Popular Bible Verses from Paidáish 28

Паҳн кунед

Aur dekh, maiṉ tere sáth húṉ, aur har jagah, jaháṉ kahíṉ tú jáe, terí hifázat karúṉgá, aur tujh ko is mulk meṉ phir láúṉgá; aur jo maiṉ ne tujh se kahá hai, jab tak use púrá na kar lúṉ, tujhe nahíṉ chhoṛúṉgá.

Aur ḲHUDáWAND us ke úpar khaṛá kah rahá hai, ki Maiṉ ḲHUDáWAND, tere báp Abrahám ká Ḳhudá, aur Izháq ká Ḳhudá húṉ: maiṉ yih zamín, jis par tú leṭá hai, tujhe aur terí nasl ko dúṉgá

Tab Ya‘qúb jág uṭhá aur kahne lagá, ki Yaqínan ḲHUDáWAND is jagah hai, aur mujhe ma‘lúm na thá.

Aur Ya‘qúb ne mannat mání, aur kahá, ki Agar Ḳhudá mere sáth rahe, aur jo safar maiṉ kar rahá húṉ us meṉ merí hifázat kare, aur mujhe kháne ko roṭí, aur pahinne ko kapṛá detá rahe, aur maiṉ apne báp ke ghar salámat lauṭ áúṉ, to ḲHUDáWAND merá Ḳhudá hogá: aur yih patthar, jo maiṉ ne sutún sá khaṛá kiyá hai Ḳhudá ká ghar hogá; aur jo kuchh tú mujhe de us ká daswáṉ hissa zarúr hí tujhe diyá karúṉgá.

aur terí nasl zamín kí gard ke zarroṉ kí mánind hogí, aur tú mashriq aur mag̣rib aur shimál aur junúb meṉ phail jáegá, aur zamín ke sab qabíle tere aur terí nasl ke wasíle se barakat páeṉge.

Aur us jagah ká nam Baitel rakkhá; lekin pahle us bastí ká nám Lúz thá.