Matayo 11

Sayu ufuma kunë Yohana Mubadisi

(Luk 7:18-35)

1Yesu nënaa wadaha uvafa asëywi maraghëëyo agafuma faafo agenda usëya na utanantya mu miji awe.

2Yohana Mubadisi nënaa wëë ugëtungo agahanga sayu ya ntendo yamwa Kiristo. Uvii, agavatuma asëywi vakwe, 3vëmuwëëye: “Wurë, veve unë wasuu nëujiena, mba gumwiindëëre ungëja?” 4Yesu agavasucha, “Endi mumukhanëe Yohana mantu nëmuuyategheeya na uyoona; 5afoku vëgoona kangë, viteve vëgeendeenda, nëvëna matana vëgeeriwa na mbula vëutegheeya kangë, akuyi vëufëtiwa, na atuki vëutanantëywa Sayu Njija. 6Bahu muntu wasuu nëatina wisaghasaghëi na nee.”

7Uvii, atumwa vasaa vamwa Yohana nënaa vëwukie vësukie Yesu agaandya uvakhanëa maburi a antu sayu yamwa Yohana: “Mugeenda gëhenga ntuni ukoo umbugha? Wurë, naamufenja goona, inyumbwa nyumbwa nërëuhingisiwa na mpefona? 8Ëgweeso mugeenda goona ntunihe? Mugeenda umwoona muntu nëurie masaa nëmajana? Antu nëvëuryaa masaa nëmaja vëgëkhaa munyumba ya atemi. 9Uvii, mugeenda goona ntuni? Munyagëdaghuna? Nhaa, tutë ukëra munyagëdaghu. 10Uyuu unë uguhanyëwaa mu Maandëko Meru:

‘Raraava, namutuma ntumwa

ane unsonge a usyu wane

unë winjë ughondanëya

njëa ane unsonge ako?’

11Tutë nene namwëëra, mukhatë a ang'ënya voong'e va antu inadwëëraa në müküü ukëra Yohana Mubadisi. Mbesa uvii, wasuu në munyughuu nanguu mu utemi wa girunde, uu në müküü nanguu ukëra mweeso. 12Ufuma itungo ramwa Yohana Mubadisi faka rëo ëyëë, utemi wa girunde ugukhuwa fëta nanguu, na antu në munyanguu vëufenja uwuhora gwa nguu. 13Masëyo oong'e a anyagëdaghu na Seria ëgakunukua matungo ayaa. 14Uvii, nësa muudaha uyanja, Yohana unë Elia në chu naa ujie. 15Uvii tegheeyi, nësa mwina makutwë!

16“Uvii, nene nguwiukhwaanëya ufafo uruu na ntuni? Uu mwino ahumba nëaja vikhee, usokoni vëuvatanaa ahumba vooya viuhanya, 17‘Gwamukhuvëaa mbëru ëgweeso mwinaina, gwëmbaa mëëmbo a uvavi ëgweeso nyee mwinakuta!’ 18Gusoko Yohana agaja, agikhaa atikweti intu ainalaa na gweesonoo ainanywaa divai, veeso vëgahanya: ‘Uhukiwe na gënyonyinyonyi.’ 19Mwaamuntu agaja, ugula na ugunywa, veeso vëgahanya: ‘Mwooni uyuu muraku na mughai, munyambuya wawe nëvëukhomboisyaa na anyautenda mavë!’ Mbesa uvii, ihaa ra Muungu rëmanyëkie mwino ija gwa ntendo yakwe.”

Miji nëëtihuvëe

(Luk 10:13-15)

20Yesu agaandya umëkenea miji nëchuu naa, mbesa agatenda makura mingë kuuko, antu vayo vëgadëa ufëura masëgho awe nëmabë: 21“Hëëhëë ako Korasini! Hëëhëë ako Betisaida! Gusoko, mwino makura nëëgatendeka kunë vee nësa atendekie ukoo uTiro na uSidoni, antu vayo ësa vëgaria masaa a magunëa na kange sa viviriee mau uraghëëra mwino vafëe mahutye. 22Mbesa uvii, nene ngumwëëra nyenye, Itiku ra iramuwa nyee muje ukhuvëchwa nanguu ukëra Tiro na Sidoni. 23Na vee Kafarinaumu, wurë, uguhumbuwa faka girundena? Ugutununtiwa faka gwaa arungu amakhaa! Gusoko mwino makua nëatendekie kunë vee nësa naatendekie ukoo uSodoma, muji wasuu ësa urëfo faka rëo ëyëë: 24Ëgweeso nene ngumwëëra nyenye, itiku ra iramuwa ëgutendeka bahu nanguu gwa antu va uSodoma ukëra veve.”

Njii kunë nee mutuye

(Luk 10:21-23)

25Itungo rësëë Yesu agahanya, “Ngugurumba vee Tata, Müküü wa irunde na urëmi, gusoko winaaraghëëra anyamahaa mantu ayaa ugavaraghëëra ang'ënya në anyughuu. 26Nhaa, Tata, ëgaguyanjisya uvii.” 27Tata wanë wampee mantu oong'e. Gutie në umumanyie Mwana ëgweeso Tata, ëgweeso nëumumanyie Tata unë Mwana na gëkaku wasuu në Mwana uyanjëte umuhughua. 28“Njii kunë nee nyoong'e nëmuukhasëkaa na uremechwa na mërigho nee ngumutuyisya. 29Yarë iyoki ranë mwisëye kunë nee, gusoko nee nëmufoo na mwinyumpi wa nkhoo, nyee mufefeheeywa munkhoo yanyu. 30Gusoko iyoki në nee ngumufa unë rëtere, na murigho wanë unë ufüfu.”

ప్రస్తుతం ఎంపిక చేయబడింది:

Matayo 11: RIMRC

హైలైట్

షేర్ చేయి

కాపీ