Genesis 36
36
Esaupa milaynincuna
1Cro 1.34-54
1Esaupa jucnin śhutin Edommi cala. Paypa milaynincuna caycunam: 2Esau casaracula Canaan lädu walmicunawanmi.#Gen 26.34. Jucnin walminmi Het lädu Elonpa chulin Ada nishan cala. Jucninñatacmi Hev lädu Zibeonpawan Anap chulin Aholibama nishan cala. 3Jucnin walminñatacmi Ismaelpa chulin Basemat; paypa paninñatacmi Nebaiot cala.#Gen 26.34.
4Cay Ada nishan walminćhümi chulin Elifaz cala. Basemat walminćhüñatacmi chulin Reuel cala. 5Aholibama walminćhüñatacmi chulin: Jeus, Jaalam, Core cala. Paycunamari Esaupa chulin Canaanćhu näsïcunaca.
6Chaypïta Esau walmincunacta, lluy chulincunacta, uywancunacta, Canaan lädućhu lluy imapis armaśhan cänincunacta apaculculmi licula. Chaynüpam juc lädu malcaman śhullcan Jacobpa lädunpïta japächacula. 7Ishcayninpis sumä alli-alli cänincuna captinmari jucllaćhu capäcunanpä manaña allinchu cala. Jinaman uywancunapis achca-achcaman miläluptinmi cusca capäcunanpä manaña pastupis camapäculachu. 8Chaynüpam Edompa lisipäcuśhan Seirpa ulꞌuncunaman Esau yaćhä licula.
9Seirpa ulꞌuncunaćhu cä Edom caśhtacunap taytan Esaupa milaynincuna caycunam: 10Ada walminćhümi chulin Elifaz cala. Basemat walminćhüñatacmi chulin Reuel cala.
11Elifazpa chulincunañatacmi cala: Teman, Omar, Zefo, Gatam, Cenazpis. 12Elifazpa chuli waćhänin Timnaćhütacmi chulin Amalec nishallan cala. Lluy paycunamari Esaupa walmin Adap willcancuna capäcula.
13Reuelpa milaynincunañatacmi: Nahat, Zera, Sama, Mizapis. Paycunamari Esaupa walmin Basematpa willcancuna capäcula.
14Esaupa chulin Jeus, Jaalam, Core nishancuna walmin Aholibamaćhümi cala. Paymi Anap wawin, Zibeonpa willcan cala.
15Esaupa milaynincunaćhu puydïnincuna caycunam; wamä chulin Elifazćhuꞌa: Teman, Omar, Zefo, Cenaz, 16Core, Gatam, Amalecpis. Paycunamari Edom malcäćhu Ada walminpi puydï willcancuna.
17Ñatac Reuel chulinćhu puydïcunäñatacmi: Nahat, Zera, Sama, Miza capäcula. Paycunamari Esaupa Basemat walminćhu puydï willcancuna.
18Walmin Aholibamaćhüñatacmi puydïnincuna cala: Jeus, Jaalam, Core. Paycunamari Anapa puydï willcancuna cala.
19Lluy caycunam Edom nipäcuśhan Esaupa milaynincunaćhu puydïnincuna capäcula.
20Ñatac Horeo caśhta chayćhu yaćhä Seirpa milaynincunañatacmi: Lotan, Sobal, Zibeon, Ana, 21Dison, Ezer, Disanpis. Paycunamari Edomćhu Seir caśhtap puydïnincuna capäcula.
22Lotanpa chulincunañatacmi cala: Horiwan, Hemam. Lotanpa paninmari Timnapis cala.
23Sobalpa chulincunañatacmi cala: Alvan, Manahat, Ebal, Sefo, Onampis.
24Zibeonpa chulincunañatacmi: Ajawan Ana cala. Cay Anam papänin Zibeonpa aśhnunta chunyäcäćhu michiyal pucyucta talïca cala.
25Anap wawincunapñatacmi: Disonwan walmi chulin Aholibama cala.
26Disonpa milaynincunañatacmi: Hemdam, Esban, Itran, Queranpis.
27Ezerpa milaynincunañatacmi: Bilhan, Zaavan, Achan nishanpis.
28Disanpa milaynincunañatacmi Uzwan Aran.
29Cay Horeo caśhtacunap puydïnincuna caycunam: Lotan, Sobal, Zibeon, Ana, 30Dison, Ezer, Disanpis. Paycunam Seir lädućhu Horeo caśhtacunap puydïnincuna milayninpa-cama capäcula.
31Ñatac Israel caśhtacunäpa mandacünin manaläpis captinmi Edompa mandacünincuna calaña:
32Jucninmi Beorpa chulin Bela; paypa malcanmi Dinaba.
33Bela wañucuptinmi Bosra malcayu Zerap chulin Jobab mandacula.
34Jobab wañucuptinñatacmi Teman lädu Husam mandacula.
35Husam wañucuptinñatacmi Bedadpa chulin Hadad mandacula. Paymi Moab lädućhu pilyal Madian lädu nunacunäta llallïla. Paypa malcanmi Avit cala.
36Hadad wañucuptinñatacmi Masreca lädu Samla mandacula.
37Samla wañucuptinñatacmi Eufrates mayu patanćhu cä Rehobot malcayu Saul mandacula.
38Saul wañucuptinñatacmi Acborpa chulin Baal-hanan mandacula.
39Baal-hanan wañucuptinñatacmi Pau malcayu Hadar mandacula. Paypa walminñatacmi Mehetabel nishan cala. Paymi Matredpa wawin, Mezaabpa willcan cala.
40Caycunam Esaupa aylluncunap malcanpa-cama puydïnincuna capäcula: Timna, Alva, Jetet, 41Aholibama, Ela, Pinon, 42Cenaz, Teman, Mibzar, 43Magdiel, Irampis. Paycunam Edom lädup puydïnincuna ayllunpa-cama, malcanpa-cama capäcula.
ప్రస్తుతం ఎంపిక చేయబడింది:
Genesis 36: QVW
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
© 2022, AMWAN (Old Testament text)
© 2006, Wycliffe Bible Translators, Inc. (New Testament text)
Print copy NT 2006, Liga Bíblica del Perú
