پیدأیش ۴
۴
قائن و هابیل
1 حوّا آدمٚ جَا شکم اوسأده، ایتأ پٚسر بٚزأ. بأزون حوّا بوگفته: «خوداوندٚ یاور دٚئنٚ اَمرأ ایتأ مردأی بٚزأم.» پٚس اونَ قائن نأم بٚنأ. 2 ایوأردِه حوّا شکم اوسأده، ایتأ پٚسر بٚزأ و اونَ هابیل نأم بٚنأ. هابیل گلّه دأشتنَ و قائن کیشأورزی‌یَ موشغول بوبوسته.
3 ایتأ زمأت کی بوبوسته پٚسی، قائن خو زیمینٚ مأصولٚ جَا خودا حوضور ایتأ پیشکش بأوٚرده. 4 هابیلم خو گلّه اوّلی بٚرّه‌یأنٚ جَا چنتأ ذبح بوکوده و خوداوندٚ پیشکش کودنٚ رِه او قیسمت اوشأنٚ بِیترین گوشتَ فأدأ. خوداوند هابیل و اونی پیشکشی‌یَ قوبیل بوکوده، 5 ولی قائن و اونی پیشکشَ قوبیل نوکود. پٚس قائن برزخَ بوسته و اوندر غیظ دأشتی کی خو سٚرَ تأوٚدأ بیجیر.
6 خوداوند قائنٚ جَا وأوٚرسِه: «چٚره برزخَ بوستی و تی سٚرَ تأوٚدأیی بیجیر؟ 7 اگه خورومٚ کأر بوکونی، ینی قوبیل نیبی؟ ولی اگه تی رفتأر خُب نٚبه، بٚدأن کی گونأ تی رو بأش بوستنٚ وأسی تٚرَه پأستأندره، ولی تو وأستی اونی رو پیروزَ بی.»
8 ایتأ روج قائن خو برأر هابیلٚ جَا بٚخأسته کی اونی اَمرأ بٚشه بیأبأنٚ میأن. او وخت کی اوشأن بیأبأنٚ میأن ایسأبود، نأخٚوٚرکی قائن فوتورکسته خو برأرَ و اونَ بوکوشته.
9 بأزون خوداوند قائنٚ جَا وأوٚرسِه: «تی برأر هابیل کؤیَه ایسأ؟» قائن جوأب بٚدأ: «جٚه کؤیَه وأستی بٚدأنم؟ مگه می برأرٚ بٚپأیٚم؟»
10 خوداوند بٚفرمأسته: «اَ کأر چی بو کی بوکودی؟ زیمینٚ جَا تی برأرٚ خون می ورجأ فریأد زٚنِه. 11 اَسه ملعون ایسی و او زیمینٚ جَا پٚس بٚزِه بی، کی تی برأرٚ خونٚ اَمرأ اونَ رنگ بوکودی. 12 جٚه اَنٚ پٚسی، هرچی کأر بوکونی، دِه زیمین خو مأصولَ اوطؤ کی وأستی بٚبه، تٚرَه فأندِه و تو دونیأ میأن سبیل و سرگردأنَ بی.»
13 قائن بوگفته: «می موجأزأت سنگین‌تر جٚه اونی ایسٚه کی بٚتأنم بچأنَ گیرم. 14 ایمرو مٚرَه جٚه اَ سرزیمین و تی حوضورٚ جَا بیرونَ کونی و دونیأ میأن مٚرَه سبیل و سرگردأنَ کونی، پٚس هرکی مٚرَه بیدینه مٚرَه کوشِه.»
15 خوداوند اونَ بوگفته: «اَطؤ نیبه؛ چونکی هرکی تٚرَه بوکوشه، هفت مرتوه اونی موجأزأت ویشتر جٚه تی موجأزأت بِه.» بأزون خوداوند ایتأ نیشأنه هوشدأرٚ وأسی قائنٚ رو بٚنأ کی هرکی اونَ بیأفته اونَ نوکوشٚه. 16 بأزون قائن خوداوندٚ حوضورٚ جَا بوشؤ بیرون و عدنٚ شرقٚ ور نُودٚ (ینی «سرگردأنی») زیمینٚ دورون زٚندیگی بوکود.
17 چند وخت بوستنٚ پٚسی قائنٚ زنأی شکم اوسأده خَنوخَ بودونیأ بأوٚرده. بأزون قائن ایتأ شهر چأکوده و خو پٚسرٚ نأمَ او شهرٚ رو بٚنأ.
18 خَنوخ عیرادٚ پِئر، عیراد محویائیلٚ پِئر، محویائیل متوشائیلٚ پِئر و متوشائیل لِمکٚ پِئر بو. 19 لِمک دوتأ زن بٚبرده کی اوشأنی نأم عاده و ظله بو. 20 عاده ایتأ پٚسر بٚزأ و اونی نأمَ بٚنأده یابال. اون هونی بو کی چأدر نیشینی و گلّه دأشتنَ دأب بوکوده. 21 اونی برأر یوبال اوّلی کس بو کی موسیقی دأنستی و چنگ و نی‌یَ ایخترأع بوکوده بو. 22 ظله، لِمکٚ اویتأ زنأکم ایتأ پٚسر بٚزأ کی اونَ توبل قائن نأم بٚنأده. اون هونی بو کی بٚنأ بوکوده آهینی و میسی اَبزأرأنَ چأکودن. توبل قائنٚ خأخورٚ نأم، نَعمه بو.
23 ایتأ روج لِمک خو زنأکأن، عاده و ظله‌یَ، بوگفته: «اَی زنأکأن مٚرَه فأندرید. او جوأن کی مٚرَه زخمی بوکوده بویَ، بوکوشتم. 24 اگه بٚنأ بٚبه اونی موجأزأت کی قائنَ کوشِه، هفت مرتوه بٚبه، پٚس اونی کی خأیه مٚرَه بوکوشه موجأزأتم، هفتأد و هفت مرتوه ایسٚه.»
25 اونی پٚسی، آدم و حوّا ایتأ دِه پٚسرَ صأب بوبوستده. حوّا بوگفته: «خودا هابیلٚ عوض کی خو برأر قائنٚ دٚسٚ اَمرأ بوکوشته بوبوسته بو، ایتأ دِه پٚسر مٚرَه بٚبخشه.» پٚس اونی نأمَ شیث (ینی «بٚبخشه بوبوسته») بٚنأ.
26 او وخت کی شیث پیلّه بوسته، اونی رِه ایتأ زأی بودونیأ بأمؤ کی اونَ انوش نأم بٚنأده. انوشٚ زمأتٚ میأن بو کی مردوم خوداوندٚ نأمٚ پرستٚشَ سٚر بیگیفتٚده.
ప్రస్తుతం ఎంపిక చేయబడింది:
پیدأیش ۴: GCB
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
The Gilaki Contemporary Bible is a Product of Transform Iran © 2024. All rights reserved. www.kelisayejame.org