Mataio 11
11
Ko nā Kavefekau mai ia Ioane te Papatiho
(Luka 7.18-35)
1Kua uma te fai e Iehu o nā fakatonuga iēnei ki ona hoko e toka hefululua, oi fano kehe ai ma kinā kua fano oi akoako ma folafola atu i nā kakai e tafapili ki te mea tēnā.
2I te lagonaga e Ioane te Papatiho i loto o te fale puipui nā mea kua fai e Keliho, oi uga ai e ia iētahi o nā hoko o ia ke fehili ki a Iehu. 3Kua lea atu ki lātou ki a Iehu, “Ko koe nei te tino na folafola e Ioane e hau, pe i ei hētahi tino e fakatalitali ki mātou ki ei?”
4Kua tali mai ia Iehu, “Olo oi taku ki a Ioane nā mea e koutou lagona e tautatala ai ia tagata ma nā mea e kitea i outou mata: 5#Iha 35.5-6; 61.1kua pupula ia mata o tāuaho, kua havavali ia pipili, kua fakamamāgia#11.5 fakamamā: Kikila ki te 8.2. ki lātou e maua i nā tauale kino o te kili, kua logo ia taliga o tutuli, kua toe fakaola nā tino oti, ma ko te Tala Lelei kua folafola ki tagata mātitiva. 6Amutia nā tino e hē māhalohalo mai ki a te au!”
7E olo kehe atu nā hoko o Ioane, kae kāmata oi tautala ia Iehu ki te kaifenua e uiga ki a Ioane, kua lea vē atu, “I te koutou ologa ki a Ioane i te vao, he ā te nae fia kikila koutou ki ei? He lau mutia e agina i te matagi? 8He ā te na olo koutou ke kikila ki ei? He tamāloa e lākei i ni lākei uiga kehe te gali? Ko nā tino e lākei i nā lākei vēnei e nonofo i nā fale o nā tupu! 9Lea mai ake, he ā te na olo koutou ke kikila ki ei? He pelofeta? Io e hako, ka ko te tino na koutou kiteagia e hili atu tona tāua i lo he pelofeta. 10#Mal 3.1Auā ko Ioane te fakatatau ki ei te tuhituhiga paia e vē mai: ‘Kua vāgana te Atua, kikila, ka uga atu e au taku kavefekau ke muamua atu ia te koe, ke hāuni e ia te auala mo koe.’ 11E takutino atu e au ki a te koutou, i nā tino kua fānanau mai ki te lalolagi, e hēai he tino e hili atu tona tāua i lo Ioane te Papatiho. Kae ko te tino e pito hili ona hē tāua i te Mālō o te lagi, e hili atu la tona tāua i lo Ioane. 12#Luk 16.16Mai nā aho na tālaki ai e Ioane tana fekau ke pa mai ki te taimi nei, ko te Mālō o te lagi kua āfāina i nā fakahāuāga,#11.12 āfāina i nā fakahāuāga: pe kua āfāina i nā faiga a nā tino e fofou ke fakavae fakamālohi te pule a te Atua. ma nā tino fakahāuā e taumafai ke ki lātou pukeagia fakamālohi. 13Ka ko hēki pa ki te vāitaimi o Ioane, ko te Mālō nae vavaka e te kau pelofeta ma te Tūlāfono a Mohe; 14#Mal 4.5; Mat 17.10-13; Mlk 9.11-13kāfai e talitonu koutou ki te lātou fekau, ko tona uiga la ko Ioane ko Elia, tēia na vavaka e hau. 15Kāfai e i ei ni outou taliga, fakalogo mai la!
