پیدأیش ۵
۵
جٚه آدم تأ نوح
1 اَ شرح آدم و اونی نتأجٚ پیدأیشٚ شین ایسٚه. او وخت کی خودا خأستی اینسأنَ خلق بوکونه، اونَ خو مأنستَن خلق بوکوده.
2 اون اوشأنَ مردأی و زنأی خلق بوکوده، برکت فأدأ و جٚه هو وخت کی خلقت شورو بوبوسته، اَشأنَ اینسأن نأم بٚنأ. 3 او وخت کی آدم ۱۳۰ سأل دأشتی، اونی پٚسر شیث بودونیأ بأمؤ. اون خو پِئر آدمَ شبأهت دٚیی. 4 شیثٚ تولدٚ پٚسی، آدم ۸۰۰ سأل دِه عُمر بوکوده و پٚسرأن و دؤخترأنَ صأب بوبوسته. 5 آدم ۹۳۰ سأل سن بوکوده پٚسی بٚمٚرده. 6 او وخت کی شیث ۱۰۵ سأل دأشتی، اونی پٚسر انوش بودونیأ بأمؤ 7 انوشٚ تولدٚ پٚسی، شیث ۸۰۷ سأل دِه عُمر بوکوده و پٚسرأن و دؤخترأنَ صأب بوبوسته. 8 شیث ۹۱۲ سأل سن بوکوده پٚسی بٚمٚرده. 9 او وخت کی انوش ۹۰ سأل دأشتی، اونی پٚسر قینان بودونیأ بأمؤ 10 قینانٚ تولدٚ پٚسی، انوش ۸۱۵ سأل دِه عُمر بوکوده و پٚسرأن و دؤخترأنَ صأب بوبوسته. 11 انوش ۹۰۵ سأل سن بوکوده پٚسی بٚمٚرده. 12 او وخت کی قینان ۷۰ سأل دأشتی، اونی پٚسر مهلل‌ئیل بودونیأ بأمؤ. 13 مهلل‌ئیلٚ تولدٚ پٚسی، قینان ۸۴۰ سأل دِه عُمر بوکوده و پٚسرأن و دؤخترأنَ صأب بوبوسته. 14 اون ۹۱۰ سأل سن بوکوده پٚسی بٚمٚرده. 15 او وخت کی مهلل‌ئیل ۶۵ سأل دأشتی، اونی پٚسر یارد بودونیأ بأمؤ. 16 یاردٚ تولدٚ پٚسی، مهلل‌ئیل ۸۳۰ سأل دِه عُمر بوکوده و پٚسرأن و دؤخترأنَ صأب بوبوسته. 17 اون ۸۹۵ سأل سن بوکوده پٚسی بٚمٚرده. 18 او وخت کی یارد ۱۶۲ سأل دأشتی، اونی پٚسر خنوخ بودونیأ بأمؤ. 19 خنوخٚ تولدٚ پٚسی، یارد ۸۰۰ سأل دِه عُمر بوکوده و پٚسرأن و دؤخترأنَ صأب بوبوسته. 20 یارد ۹۶۲ سأل سن بوکوده پٚسی بٚمٚرده. 21 او وخت کی خنوخ شصت و پنج سأل دأشتی، اونی پٚسر متوشالح بودونیأ بأمؤ. 22 متوشالحٚ تولدٚ پٚسی، خنوخ ۳۰۰ سأل دِه خودا اَمرأ زٚندیگی بوکوده. اون چنتأ پٚسر و دؤخترٚ صأب بوبوسته. 23 و ۳۶۵ سأل عُمر بوکوده. 24 خنوخ خودا اَمرأ زٚندیگی کودی و خودا اونَ بٚبرده بوجؤر خو ورجأ و دِه هیکس اونَ نیدِه. 25 او وخت کی متوشالح ۱۸۷ سأل دأشتی، اونی پٚسر لمک بودونیأ بأمؤ. 26 لمکٚ تولدٚ پٚسی، متوشالح ۷۸۲ سأل دِه زٚندیگی بوکوده و پٚسرأن و دؤخترأنَ صأب بوبوسته. 27 متوشالح ۹۶۹ سأل سن بوکوده پٚسی بٚمٚرده. 28 او وخت کی لمک ۱۸۲ سأل دأشتی، اونی پٚسر نوح بودونیأ بأمؤ. 29 لمک بوگفته: «اَ پٚسر، اَمٚرَه او کیشأورزی کودنٚ سختٚ کأرٚ جَا رأحتَ کونه کی خوداوندٚ لعنتٚ وأسی زیمینٚ رو، اَمی یقه‌یَ بیگیفته بو.» 30 پٚس لمک اونی نأمَ بٚنأ نوح (ینی «آسأیش»). نوحٚ تولدٚ پٚسی، لمک ۵۹۵ سأل دِه عُمر بوکوده و پٚسرأن و دؤخترأنَ صأب بوبوسته. 31 اون ۷۷۷ سأل سن بوکوده پٚسی بٚمٚرده. 32 نوح ۵۰۰ سأل سن دأشتی کی سه‌تأ پٚسر اونی رِه بوبوسته و اوشأنی نأم سام، حام و یافث بو.
ప్రస్తుతం ఎంపిక చేయబడింది:
پیدأیش ۵: GCB
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
The Gilaki Contemporary Bible is a Product of Transform Iran © 2024. All rights reserved. www.kelisayejame.org