Popular Bible Verses from Paidáish 27

Паҳн кунед

Ḳhudá ásmán kí os, aur zamín kí farbihí, Aur bahut sá anáj aur mai tujhe baḳhshe. Qaumeṉ terí ḳhidmat kareṉ; Aur qabíle tere sámne jhukeṉ. Tú apne bháiyoṉ ká sardár ho, Aur terí máṉ ke beṭe tere áge jhukeṉ. Jo tujh par la‘nat kare wuh ḳhud la‘natí ho, Aur jo tujhe du‘á de wuh barakat páe.

Tab us ne kahá, Kyá us ká nám Ya‘qúb ṭhík nahíṉ rakkhá gayá? kyúṉki us ne dobára mujhe aṛangá márá: us ne merá pahlauṭhe ká haqq to le hí liyá thá, aur dekh, ab wuh merí barakat bhí le gayá. Phir us ne kahá, Kyá tú ne mere liye koí barakat nahíṉ rakh chhoṛí hai?

Tab us ke báp Izháq ne us se kahá, Dekh, zarḳhez zamín meṉ terá maskan ho, Aur úpar se ásmán kí shabnam us par paṛe. Terí auqát basarí terí talwár se ho, aur tú apne bháí kí ḳhidmat kare. Aur jab tú ázád ho, To apne bháí ká júá apní gardan par se utár pheṉke.

Tab ‘Esau ne apne báp se kahá, Kyá tere pás ek hí barakat hai, ai mere báp? mujhe bhí du‘á de, ai mere báp, mujhe bhí. Aur ‘Esau chillá chillákar royá.