16“He ā nei te ka kō fakatuhagia ki ei nā tino o tēnei tupulaga? E vē ki lātou ko nā tamaiti e nonofo i te māketi ma taukalalaga atu tētahi vāega ki tētahi, 17‘Nae ta atu e ki mātou nā pehe fiafia mo koutou, kae e hē hihiva koutou! Nae uhu atu e ki mātou nā haumate, kae e hē faitatagi koutou!’ 18I te hauga o Ioane, nae fakalāina ma hēki inu ki he uaina, kae kua lea vē nā tino, ‘E ulufia e he tēmoni!’ 19I te hauga o te Ataliki o te Tagata, nae kai ma inu ki te uaina, oi lea vē ai nā tino, ‘Kikila ki te tagata tēnei! E kai fakaatuatuvale ma konā i te uaina, he uō e a nā aolāfoga ma iētahi tino inohia!’ Ka ko te poto o te Atua e fakaalia te moni, i ana gāluega.”
Ko nā Nuku hē Talitonu
(Luka 10.13-15)
20Ko nā tino i nā kakai nae fai ai te lahiga o nā vāvega a Iehu, e hēki liliu kehe mai a lātou agahala, oi tautala mālohi ai ki ei ia Iehu ona ko to lātou hē halamō. 21#Iha 23.1-18; Ehk 26.1—28.26; Ioe 3.4-8; Amo 1.9-10; Hkl 9.2-4“Hāloa koe Kolahini! Hāloa koe Petehaita! Auā anei ake nā vāvega na fai i loto o nā kakai o koulua na fai i Tulo ma Haitonu, e vēnei ake ko nā tino i kinā kua leva te fai o lātou kofutaga ma lūlū ki o lātou luga te lefulefu, ke fakailoa ai to lātou halamō. 22Kae e takutino atu e au ki a te koutou, kāfai e pa ki te Aho Fakamahino, ka hili atu te alofa o te Atua ki tagata o Tulo ma Haitonu i lo mo koutou. 23#Ken 19.24-28; Iha 14.13-15Ma ko koe Kapenaumi, nae i ei nei hō manatu ko koe e mafai ke hiki ake ki luga ki te lagi? Ko koe ka togi ki lalo ki Heoli. Anei ake nā vāvega nae fai i loto o koe na fai i Hotoma, e vēnei ake koi tūmau lava ia Hotoma ke pa mai ki te aho nei. 24#Mat 10.15; Luk 10.12E talitonu mai koutou kāfai e pa ki te Aho Fakamahino, ka hili atu te alofa o te Atua ki a Hotoma i lo mo koutou.”
Ōmamai ki a te Au e Mapu ai Koutou
(Luka 10.21-22)
25I te taimi tēnā, na lea vē ake ai ia Iehu, “Te Tamana, te Aliki o te lagi ma te lalolagi! Ko au e fakafetai atu ki a te koe auā kua kē fakailoa ki a te ki lātou e hēki akoakoagia, nā mea kua kē mumunia mai ia te ki lātou e popoto ma kua akoakogia. 26Io, te Tamana, ko te mea lava tēnei na fofou koe ke fai.
27 #
Ioa 3.35; 1.18; 10.15 “Kua fōki mai e toku Tamana ki a te au nā mea uma lele. E hēai he tino e ia iloa te Ataliki vaganā te Tamana, ma e hēai foki he tino e ia iloa te Tamana vaganā te Ataliki ma ki lātou kua filifilia e te Ataliki ke fakailoa ki ei.
28“Ōmamai ki a te au koutou uma e fītatā i nā kavega mamafa, ko au e mapu ai koutou. 29#Iel 6.16Kave taku amo#11.29 amo: Fakaliliuga o te kupu Eleni ko tona uiga, ko te lākau e tuku ki te ua o te povi e takitaki ma fakatonutonu ai i nā gāluega e fakaaogā ki ei. Ko te amo ko te fakailoga tēnā o te uhitaki kātoatoa ma te galue mālohi. Kikila ki te Gāl 15.10; Kal 5.1; 1 Tim 6.1. oi tuku ki outou luga ma fakatakitaki mai ki a te au, auā ko au e agamalū ma loto maulalo; ma maua ai e koutou he mapu. 30Auā ko te amo ka fōki atu e au e faigōfie, ko te kavega foki ka fakaeke atu e au ki outou luga e māmā.”
ప్రస్తుతం ఎంపిక చేయబడింది:
Mataio 11: TNT
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Tokelauan New Testament © Bible Society New Zealand, 2009.
