, na kinteela wuurutisela tuniya ethiiti, akiniwanswi kihiretteeni epile zooshi kiwaahitiyeezo.”

Nnyizinku aari vatulu wa shikatta na khumuuza araka: “Miiyo ki Nnyizinku, Nluku wa papaawo Eburahiima na wa Esiyaakha. Nti opo orapaleliyeeyo kinteela owinkha weeyo na ojama awo wooshi.

Yaakhumpa asisimuwiyeevo aphale aari olalaavo khuri: “Khweele, Nnyizinku ori puuro ethiiti, miiyo akaajuwiye.”

Yaakhumpa khwaahiti yoori: “Amana Nluku eeya vamote na miiyo, eenanela safwari yaka eti, khukinkha etthu yoojiwa na kuwo zoowala, khukirutisela vaje wa paapa kiri nkumi, Nnyizinku onteela wiiya Nluku aka. Liwe ntthi keemesiyeeyo apha nkhama nripu linttela wiiya nyuupa ya Nluku, na wakhula etile onikinkhaaye kiwinkhaka lifunku la khuumi.”

Ojama awo onteela wiiya yawaatta nkhama mishaka za vathi, onteela omwazeyela okhu lintupweelaawo njuwa, lintthamuwaawo njuwa, kashikhazini na kusini. Khwa weeyo na ojama awo khapila zooshi za voolumwenku enteela oparikhiyiwa.

Puuro etile khutthaja nzina la Beetele, ila raku sitati etile yaari wiitthiwa Luuzhu.